លិខិតជូនពរ សូមគោរពជូន សម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា__ លិខិតជូនពរ សូមគោរពជូន សម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា__ លិខិតជូនពរ សូមគោរពជូន សម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា__ សេចក្តីជូនដំណឹង ស្តីអំពីគណៈប្រតិភូជាន់ខ្ពស់រដ្ឋសភា​ នៃព្រះរាជាណាចក្រកម្ពុជា​ អញ្ជើញទៅបំពេញទស្សនកិច្ចជាផ្លូវការ​ និងមិត្តភាព​ នៅសាធារណរដ្ឋសង្គមនិយមវៀតណាម​ និងសាធារណរដ្ឋប្រជាធិបតេយ្យប្រជាមានិតឡាវ__ សមាជិកសភាជួបតំណាងរាជរដ្ឋាភិបាលដើម្បីសិក្សាឈ្វេងយល់ពីតំបន់ត្រីកោណអភិវឌ្ឍន៍ កម្ពុជា ឡាវ វៀតណាម__ រដ្ឋសភា និងរាជរដ្ឋាភិបាល មានជំនឿថា ច្បាប់ស្តីពីការគ្រប់គ្រងប្រេងកាត និងផលិតផលប្រេងកាត ជាយន្តការការពារធនធានប្រេងដោយតម្លាភាព__ ឯកឧត្ដមបណ្ឌិត ប៉ែន បញ្ញា ៖ កិច្ចប្រជុំគណៈកម្មការកិច្ចសហប្រតិបត្តិការ និងអភិវឌ្ឍន៍ APF ដំណើរការទៅល្អ និងបានបញ្ចប់ដោយជោគជ័យ ៕


ទំព័រមុខ » ព័ត៌មាន » ព័ត៌មានប្រចាំថ្ងៃ » មន្រ្តីអគ្គលេខាធិការដ្ឋានរដ្ឋសភា៣១នាក់ ទទួលបានជំនាញស្រាវជ្រាវកិច្ចការសភា ក្រោយបញ្ចប់ការសិក្សារយៈពេល១ឆ្នាំ
មន្រ្តីអគ្គលេខាធិការដ្ឋានរដ្ឋសភា៣១នាក់ ទទួលបានជំនាញស្រាវជ្រាវកិច្ចការសភា ក្រោយបញ្ចប់ការសិក្សារយៈពេល១ឆ្នាំ
រៀបរៀងដោយ ៖​ NA1472 ​ នៅថ្ងៃទី (2/7/2019 6:55:38 PM )

មន្រ្តីអគ្គលេខាធិការដ្ឋានរដ្ឋសភាចំនួន៣១នាក់ បានបញ្ចប់វគ្គបណ្តុះបណ្តាលជំនាញស្រាវជ្រាវកិច្ចការសភា ដែលមានរយៈពេលសិក្សា ១៥៦ម៉ោង ក្នុង១ឆ្នាំ ដោយជោគជ័យ។

ពិធីបិទវគ្គសិក្សា និងការចែកវិញ្ញាបនបត្របានប្រារព្ធធ្វើនៅសៀលថ្ងៃទី៧ ខែកុម្ភៈ ឆ្នាំ២០១៩ នៅវិមានរដ្ឋសភា ក្រោមអធិបតីភាព ឯកឧត្តម ឡេង ប៉េងឡុង អគ្គលេខាធិការរដ្ឋសភា។ វគ្គបណ្តុះបណ្តាលនេះ បានបង្កើតឡើងដោយអគ្គលេខាធិការដ្ឋានរដ្ឋសភា ក្រោមជំនួយឧបត្ថម្ភរបស់អង្គការ សហប្រតិបត្តិការអាល្លឺម៉ង់(GIZ)។

ឯកឧត្តម ប៉ែន ប្រាកដ អគ្គនាយករងនៃអគ្គនាយកដ្ឋាននីតិកម្ម និងស្រាវជ្រាវ បានលើកឡើងថា វគ្គសិក្សានេះ បានផ្តល់ឱកាសដល់សិក្ខាកាម បានសិក្សាទ្រឹស្តី និងអនុវត្តការងារក្នុងពេលតែមួយ។ ជារួមវគ្គសិក្សានេះ បានផ្តល់នូវចំណេះដឹង និងបទពិសោធន៍ សម្រាប់មន្រ្តីយកទៅអនុវត្ត ក្នុងការងារផ្ទាល់បាន។

សូមជម្រាបថា វគ្គបណ្តុះបណ្តាលនេះ បានចាប់ផ្តើម ពីថ្ងៃទី២៦ ខែកុម្ភៈ ឆ្នាំ២០១៨មក។ នៅក្នុងរយៈពេលសិក្សា គឺស្របពេលដែលសភាកម្ពុជា ត្រៀមរៀបចំទទួលធ្វើជាម្ចាស់ផ្ទះកិច្ចប្រជុំប្រចាំឆ្នាំលើកទី២៧ នៃវេទិកាសភាអាស៊ី-ប៉ាស៊ីហ្វិក(APPF) ផងដែរ។ ដូច្នេះការងារសិក្សាលើផ្នែកស្រាវជ្រាវ កិច្ចការសភានេះ បានផ្សារភ្ជាប់នឹងការអនុវត្ត ដោយបានផ្តល់ឱកាសដល់សិក្ខាកាមធ្វើការសិក្សាស្រាវជ្រាវ និងចងក្រងឯកសារ សម្រាប់កិច្ចប្រជុំ APPF នេះតែម្តង។

មានប្រសាសន៍ក្នុងពិធីបិទវគ្គសិក្សានេះ ឯកឧត្តម ឡេង ប៉េងឡុង បានគាំទ្រចំពោះវគ្គបណ្តុះបណ្តាលនេះ។ ឯកឧត្ដមបានលើកឡើងថាការ បណ្តុះបណ្តាលជំនាញស្រាវជ្រាវនេះ នឹងក្លាយជាប្រភពធនធានថ្មីមួយ ជួយជំរុញប្រសិទ្ធភាពការងារអគ្គលេខាធិការដ្ឋានរដ្ឋសភាកាន់តែខ្ពស់ឡើង។

ឯកឧត្តមអគ្គលេខាធិការ បានស្នើដល់មន្រ្តីទាំងអស់ ត្រូវបន្តខិតខំសិក្សា និងស្រាវជ្រាវបន្ថែមទៀត ដើម្បីឆ្លើយតបតម្រូវការខាងឯកសារនានារបស់ ស្ថាប័ន៕

អត្ថបទ និងរូបភាព ដោយនាយកដ្ឋានព័ត៌មាន