អនុប្រធានសភាឌូម៉ា សហព័ន្ធរុស្ស៊ីសរសើរខ្លឹមសារកិច្ចប្រជុំសមាជិកសភាស្រ្តី APPF នៅកម្ពុជា__ ឯកឧត្ដមបណ្ឌិត ងួន ញ៉ិល បន្តដឹកនាំកិច្ចប្រជុំពេញអង្គវគ្គទី២ នៃកិច្ចប្រជុំAPPF លើកទី២៧ ដោយបន្តការពិភាក្សាលើវិស័យសេដ្ឋកិច្ច និងពាណិជ្ជកម្ម__ សម្តេចអគ្គមហាពញាចក្រី ហេង សំរិន ទទួលជួបពិភាក្សាការងារជាមួយប្រធានរដ្ឋសភាវៀតណាម__ សម្តេចប្រធានរដ្ឋសភាទទួលជួបពិភាក្សាការងារជាមួយអនុប្រធានសភាតំណាងប្រជាជនចិន__ លោកជំទាវ ឃួន សុដារី៖ វត្តមានរបស់គណៈប្រតិភូព្រឹទ្ធសភាសហរដ្ឋម៉ិកស៊ិចនៅពេលនេះ ជាស្ពានផ្សារភ្ជាប់រវាងអាមេរិចឡាទីន និងអាស៊ី-ប៉ាស៊ីហ្វិក__ កិច្ចប្រជុំពេញអង្គលើកទី១នៃកិច្ចប្រជុំAPPF លើកទី២៧ ផ្ដោតការពិភាក្សាគ្នាលើវិស័យនយោបាយ និងសន្តិសុខ__ វេទិកាសភាអាស៊ី-ប៉ាស៊ីហ្វិក លើកទី២៧ បានប្រារព្ធពិធីបើកកិច្ចប្រជុំជាផ្លូវការនៅលើទឹកអង្គរ ខេត្តសៀមរាប__ សម្តេចអគ្គមហាពញាចក្រី ហេង សំរិន៖ កាតព្វកិច្ច APPF បង្កើតចក្ខុវិស័យច្បាស់លាស់មួយ ក្នុងការកសាងសន្តិភាព និងវិបុលភាព សម្រាប់មនុស្សជំនាន់ក្រោយ__ សម្ដេច ហេង សំរិន៖ គោលបំណងរួមរបស់APPF គឺការកសាងតំបន់អាស៊ី-ប៉ាស៊ីហ្វិកឱ្យទៅជាតំបន់មួយដែលមានសុខសន្តិភាព ស្ថិរភាព វឌ្ឍនភាព និងភាពសុខដុមរមនា__ សម្តេចអគ្គមហាពញាចក្រី ហេង សំរិន ផ្តល់អនុសាសន៍មួយចំនួន ដល់សមាជិកសភាស្រ្តី APPF ដើម្បីលើកកម្ពស់សមភាពយ៉េនឌ័រ__ លោកជំទាវ ឃួន សុដារី ទទួលជួបសវនាការជាមួយគណៈប្រតិភូសភាជាន់ខ្ពស់សភាឌូម៉ា នៃសហព័ន្ធរុស្ស៊ី__ ឯកឧត្ដម ឡេង ប៉េងឡុង ផ្ដល់ព័ត៌មានបន្ថែមដល់ក្រុមជំនួយការគណៈប្រតិភូសមាជិក(APPF) ទាំងអស់ អំពីដំណើរការកម្មវិធីនៃកិច្ចប្រជុំ(APPF)លើកទី២៧__ រដ្ឋសភាកម្ពុជាឡាវចុះអនុស្សរណៈយោគយល់ពង្រឹងកិច្ចសហប្រតិបត្តិការ__ សម្តេចអគ្គមហាពញាចក្រី ហេង សំរិន ដឹកនាំកិច្ចប្រជុំគណៈកម្មាធិការប្រតិបត្តិវេទិកាសភាអាស៊ី-ប៉ាស៊ីហ្វិកលើកទី២៧__ គណៈប្រតិភូបរទេសបានអញ្ជើញមកដល់កម្ពុជាបណ្តើរៗហើយ ដើម្បីចូលរួមកិច្ចប្រជុំវេទិកាសភាអាស៊ី-ប៉ាស៊ីហ្វិក លើកទី២៧ (APPF-27)__ អគ្គលេខាធិការដ្ឋានរដ្ឋសភាបួងសួងសូមម្ចាស់ទឹកដីអង្គរឲ្យដំណើរការកិច្ចប្រជុំលើកទី២៧ APPF ប្រព្រឹត្តទៅដោយរលូន និងជោគជ័យ ៕


