ប្រធានគណៈកម្មការរៀបចំកិច្ចប្រជុំលើកទី២៧ APPF ពិនិត្យលទ្ធផលការងារ និងទីតាំងរៀបចំកិច្ចប្រជុំនៅខេត្តសៀមរាប__ ក្នុងដំណើរបំពេញទស្សនកិច្ចជាផ្លូវការនៅកម្ពុជា អនុប្រធានរដ្ឋសភាសាធារណរដ្ឋបារាំង បានអញ្ជើញដល់ខេត្តសៀមរាប នៅព្រឹកថ្ងៃទី១៥ធ្នូនេះ__ អនុគណៈកម្មការហិរញ្ញវត្ថុ​ និងផ្គត់ផ្គង់​ នៃកិច្ចប្រជុំប្រចាំឆ្នាំ នៃវេទិកាសភាអាស៊ី-ប៉ាស៊ីហ្វិក លើកទី២៧ ប្រជុំត្រួតពិនិត្យលទ្ធផលការងារ__ ឯកឧត្តម ហ៊ុន ម៉ានី​ ដឹកនាំកិច្ចប្រជុំត្រួតពិនិត្យលទ្ធផលការងារចងក្រងឯកសារសម្រាប់កិច្ចប្រជុំ APPF__ លិខិតជូនពរ ជូនចំពោះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា__ លិខិតជូនពរ សូមគោរពជូន សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន ប្រធានកាកបាទក្រហមកម្ពុជា__ សេចក្តីជូនដំណឹង ស្តីពី ដំណើរទស្សនកិច្ចជាផ្លូវការ និងមិត្តភាព របស់គណៈប្រតិភូ ជាន់ខ្ពស់រដ្ឋសភា នៃសាធារណរដ្ឋបារាំង នៅព្រះរាជាណាចក្រកម្ពុជា__ សេចក្តីប្រកាសព័ត៌មាន ស្តីពី លទ្ធផលនៃសម័យប្រជុំរដ្ឋសភាលើកទី១ នីតិកាលទី៦ ថ្ងៃព្រហស្បតិ៍ ទី១៣ ខែធ្នូ ឆ្នាំ២០១៨__ រដ្ឋសភា ពិភាក្សា និងអនុម័តសេចក្តីស្នើច្បាប់វិសោធនកម្មច្បាប់ស្តីពីគណបក្សនយោបាយ និងសេចក្តីព្រាងច្បាប់បរធនបាលកិច្ច__ សេចក្តីជូនដំណឹង រដ្ឋសភានៃព្រះរាជាណាចក្រកម្ពុជា​ នឹងបន្តសម័យប្រជុំលើកទី១​ នីតិកាលទី៦ នៅថ្ងៃព្រហស្បតិ៍​ ៦កើត​ ខែមិគសិរ​ ឆ្នាំច​ សំរឹទ្ធិស័ក​ ព.ស.​ ២៥៦២ ត្រូវនឹងថ្ងៃទី១៣​ ខែធ្នូ​ ឆ្នាំ២០១៨ ៕


ទំព័រមុខ » ព័ត៌មាន » ព័ត៌មានប្រចាំថ្ងៃ » អគ្គរដ្ឋទូតសាធារណរដ្ឋកូរ៉េចប់អាណត្តិ ជម្រាបសម្តេចប្រធានរដ្ឋសភា ពីសក្តានុពលកសិកម្ម និងទេសចរណ៍របស់កម្ពុជា
អគ្គរដ្ឋទូតសាធារណរដ្ឋកូរ៉េចប់អាណត្តិ ជម្រាបសម្តេចប្រធានរដ្ឋសភា ពីសក្តានុពលកសិកម្ម និងទេសចរណ៍របស់កម្ពុជា
រៀបរៀងដោយ ៖​ NA1472 ​ នៅថ្ងៃទី (11/29/2017 9:35:41 PM )

ឯកឧត្តម គីម វុនជិន ( Kim Weon-Jin) ឯកអគ្គរដ្ឋទូតសាធារណរដ្ឋកូរ៉េ ដែលនឹងត្រូវចប់អាណត្តិ បានជម្រាបជូន សម្តេចអគ្គមហាពញាចក្រី ហេង សំរិន ប្រធានរដ្ឋសភា ថា ប្រទេសកម្ពុជា មានសក្តានុពលជាច្រើននៅក្នុងការអភិវឌ្ឍប្រទេសជាតិ នៅក្នុងនោះមានវិស័យកសិកម្ម និងទេសចរណ៍ជា សំខាន់។

ក្នុងឱកាសចូលជម្រាបលាសម្តេចប្រធានរដ្ឋសភា នាព្រឹកថ្ងៃទី៣០ ខែវិច្ឆិកា ឆ្នាំ២០១៧ នៅពេលឯកឧត្តម ត្រូវចប់អាណត្តិការទូតពីកម្ពុជា ឯកឧត្តម គីម វុនជិន លើកឡើងថា ការបង្កើតវិទ្យាស្ថានបណ្តុះបណ្តាលកសិកម្មកាលពីពេលថ្មីៗនេះរបស់រាជរដ្ឋាភិបាល នៅក្នុងខេត្តកំពង់ស្ពឺ ជាផ្នែកសំខាន់ ដែលនិងអាចជំរុញប្រាក់ចំណូលរបស់កសិករ ពីព្រោះការបណ្តុះបណ្តាលនៅទីនោះ នឹងធ្វើឲ្យវិស័យកសិកម្មមានការរីកចម្រើន។

