អនុប្រធានសភាឌូម៉ា សហព័ន្ធរុស្ស៊ីសរសើរខ្លឹមសារកិច្ចប្រជុំសមាជិកសភាស្រ្តី APPF នៅកម្ពុជា__ ឯកឧត្ដមបណ្ឌិត ងួន ញ៉ិល បន្តដឹកនាំកិច្ចប្រជុំពេញអង្គវគ្គទី២ នៃកិច្ចប្រជុំAPPF លើកទី២៧ ដោយបន្តការពិភាក្សាលើវិស័យសេដ្ឋកិច្ច និងពាណិជ្ជកម្ម__ សម្តេចអគ្គមហាពញាចក្រី ហេង សំរិន ទទួលជួបពិភាក្សាការងារជាមួយប្រធានរដ្ឋសភាវៀតណាម__ សម្តេចប្រធានរដ្ឋសភាទទួលជួបពិភាក្សាការងារជាមួយអនុប្រធានសភាតំណាងប្រជាជនចិន__ លោកជំទាវ ឃួន សុដារី៖ វត្តមានរបស់គណៈប្រតិភូព្រឹទ្ធសភាសហរដ្ឋម៉ិកស៊ិចនៅពេលនេះ ជាស្ពានផ្សារភ្ជាប់រវាងអាមេរិចឡាទីន និងអាស៊ី-ប៉ាស៊ីហ្វិក__ កិច្ចប្រជុំពេញអង្គលើកទី១នៃកិច្ចប្រជុំAPPF លើកទី២៧ ផ្ដោតការពិភាក្សាគ្នាលើវិស័យនយោបាយ និងសន្តិសុខ__ វេទិកាសភាអាស៊ី-ប៉ាស៊ីហ្វិក លើកទី២៧ បានប្រារព្ធពិធីបើកកិច្ចប្រជុំជាផ្លូវការនៅលើទឹកអង្គរ ខេត្តសៀមរាប__ សម្តេចអគ្គមហាពញាចក្រី ហេង សំរិន៖ កាតព្វកិច្ច APPF បង្កើតចក្ខុវិស័យច្បាស់លាស់មួយ ក្នុងការកសាងសន្តិភាព និងវិបុលភាព សម្រាប់មនុស្សជំនាន់ក្រោយ__ សម្ដេច ហេង សំរិន៖ គោលបំណងរួមរបស់APPF គឺការកសាងតំបន់អាស៊ី-ប៉ាស៊ីហ្វិកឱ្យទៅជាតំបន់មួយដែលមានសុខសន្តិភាព ស្ថិរភាព វឌ្ឍនភាព និងភាពសុខដុមរមនា__ សម្តេចអគ្គមហាពញាចក្រី ហេង សំរិន ផ្តល់អនុសាសន៍មួយចំនួន ដល់សមាជិកសភាស្រ្តី APPF ដើម្បីលើកកម្ពស់សមភាពយ៉េនឌ័រ__ លោកជំទាវ ឃួន សុដារី ទទួលជួបសវនាការជាមួយគណៈប្រតិភូសភាជាន់ខ្ពស់សភាឌូម៉ា នៃសហព័ន្ធរុស្ស៊ី__ ឯកឧត្ដម ឡេង ប៉េងឡុង ផ្ដល់ព័ត៌មានបន្ថែមដល់ក្រុមជំនួយការគណៈប្រតិភូសមាជិក(APPF) ទាំងអស់ អំពីដំណើរការកម្មវិធីនៃកិច្ចប្រជុំ(APPF)លើកទី២៧__ រដ្ឋសភាកម្ពុជាឡាវចុះអនុស្សរណៈយោគយល់ពង្រឹងកិច្ចសហប្រតិបត្តិការ__ សម្តេចអគ្គមហាពញាចក្រី ហេង សំរិន ដឹកនាំកិច្ចប្រជុំគណៈកម្មាធិការប្រតិបត្តិវេទិកាសភាអាស៊ី-ប៉ាស៊ីហ្វិកលើកទី២៧__ គណៈប្រតិភូបរទេសបានអញ្ជើញមកដល់កម្ពុជាបណ្តើរៗហើយ ដើម្បីចូលរួមកិច្ចប្រជុំវេទិកាសភាអាស៊ី-ប៉ាស៊ីហ្វិក លើកទី២៧ (APPF-27)__ អគ្គលេខាធិការដ្ឋានរដ្ឋសភាបួងសួងសូមម្ចាស់ទឹកដីអង្គរឲ្យដំណើរការកិច្ចប្រជុំលើកទី២៧ APPF ប្រព្រឹត្តទៅដោយរលូន និងជោគជ័យ ៕


ទំព័រមុខ » ព័ត៌មាន » ព័ត៌មានប្រចាំថ្ងៃ » សេចក្ដីព្រាងច្បាប់ដែលជំរុញដល់ការធ្វើពាណិជ្ជកម្មតំបន់ត្រីកោណអភិវឌ្ឍន៍កម្ពុជា ឡាវ វៀតណាម នឹងដាក់ជូនសម័យប្រជុំជាវិសាមញ្ញនៃរដ្ឋសភានាពេលខាងមុខធ្វើការពិភាក្សា និងអនុម័ត
សេចក្ដីព្រាងច្បាប់ដែលជំរុញដល់ការធ្វើពាណិជ្ជកម្មតំបន់ត្រីកោណអភិវឌ្ឍន៍កម្ពុជា ឡាវ វៀតណាម នឹងដាក់ជូនសម័យប្រជុំជាវិសាមញ្ញនៃរដ្ឋសភានាពេលខាងមុខធ្វើការពិភាក្សា និងអនុម័ត
រៀបរៀងដោយ ៖​ NA1472 ​ នៅថ្ងៃទី (2/10/2018 10:16:44 PM )