ទំព័រមុខ » គណៈកម្មការទី៦ » សកម្មភាព » ក្រុមការងាររៀបចំខ្លឹមសារសម្រាប់កិច្ចប្រជុំសមាជិកសភាជាស្ត្រី APPF ប្រជុំជ្រើសរើសប្រធានបទ​ សម្រាប់កិច្ចប្រជុំប្រចាំឆ្នាំ APPF លើកទី២៧
ក្រុមការងាររៀបចំខ្លឹមសារសម្រាប់កិច្ចប្រជុំសមាជិកសភាជាស្ត្រី APPF ប្រជុំជ្រើសរើសប្រធានបទ​ សម្រាប់កិច្ចប្រជុំប្រចាំឆ្នាំ APPF លើកទី២៧
រៀបរៀងដោយ ៖​ NA1472 ​ នៅថ្ងៃទី (6/19/2018 7:11:33 PM )

លោកជំទាវ ឃួន សុដារី ប្រធានក្រុមសភាជាតិកម្ពុជានៃអ្នកនយោបាយសភាស្ត្រី បានដឹកនាំកិច្ចប្រជុំក្រុមការងាររៀបចំខ្លឹមសារសម្រាប់កិច្ចប្រជុំ សមាជិកសភាជាស្ត្រីនៃសភាតំបន់អាស៊ី-ប៉ាស៊ីហ្វិក ហៅកាត់ថាAPPFលើកទី២៧ ដោយបានសម្រេចជ្រើសរើសយកប្រធានបទចំនួន៣ ក្នុងចំណោម ប្រធានបទដែលក្រុមការងារបានព្រាងរៀបចំចំនួន៦ និងប្រធានបទថ្មី១បន្ថែមទៀតដែលបានស្នើឡើងនៅក្នុងពេលនៃកិច្ចប្រជុំ។

កិច្ចប្រជុំនេះបានរៀបចំឡើងនៅរសៀលថ្ងៃទី៥ ខែមិថុនា ឆ្នាំ២០១៨ នៅវិមានរដ្ឋសភា ដោយមានការចូលរួមពីសមាជិកាសភាជាស្ត្រី តំណាងក្រសួង កិច្ចការនារី តំណាងវិទ្យាស្ថានសភាកម្ពុជា និងមន្ត្រីនៃលេខាធិការដ្ឋានជាតិ APPF ។

លោកជំទាវ ឃួន សុដារី បានមានប្រសាសន៍ជម្រាបដល់សមាជិក សមាជិកានៃកិច្ចប្រជុំ សូមពិចារណាជ្រើសរើសនូវប្រធានបទ ដែលបម្រើនូវ ផលប្រយោជន៍រួមរបស់ប្រទេសដែលជាសមាជិកAPPFទាំងអស់។ ការដែលធ្វើដូចនេះបាន គឺនឹងធ្វើឲ្យប្រទេសដែលមកចូលរួម គេមានការចូលរួម ចែករំលែកនូវគំនិត យោបល់ និងបទពិសោធន៍របស់គេយ៉ាងផុលផុសនៅក្នុងកិច្ចប្រជុំនាពេលខាងមុខ។

លោកជំទាវមានប្រសាសន៍បន្តថា ប្រទេសជាសមាជិកAPPFទាំងអស់ គឺមានទាំងប្រទេសតូច ប្រទេសធំ ប្រទេសក្រ ប្រទេសមធ្យម និងប្រទេស អ្នកមាន។ បើពិនិត្យទៅលើភូមិសាស្ត្រនយោបាយ សេដ្ឋកិច្ច សង្គមរបស់ប្រទេសសមាជិកទាំងអស់ គឺអាចបញ្ជាក់បានថា APPFបង្កើតឡើងដើម្បី ជំរុញឲ្យតំបន់អាស៊ីប៉ាស៊ីហ្វិក លើកកម្ពស់ការជជែកគ្នា យោគយល់គ្នា សហការគ្នា និងរួមគ្នាដោះស្រាយបញ្ហាសកល។