ជាមួយគ្នានេះ ឯកឧត្តមក៏បានលើកឡើងថា ពលរដ្ឋខ្មែរដែលបានចេញទៅធ្វើការនៅប្រទេសកូរ៉េ បានផ្តល់ប្រាក់ចំណូលមកកម្ពុជាផងដែរ។ រហូតមក ដល់ពេលនេះ មានពលរដ្ឋខ្មែរប្រមាណ៤៥០០០នាក់ កំពុងធ្វើការនៅសាធារណរដ្ឋកូរ៉េ។ ឯកឧត្តមឯកអគ្គរដ្ឋទូតអះអាងថា ឯកឧត្តមនឹងខិតខំជំរុញ រដ្ឋាភិបាលកូរ៉េ ក្នុងការបង្កើនចំនួនកូតាពលករខ្មែរឲ្យបានកាន់តែច្រើនថែមទៀត។

ចំពោះវិស័យទេសចរណ៍វិញ ឯកឧត្តម គីម វុនជិន បានលើកឡើងថា កម្ពុជាមិនមែនមានតែប្រាសាទអង្គរវត្តនោះទេ កម្ពុជាមានប្រាសាទរាប់រយនៅ ទូទំាងប្រទេសដូចជា ប្រាសាទសំបូរព្រៃគុក នៅខេត្តកំពង់ធំ ដែលទើបត្រូវបានអង្គការយូណេស្កូ ដាក់បញ្ចូលជាសម្បត្តិបេតិកភណ្ឌពិភពលោកកាល ពីពេលថ្មីៗនេះ សុទ្ធសឹងជាសក្តានុពលក្នុងការទាក់ទាញភ្ញៀវទេសចរ។ ប្រជាជនកូរ៉េបានស្ថិតនៅក្នុងចំនួនច្រើននៃអ្នកទេសចរបរទេស ដែលបានមក ទស្សនាកម្ពុជា ហើយកូរ៉េបានបង្កើតអគ្គកុងស៊ុលរបស់ខ្លួននៅទីក្រុងសៀមរាបរួចហើយ។

ក្នុងនាមរដ្ឋសភាកម្ពុជា សម្តេចអគ្គមហាពញាចក្រី ហេង សំរិន បានកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែង ក្នុងអាណត្តិការទូត របស់ ឯកឧត្តម គីម វុនជិន ថាពិតជាបានរួមចំណែកដ៏ធំធេង សំដៅបន្តពូនជ្រំលើកកម្ពស់ទំនាក់ទំនងមិត្តភាព និងកិច្ចសហប្រតិបត្តិការរវាងប្រជាជន យើងទំាងពីរ កម្ពុជា-កូរ៉េ មានការរីកចម្រើនជាបន្តបន្ទាប់ ។

សម្តេចបានលើកឡើងថា រដ្ឋសភាកម្ពុជាបានសង្កេតឃើញដោយពេញចិត្តក្នុងរយៈពេល២០ឆ្នាំ នៃការភ្ជាប់ទំនាក់ទំនងការទូតឡើងវិញ រវាងប្រទេស យើងទំាងពីរ កម្ពុជា-កូរ៉េ ទំនាក់ទំនង និងកិច្ចសហប្រតិបត្តិការទ្វេភាគីមានការវិវឌ្ឍន៍រីកចម្រើនយ៉ាងឆាប់រហ័ស ទំាងវិស័យនយោបាយការទូត សេដ្ឋកិច្ច ពាណិជ្ជកម្ម វិនិយោគ អប់រំ វប្បធម៌ និងទេសចរណ៍ បានប្រែក្លាយទៅជាទំនាក់ទំនង "ភាពជាដៃគូយុទ្ធសាស្រ្ត" ដែលបង្កើតបានជាសមិទ្ធិផល ជាក់ស្តែងយ៉ាងច្រើន ដើម្បីឧត្តមប្រយោជន៍ជាតិទំាងសងខាង ជាពិសេសបានរួមចំណែកដល់ការអភិវឌ្ឍរបស់កម្ពុជា។

ទោះជាត្រូវទៅបំពេញបេសកកម្មនៅប្រទេសផ្សេងពីកម្ពុជា ក៏ ឯកឧត្តម គីម វុនជិន បានជម្រាបសម្តេចប្រធានរដ្ឋសភាថា ឯកឧត្តមនឹងខិតខំជំរុញ កិច្ចសហប្រតិបត្តិការរវាងសភាកម្ពុជា និងកូរ៉េឲ្យរឹងមាំឡើង ពិសេសឲ្យមានការផ្លាស់ប្តូរដំណើរទស្សនកិច្ចគ្នាបានច្រើនថែមទៀត៕

អត្ថបទនិងរូបភាពដោយនាយកដ្ឋានព័ត៌មាន