គណៈកម្មការជំនាញរដ្ឋសភាឯកភាពលើសេចក្តីព្រាងច្បាប់ចំនួនបី ដែលធានាដល់ការទូទាត់របស់រាជរដ្ឋាភិបាលឲ្យក្រុមហ៊ុនអភិវឌ្ឍន៍វិស័យថាមពលអគ្គិសនី__ រដ្ឋសភាកម្ពុជាគ្រោងចូលរួមជំនួបពិភាក្សារវាងសភាអាស៊ាន និងរដ្ឋាភិបាលអាស៊ាន នៅក្នុងប្រទេសថៃ__ គណៈកម្មការនីតិកម្មរដ្ឋសភាពិនិត្យសេចក្តីព្រាងសំណួរសម្រាប់លើកមកសួររាជរដ្ឋាភិបាល__ សូមក្រាបបង្គំទូលថ្វាយ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល សម្តេចព្រះមហាក្សត្រី ជាទីគោរពសក្ការៈដ៏ខ្ពង់ខ្ពស់!__ សេចក្តីជូនដំណឹង រដ្ឋសភានៃព្រះរាជាណាចក្រកម្ពុជា នឹងបន្តសម័យប្រជុំលើកទី២​ នីតិកាលទី៦ នៅថ្ងៃចន្ទ​ ទី១៧​ ខែមិថុនា​ ឆ្នាំ២០១៩ ៕


ទំព័រមុខ » ព័ត៌មាន » ព័ត៌មានប្រចាំថ្ងៃ » វិស័យសេដ្ឋកិច្ច និងពាណិជ្ជកម្ម APPF ទទួលបានសេចក្តីព្រាងសេចក្តីសម្រេចចំនួន៩ សម្រាប់លើកយកទៅប្រជុំ
វិស័យសេដ្ឋកិច្ច និងពាណិជ្ជកម្ម APPF ទទួលបានសេចក្តីព្រាងសេចក្តីសម្រេចចំនួន៩ សម្រាប់លើកយកទៅប្រជុំ
រៀបរៀងដោយ ៖​ NA1472 ​ នៅថ្ងៃទី (1/3/2019 6:54:40 AM )

វិស័យសេដ្ឋកិច្ច និងពាណិជ្ជកម្ម ដែលជាវិស័យមួយ នៃកិច្ចប្រជុំប្រចាំឆ្នាំ APPF បានទទួលសេចក្តីព្រាងសេចក្តីសម្រេចចំនួន៩ ពីប្រទេសសមាជិក APPF ដើម្បីលើកយកទៅប្រជុំពិភាក្សានៅក្នុងកិច្ចប្រជុំប្រចាំឆ្នាំលើកទី២៧ ដែលសភាកម្ពុជាធ្វើជាម្ចាស់ផ្ទះ នាពាក់កណ្តាលខែមករានេះ។

ឯកឧត្តម ឈួន ឡេង សមាជិកព្រឹទ្ធសភា និងជាប្រធានក្រុមការងាររៀបចំខ្លឹមសារ វិស័យសេដ្ឋកិច្ច និងពាណិជ្ជកម្មនេះ បានប្រជុំពិនិត្យសេចក្តីព្រាង សេចក្តីសម្រេចទាំងនោះ នារសៀលថ្ងៃទី៣ ខែមករា ឆ្នាំ២០១៩នេះ នៅវិមានរដ្ឋសភា។

ឯកឧត្តមបានស្នើដល់ក្រុមការងារ អោយនិពិត្យខ្លឹមសារសេចក្តីព្រាងសេចក្តីសម្រេចទាំងនោះ អោយបានល្អិតល្អន់ និងធ្វើការស្រាវជ្រាវពីលទ្ធផល នៃកិច្ចប្រជុំឆ្នាំមុនៗ ដើម្បីជាឯកសារជំនួយស្មារតី ធ្វើយ៉ាងណាអោយការប្រជុំ APPF នៅកម្ពុជាទទួលបានជោគជ័យ ឆ្លើយតបសភាពការណ៍ជាក់ស្តែង បម្រើដល់ផលប្រយោជន៍រួម។

សូមជម្រាបថា​ សភាកម្ពុជានឹងធ្វើជាម្ចាស់ផ្ទះរៀបចំ កិច្ចប្រជុំប្រចាំឆ្នាំលើកទី២៧ APPF ចាប់ពីថ្ងៃទី១៤​ ដល់ថ្ងៃទី១៧​ ខែមករា ឆ្នាំ២០១៩នេះ នៅខេត្តសៀមរាប៕

អត្ថបទ​ និងរូបភាព​ ដោយនាយកដ្ឋានព័ត៌មាន