សេចក្តីប្រកាសព័ត៌មាន ស្តីពី លទ្ធផលនៃសម័យប្រជុំរដ្ឋសភា លើកទី១ នីតិកាលទី៦ ថ្ងៃព្រហស្បតិ៍ ទី១៥ ខែវិច្ឆិកា ឆ្នាំ២០១៨__ ឯកឧត្ដម ឈាង វុន៖ គ្រប់ផ្នែកត្រូវធ្វើការអោយស៊ីសង្វាក់គ្នាទើបដំណើរការការងារប្រព្រឹត្តទៅរលូននឹងទទួលបានជោគជ័យ__ រដ្ឋសភាផ្តើមពិភាក្សាសេចក្តីព្រាងច្បាប់ហរិញ្ញវត្ថុឆ្នាំ២០១៩ និងសេចក្តីព្រាងច្បាប់បីផ្សេងទៀត__ រដ្ឋមន្រ្តីក្រសួងសង្គមកិច្ច ជម្រាបជូនរដ្ឋសភាអំពីសមិទ្ធិផលនានារបស់ក្រសួងសម្រេចបានក្នុងអាណត្តិទី៥__ ប្រធានគណៈកម្មការទូរគមនាគមន៍រដ្ឋសភា ជម្រាបរដ្ឋមន្រ្តីពីការយកចិត្តទុកដាក់បញ្ហាសន្តិសុខបច្ចេកវិទ្យាគមនាគមន៍__ ក្រុមការងារទទួលបន្ទុកវិស័យកិច្ចសហប្រតិបត្តិការក្នុងតំបន់ នៃកិច្ចប្រជុំប្រចាំឆ្នាំ APPF លើកទី២៧ បានបញ្ចប់ការរៀបចំខ្លឹមសារសេចក្តីព្រាងសេចក្ដីសម្រេចរបស់ខ្លួន__ សេចក្តីជូនដំណឹង ស្តីពី រដ្ឋសភានៃព្រះរាជាណាចក្រកម្ពុជា នឹងបន្តសម័យប្រជុំលើកទី១ នីតិកាលទី៦ នៅថ្ងៃព្រហស្បតិ៍ ៨កើត ខែកត្តិក ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី១៥ ខែវិច្ឆិកា ឆ្នាំ២០១៨ ៕


ទំព័រមុខ » ព័ត៌មាន » ព័ត៌មានប្រចាំថ្ងៃ » ក្រសួងបរិស្ថានជម្រាបសមិទ្ធផលអាណត្តិទី៥​ដល់រដ្ឋសភា និងសុំការគាំទ្រក្នុងអាណត្តិថ្មី
ក្រសួងបរិស្ថានជម្រាបសមិទ្ធផលអាណត្តិទី៥​ដល់រដ្ឋសភា និងសុំការគាំទ្រក្នុងអាណត្តិថ្មី
រៀបរៀងដោយ ៖​ NA1472 ​ នៅថ្ងៃទី (11/8/2018 6:34:03 AM )

សមិទ្ធផលសំខាន់ៗដែលក្រសួងបរិស្ថានសម្រេចបានក្នុងអាណត្តិទី៥ មានដូចជា ការធ្វើទំនើបកម្មស្ថាប័ន និងការកសាងរដ្ឋបាលទំនើបកម្ម កិច្ចគាំពារ បរិស្ថាន ការងារការពារ និងអភិរក្សធនធានធម្មជាតិ ការអភិវឌ្ឍដោយចីរភាព និងការងារអប់រំ និងផ្សព្វផ្សាយ អំពីបរិស្ថានដល់ប្រជាពលរដ្ឋ។ ទាំងនេះជា ការលើកឡើងរបស់រដ្ឋមន្រ្តីក្រសួងបរិស្ថាន នៅចំពោះមុខគណៈកម្មការជំនាញរដ្ឋសភា ដែលទទួលបន្ទុកការងារបរិស្ថាន។

ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានដឹកនាំសហការី មកធ្វើបទបង្ហាញស្តីពីលទ្ធផលការងារក្នុងអាណត្តិទី៥ និងទិសដៅការងារ អាណត្តិទី៦ ដល់គណៈកម្មការផែនការ វិនិយោគ កសិកម្ម អភិវឌ្ឍន៍ជនបទ បរិស្ថាន និងធនធានទឹកនៃរដ្ឋសភា ដែលមាន ឯកឧត្តម ជា វ៉ាន់ដេត ជាប្រធាន នៅព្រឹកថ្ងៃទី០៨ ខែវិច្ឆិកា ឆ្នាំ២០១៨ ។

ឯកឧត្តម សាយ សំអាល់ បានគូសបញ្ជាក់ថា ជាមួយលទ្ធផលទាំងអស់នោះ ក្រសួងបានកសាងជំនឿ និងទំនុកចិត្តដល់សាធារណជនលើកំណែទម្រង់ និងការដឹកនាំរបស់រាជរដ្ឋាភិបាលក្នុងវិស័យបរិស្ថាន និងធនធានធម្មជាតិ។

ជាមួយការលើកឡើងពីសមិទ្ធផលដែលបានធ្វើហើយ​ ដើម្បីប្រសិទ្ធភាពការងារបន្តទៀត ឯកឧត្តមរដ្ឋមន្ត្រីបានស្នើសុំរដ្ឋសភា ជាពិសេសគណៈកម្មការ ទី៣ដែលទទួលបន្ទុកវិស័យបរិស្ថាន ជួយគាំទ្រដល់បេសកកម្មរបស់ក្រសួងបរិស្ថាន ជាពិសេសចំពោះសេចក្តីព្រាងច្បាប់នានាដែលក្រសួងដាក់សុំការ អនុម័តពីរដ្ឋសភា។

ឯកឧត្តម ជា វ៉ាន់ដេត បានវាយតម្លៃខ្ពស់ ចំពោះលទ្ធផលការងារដែលក្រសួងបរិស្ថានសម្រេចបាន និងបានសន្យាថា នឹងគាំទ្រសេចក្តីព្រាងច្បាប់ ទាំងឡាយណាដែលក្រសួងស្នើសុំរដ្ឋសភាអនុម័ត និងបានបញ្ជាក់ថា រដ្ឋសភាត្រៀមសហការ និងគាំទ្រដល់បេសកកម្មរបស់ក្រសួងបរិស្ថានជានិច្ច តាមរយៈយន្តការរបស់រដ្ឋសភា៕

អត្ថបទ​ និងរូបភាព​ ដោយនាយកដ្ឋានព័ត៌មាន