អនុគណៈកម្មការហិរញ្ញវត្ថុ​ និងផ្គត់ផ្គង់​ នៃកិច្ចប្រជុំប្រចាំឆ្នាំ នៃវេទិកាសភាអាស៊ី-ប៉ាស៊ីហ្វិក លើកទី២៧ ប្រជុំត្រួតពិនិត្យលទ្ធផលការងារ__ ឯកឧត្តម ហ៊ុន ម៉ានី​ ដឹកនាំកិច្ចប្រជុំត្រួតពិនិត្យលទ្ធផលការងារចងក្រងឯកសារសម្រាប់កិច្ចប្រជុំ APPF__ លិខិតជូនពរ ជូនចំពោះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា__ លិខិតជូនពរ សូមគោរពជូន សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន ប្រធានកាកបាទក្រហមកម្ពុជា__ សេចក្តីជូនដំណឹង ស្តីពី ដំណើរទស្សនកិច្ចជាផ្លូវការ និងមិត្តភាព របស់គណៈប្រតិភូ ជាន់ខ្ពស់រដ្ឋសភា នៃសាធារណរដ្ឋបារាំង នៅព្រះរាជាណាចក្រកម្ពុជា__ សេចក្តីប្រកាសព័ត៌មាន ស្តីពី លទ្ធផលនៃសម័យប្រជុំរដ្ឋសភាលើកទី១ នីតិកាលទី៦ ថ្ងៃព្រហស្បតិ៍ ទី១៣ ខែធ្នូ ឆ្នាំ២០១៨__ រដ្ឋសភា ពិភាក្សា និងអនុម័តសេចក្តីស្នើច្បាប់វិសោធនកម្មច្បាប់ស្តីពីគណបក្សនយោបាយ និងសេចក្តីព្រាងច្បាប់បរធនបាលកិច្ច__ សេចក្តីជូនដំណឹង រដ្ឋសភានៃព្រះរាជាណាចក្រកម្ពុជា​ នឹងបន្តសម័យប្រជុំលើកទី១​ នីតិកាលទី៦ នៅថ្ងៃព្រហស្បតិ៍​ ៦កើត​ ខែមិគសិរ​ ឆ្នាំច​ សំរឹទ្ធិស័ក​ ព.ស.​ ២៥៦២ ត្រូវនឹងថ្ងៃទី១៣​ ខែធ្នូ​ ឆ្នាំ២០១៨ ៕


ទំព័រមុខ » ព័ត៌មាន » ព័ត៌មានប្រចាំថ្ងៃ » រដូវភ្ជុំ៖ សម្តេចអគ្គមហាពញាចក្រី ហេង សំរិន និងលោកជំទាវ កាន់បិណ្ឌវេនទី១១ និង១២ នៅស្រុកកំណើត
រដូវភ្ជុំ៖ សម្តេចអគ្គមហាពញាចក្រី ហេង សំរិន និងលោកជំទាវ កាន់បិណ្ឌវេនទី១១ និង១២ នៅស្រុកកំណើត
រៀបរៀងដោយ ៖​ NA1472 ​ នៅថ្ងៃទី (10/6/2018 12:40:54 AM )

សម្តេចអគ្គមហាពញាចក្រី ហេង សំរិន ប្រធានរដ្ឋសភា និង លោកជំទាវ សៅ ទី ហេង សំរិន បានចូលរួមធ្វើបុណ្យ និងធ្វើទាន ជាមួយប្រជាពលរដ្ឋ ទូទាំងប្រទេសនៅក្នុងរដូវភ្ជុំបិណ្ឌនេះ។ ជាក់ស្តែង នៅថ្ងៃ១២រោច ខែភទ្របទ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី៦ ខែតុលា ឆ្នាំ២០១៨នេះ សម្តេច និងលោកជំទាវ បានអញ្ជើញចូលរួមកាន់បិណ្ឌវេនទី១២ នៅវត្តគីរីសុវណ្ណរាម ហៅវត្តថ្កូវ ឃុំកក់ ស្រុកពញាក្រែក ខេត្តត្បូងឃ្មុំ។

អមដំណើរសម្តេច ក្នុងការប្រតិបត្តិព្រះពុទ្ធសាសនាតាមទំនៀមទម្លាប់នេះ មាន ឯកឧត្តម វង សូត រដ្ឋមន្រ្តីក្រសួងសង្គមកិច្ច អតីតយុទ្ធជន និងយុវនីតិសម្បទា និងលោកជំទាវ ឯកឧត្តម កែវ ពិសិដ្ឋ សមាជិករដ្ឋសភា និងលោកជំទាវ ព្រមទាំងបុត្រាបុត្រី ក្រុមគ្រួសារ រួមនឹង ឯកឧត្តម លោកជំទាវ សមាជិក សមាជិការដ្ឋសភា អាជ្ញាធរដែនដី ប្រជាពុទ្ធបរិស័ទយ៉ាងច្រើនកុះករ។

សម្តេចអគ្គមហាពញាចក្រី ហេង សំរិន និងលោកជំទាវ បាននាំយកនូវគ្រឿងឧបភោគ បរិភោគ សម្ភារៈ រួមមានដូចជា អង្ករ៥បាវ ទឹកសុទ្ធ៦កេស ទឹកក្រូច៦កេស មី១កេសធំ ត្រីខ ទឹកដោះគោខាប់១កេស តែស្កសរ កាហ្វេ ទឹកត្រី៦យួរ ទឹកស៊ីអ៊ីវ៦យួរ និងបច្ច័យចំនួន១០លានរៀល វេរប្រគេនចំពោះ ព្រះសង្ឃគង់នៅក្នុងវត្តគីរីសុវណ្ណរាម ដោយសទ្ធាជ្រះថ្លាជាទីបំផុត។ ជាមួយគ្នានេះ សម្តេច និងលោកជំទាវ បានធ្វើទានចែកជូនលោកយាយជី លោកតាជី១០០នាក់ ក្នុងម្នាក់ៗទទួលបានក្រណាត់ស១ដុំ និងថវិកា១ម៉ឺនរៀល។

សូមជម្រាបថា នៅក្នុងឱកាសពិធីបុណ្យភ្ជុំបិណ្ឌនេះ សម្តេចប្រធានរដ្ឋសភា និងលោកជំទាវ បានអញ្ជើញកាន់បិណ្ឌជាច្រើនវត្តមកហើយ ហើយនៅ វេនទី១១ និង១២នេះ សម្តេច និងលោកជំទាវ បានអញ្ជើញធ្វើបុណ្យ និងធ្វើទាននៅតាមវត្តអារាមក្នុងស្រុកពញាក្រែក ខេត្តត្បូងឃ្មុំ ដែលជាស្រុក កំណើតផ្ទាល់របស់សម្តេច។

អត្ថបទ និងរូបភាព ដោយនាយកដ្ឋានព័ត៌មាន