គណៈកម្មការជំនាញរដ្ឋសភាឯកភាពលើសេចក្តីព្រាងច្បាប់ចំនួនបី ដែលធានាដល់ការទូទាត់របស់រាជរដ្ឋាភិបាលឲ្យក្រុមហ៊ុនអភិវឌ្ឍន៍វិស័យថាមពលអគ្គិសនី__ រដ្ឋសភាកម្ពុជាគ្រោងចូលរួមជំនួបពិភាក្សារវាងសភាអាស៊ាន និងរដ្ឋាភិបាលអាស៊ាន នៅក្នុងប្រទេសថៃ__ គណៈកម្មការនីតិកម្មរដ្ឋសភាពិនិត្យសេចក្តីព្រាងសំណួរសម្រាប់លើកមកសួររាជរដ្ឋាភិបាល__ សូមក្រាបបង្គំទូលថ្វាយ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល សម្តេចព្រះមហាក្សត្រី ជាទីគោរពសក្ការៈដ៏ខ្ពង់ខ្ពស់!__ សេចក្តីជូនដំណឹង រដ្ឋសភានៃព្រះរាជាណាចក្រកម្ពុជា នឹងបន្តសម័យប្រជុំលើកទី២​ នីតិកាលទី៦ នៅថ្ងៃចន្ទ​ ទី១៧​ ខែមិថុនា​ ឆ្នាំ២០១៩ ៕


ទំព័រមុខ » ព័ត៌មាន » ព័ត៌មានប្រចាំថ្ងៃ » ឯកឧត្តម ហ៊ុន ម៉ានី ដឹកនាំកិច្ចប្រជុំត្រួតពិនិត្យលទ្ធផលការងារ Drafting Committee និងការងារ Working Group សម្រាប់កិច្ចប្រជុំ APPF
ឯកឧត្តម ហ៊ុន ម៉ានី ដឹកនាំកិច្ចប្រជុំត្រួតពិនិត្យលទ្ធផលការងារ Drafting Committee និងការងារ Working Group សម្រាប់កិច្ចប្រជុំ APPF
រៀបរៀងដោយ ៖​ NA1472 ​ នៅថ្ងៃទី (1/8/2019 12:33:28 AM )

ឯកឧត្តម ហ៊ុន ម៉ានី ប្រធានគណៈកម្មការអប់រំ យុវជន កីឡា ធម្មការ កិច្ចការសាសនា វប្បធម៌ និងទេសចរណ៍នៃរដ្ឋសភា បានដឹកនាំកិច្ចប្រជុំ ត្រួតពិនិត្យលទ្ធផលការងារ Drafting Committee និងការងារ Working Group។

កិច្ចប្រជុំនេះធ្វើឡើងនៅព្រឹកថ្ងៃទី៨ ខែមករា ឆ្នាំ២០១៩ នៅវិមានរដ្ឋសភា មានការចូលរួមពីសមាជិក សមាជិកា រដ្ឋសភា និងក្រុមការងារ នៃលេខាធិការដ្ឋានជាតិ APPF។

ឯកឧត្តម ហ៊ុន ម៉ានី បានមានប្រសាសន៍ថា ការរៀបចំកិច្ចប្រជុំវេទិកាសភាអាស៊ី-ប៉ាស៊ីហ្វិក លើកទី២៧ ដែលសភាកម្ពុជាម្ចាស់ផ្ទះ គឺកាន់តែកៀកដល់ ថ្ងៃដែលត្រូវប្រារព្ធជាផ្លូវការហើយ គឺនៅថ្ងៃទី១៤ ដល់ថ្ងៃទី១៧ ខែមករា ឆ្នាំ២០១៩ខាងមុខ។ ជាការពិតគ្រប់ផ្នែកសុទ្ធតែបានត្រៀមលក្ខណៈសម្បត្តិ ក្នុងការរៀបចំរួចរាល់អស់ហើយ តែការងារ Drafting Committee និងការងារ Working Group គឺជាការងារដែលត្រូវធ្វើនៅក្នុងអំឡុងពេលនៃកិច្ចប្រជុំ កំពុងដំណើរការ ដែលទាមទារឲ្យក្រុមការងារ ត្រូវយកចិត្តទុកដាក់ និងត្រៀមលក្ខណៈសម្បត្តិគ្រប់ពេលវេលា សហការគ្នា និងជួយគ្នា ក្នុងការរៀបចំ នៅក្នុងពេលនៃកិច្ចប្រជុំនោះ។

សូមជម្រាបថា វេទិកាសភាអាស៊ី-ប៉ាស៊ីហ្វិក ដែលមានឈ្មោះជាភាសាអង់គ្លេស “The Asia Pacific Parlia mentary Forum” បានបង្កើតឡើងនៅ ទីក្រុងតូក្យូ ប្រទេសជប៉ុន ក្នុងឆ្នាំ១៩៩៣។ សភានៃព្រះរាជាណាចក្រកម្ពុជា បានចូលជាសមាជិកពេញសិទ្ធិនៃវេទិកាសភានេះ កាលពីឆ្នាំ១៩៩៥។ បច្ចុប្បន្នAPPFមានសមាជិកពេញសិទ្ធិចំនួន២៧ប្រទេស។ វេទិកានេះតែងតែមានកិច្ចប្រជុំប្រចំាឆ្នាំជាទៀងទាត់ ដោយប្រទេសជាសមាជិកផ្លាស់វេនគ្នា ធ្វើជាប្រធាន។ សម្រាប់កិច្ចប្រជុំប្រចាំឆ្នាំនៃវេទិកាសភាអាស៊ី-ប៉ាស៊ីហ្វិក លើកទី២៧ គឺសភាកម្ពុជាជាអ្នកទទួលវេនធ្វើជាប្រធានរៀបចំកិច្ចប្រជុំ នឹងរៀបចំធ្វើនៅលើទឹកដីអង្គរខេត្តសៀមរាប ពីថ្ងៃទី១៣ ដល់ ទី១៧ ខែមករា ឆ្នាំ២០១៩ខាងមុខ៕

អត្ថបទ និងរូបភាព​ ដោយនាយកដ្ឋានព័ត៌មាន