បន្ទាប់ពីបានពិភាក្សាសួរដេញដោលលើចំណុចមួយចំនួននៃសេចក្ដីព្រាងច្បាប់ស្តីពី “ការអនុម័តយល់ព្រមលើកិច្ចព្រមព្រៀងស្តីពី ការជំរុញ និងការ សម្រួលពាណិជ្ជកម្មតំបន់ត្រីកោណអភិវឌ្ឍន៍កម្ពុជា ឡាវ វៀតណាម​" ដែលជាចម្ងល់របស់គណៈកម្មការនៃរដ្ឋសភា ជាមួយតំណាងរាជរដ្ឋាភិបាល នាព្រឹកថ្ងៃទី០៩ ខែកុម្ភៈ ឆ្នាំ២០១៨ នៅវិមានរដ្ឋសភា លោកជំទាវ និន សាផុន ប្រធានគណៈកម្មការ​នៃរដ្ឋសភា បានមានប្រសាសន៍ថា ក្រោយពីបាន ស្ដាប់ការបកស្រាយពីតំណាងរាជរដ្ឋាភិបាលរួចមក គណៈកម្មការបានឯកភាពគ្នាបញ្ជូនសេចក្តីព្រាងច្បាប់នេះ ទៅគណៈកម្មាធិការអចិន្ត្រៃយ៍រដ្ឋសភា ដើម្បីសម្រេ​ច​ដាក់បញ្ចូលក្នុងរបៀបវារៈសម័យប្រជុំជាវិសាមញ្ញរដ្ឋសភាធ្វើការពិភាក្សា និងអនុម័តនាពេលខាងមុខ។

សមាសភាពចូលរួមក្នុងកិច្ចប្រជុំនាឱកាសនេះមាន គណៈកម្មការសាធារណការ ដឹកជញ្ជូន ទូរគមនាគមន៍ ប្រៃសណីយ៍ ឧស្សាហកម្ម រ៉ែ ថាមពល ពាណិជ្ជកម្ម រៀបចំដែនដី នគរូបនីយកម្ម និងសំណង់នៃរដ្ឋសភា ដឹកនាំដោយ លោកជំទាវ និន សាផុន ប្រធានគណៈកម្មការ និង ឯកឧត្តម ឈាង វុន ប្រធានគណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាននៃរដ្ឋសភា ព្រមទាំង ឯកឧត្តម លោកជំទាវ ជាតំណាង មកពីគណៈកម្មការជំនាញផ្សេងៗទៀតនៃរដ្ឋសភា។ ចំណែកតំណាងរាជរដ្ឋាភិបាល ដឹកនាំដោយ ឯកឧត្តម កឹម ស៊ីថន​ រដ្ឋលេខាធិការក្រសួង​ពាណិជ្ជកម្ម និងសហការី។

លោកជំទាវ និន សាផុន បានមានប្រសាសន៍ថា សេចក្តីព្រាងច្បាប់ស្តីពី“ការអនុម័តយល់ព្រមលើកិច្ចព្រមព្រៀងស្តីពីការជំរុញ និងការសម្រួល ពាណិជ្ជកម្មតំបន់ត្រីកោណអភិវឌ្ឍន៍កម្ពុជា ឡាវ វៀតណាម មានសារៈសំខាន់ណាស់ វាជាឯកសារគតិយុត្ត ដែលជួយឲ្យគោលដៅនៃការអភិវឌ្ឍតំបន់ ត្រីកោណប្រទេសទាំង៣ កាន់តែមានសន្ទុះទៅមុខ ហើយវាក៏បានឆ្លើយតបទៅនឹងការអភិវឌ្ឍរីកចម្រើនរបស់សង្គមជាតិផងដែរ។

ឯកឧត្តម កឹម ស៊ីថន រដ្ឋលេខាធិការក្រសួងពាណិជ្ជកម្ម បានមានប្រសាសន៍ថា កិច្ចព្រមព្រៀងស្ដីពីការជម្រុញ និងការសម្រួលពាណិជ្ជកម្មតំបន់ ត្រីកោណអភិវឌ្ឍន៍កម្ពុជា ឡាវ វៀតណាម ត្រូវបានចុះហត្ថលេខាដោយតំណាងប្រទេសទាំងបី​ នៅថ្ងៃទី២៣​ ខែវិច្ឆិកា ឆ្នាំ២០១៦ នៅក្នុងអំឡុងកិច្ចប្រជុំ កំពូលលើកទី៩នៃតំបន់ត្រីកោណកម្ពុជា ឡាវ វៀតណាម នៅខេត្តសៀមរាប។ ឯកឧត្តមបន្ថែមថា កិច្ចព្រមព្រៀងនេះមានគោលបំណងនិងគោលដៅ សម្រួលដល់សកម្មភាពពាណិជ្ជកម្ម និងការវិនិយោគនៅក្នុងតំបន់ស៊ីអិលវីឌីធីអេ(CLVDTA) ដែលជាមធ្យោបាយមួយក្នុងការបង្រួមគម្លាតខុសគ្នានៃ ការ​អភិវឌ្ឍរវាងតំបន់ត្រីកោណនិងតំបន់ដទៃទៀត។ ឯកឧត្តមបញ្ជាក់ថា កិច្ចព្រមព្រៀងនេះមាន៦ជំពូក និង២៤មាត្រា៕

អត្ថបទនិងរូបភាពដោយនាយកដ្ឋានព័ត៌មាន