បន្ទាប់ពីមានការផ្ដល់មតិយោបល់ពីសមាជិកាសភា(រដ្ឋសភា ព្រឹទ្ធសភា) តំណាងក្រសួងកិច្ចការនារី តំណាងវិទ្យាស្ថានសភាកម្ពុជា និងមន្ត្រីនៃលេខា- ធិការដ្ឋានជាតិAPPFរួចមក កិច្ចប្រជុំបានសម្រេចជ្រើសរើសយកប្រធានបទចំនួន៣ សម្រាប់ផ្ញើទៅប្រទេសជាគណៈកម្មការប្រតិបត្តិ នៃសភាតំបន់ អាស៊ី-ប៉ាស៊ីហ្វិក នៅក្នុងកក្កដាខាងមុខ។

ប្រធានបទទាំងបីនោះមាន៖

១-ពង្រឹងភាពជាដៃគូក្នុងតំបន់អាស៊ី-ប៉ាស៊ីហ្វិក ដើម្បីសមភាពយេនឌ័រ និងការផ្ដល់ភាពអង់អាចដល់ស្រ្តី និងកុមារី ដើម្បីសន្តិភាព និងការអភិវឌ្ឍ ប្រកបដោយចីរភាព។

២-ធានាការផ្ដល់សមភាពរវាងស្ត្រី និងបុរស ក្នុងវិស័យអប់រំ វិជ្ជាជីវៈ បច្ចេកទេស និងព័ត៌មានវិទ្យា ដើម្បីសន្តិភាព និងសម្រេចបាននូវគោលដៅ អភិវឌ្ឍន៍ប្រកបដោយចីរភាព។

៣-លើកកម្ពស់សមភាពយេនឌ័រ និងការផ្ដល់ភាពអង់អាចដល់ស្រ្តីតាមរយៈ ការបង្កើនការចូលរួមរបស់ស្ត្រីក្នុងការធ្វើសេចក្ដីសម្រេចនៅគ្រប់កម្រិត។

លោកជំទាវ ឃួន សុដារី បានមានប្រសាសន៍ថ្លែងអំណរគុណដល់សមាជិក សមាជិកានៃអង្គប្រជុំទាំងអស់ ដែលបានចូលរួមមតិយោបល់ក្នុងការ សម្រេចជ្រើសរើសនូវប្រធានបទទាំងបីខាងលើ។ លោកជំទាវក៏បានណែនាំសូមឲ្យតំណាងមកពីក្រសួងកិច្ចការនារី ក៏ដូចជាវិទ្យាស្ថានសភាកម្ពុជា និង ក្រុមការងារទាំងអស់យកប្រធានបទដែលបានជ្រើសរើសនេះ ទៅជម្រាបជូនប្រធានស្ថាប័នរបស់ខ្លួន ដើម្បីពិចារណា ឬក៏មានចំណុចត្រូវកែសម្រួល បំពេញបន្ថែមឲ្យកាន់តែប្រសើរថែមទៀត មុននឹងសម្រេចបញ្ជូនទៅកាន់ប្រទេសជាគណៈកម្មការប្រតិបត្តិAPPF។

សូមបញ្ជាក់ថា សភាតំបន់អាស៊ី-ប៉ាស៊ីហ្វិក ហៅកាត់ថា APPF រហូតមកដល់ពេលនេះ មានសមាជិកទាំងអស់ចំនួន២៧ប្រទេស ហើយសភាកម្ពុជា នឹងធ្វើជាម្ចាស់ផ្ទះរៀបចំកិច្ចប្រជុំ APPF លើកទី២៧ នៅលើទឹកដីអង្គរ នៃខេត្តសៀមរាប នាខែមករា ឆ្នាំ២០១៩ ខាងមុខ។

អត្ថបទ និងរូបភាព ដោយនាយកដ្ឋានព័ត៌មាន