អនុគណៈកម្មការហិរញ្ញវត្ថុ​ និងផ្គត់ផ្គង់​ នៃកិច្ចប្រជុំប្រចាំឆ្នាំ នៃវេទិកាសភាអាស៊ី-ប៉ាស៊ីហ្វិក លើកទី២៧ ប្រជុំត្រួតពិនិត្យលទ្ធផលការងារ__ ឯកឧត្តម ហ៊ុន ម៉ានី​ ដឹកនាំកិច្ចប្រជុំត្រួតពិនិត្យលទ្ធផលការងារចងក្រងឯកសារសម្រាប់កិច្ចប្រជុំ APPF__ លិខិតជូនពរ ជូនចំពោះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា__ លិខិតជូនពរ សូមគោរពជូន សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន ប្រធានកាកបាទក្រហមកម្ពុជា__ សេចក្តីជូនដំណឹង ស្តីពី ដំណើរទស្សនកិច្ចជាផ្លូវការ និងមិត្តភាព របស់គណៈប្រតិភូ ជាន់ខ្ពស់រដ្ឋសភា នៃសាធារណរដ្ឋបារាំង នៅព្រះរាជាណាចក្រកម្ពុជា__ សេចក្តីប្រកាសព័ត៌មាន ស្តីពី លទ្ធផលនៃសម័យប្រជុំរដ្ឋសភាលើកទី១ នីតិកាលទី៦ ថ្ងៃព្រហស្បតិ៍ ទី១៣ ខែធ្នូ ឆ្នាំ២០១៨__ រដ្ឋសភា ពិភាក្សា និងអនុម័តសេចក្តីស្នើច្បាប់វិសោធនកម្មច្បាប់ស្តីពីគណបក្សនយោបាយ និងសេចក្តីព្រាងច្បាប់បរធនបាលកិច្ច__ សេចក្តីជូនដំណឹង រដ្ឋសភានៃព្រះរាជាណាចក្រកម្ពុជា​ នឹងបន្តសម័យប្រជុំលើកទី១​ នីតិកាលទី៦ នៅថ្ងៃព្រហស្បតិ៍​ ៦កើត​ ខែមិគសិរ​ ឆ្នាំច​ សំរឹទ្ធិស័ក​ ព.ស.​ ២៥៦២ ត្រូវនឹងថ្ងៃទី១៣​ ខែធ្នូ​ ឆ្នាំ២០១៨ ៕


ទំព័រមុខ » គណៈកម្មការទី៥ » សកម្មភាព » ឯកឧត្ដម ឈាង វុន ជួយជីកប្រឡាយរំដោះទឹកចេញពីភូមិអណ្តូងចេញ សង្កាត់អូចារ ក្រុងបាត់ដំបង
ឯកឧត្ដម ឈាង វុន ជួយជីកប្រឡាយរំដោះទឹកចេញពីភូមិអណ្តូងចេញ សង្កាត់អូចារ ក្រុងបាត់ដំបង
រៀបរៀងដោយ ៖​ NA1472 ​ នៅថ្ងៃទី (10/15/2017 6:29:39 PM )

ឯកឧត្តម ឈាង វុន ប្រធានគណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាននៃរដ្ឋសភា និងជាតំណាងរាស្រ្ត មណ្ឌលខេត្តបាត់ដំបង បាននាំយកអេស្កាវាទ័រ ដើម្បីជួយជីកប្រឡាយរំដោះទឹកចេញពីភូមិអណ្តូងចេញ ស្ថិតក្នុងសង្កាត់អូចារ ក្រុងបាត់ដំបង ខេត្តបាត់ដំបង កាលពីថ្ងៃទី១៣ ខែតុលា ឆ្នាំ២០១៧។

នៅក្នុងឱកាសចុះសាកសួរសុខទុក្ខប្រជាពលរដ្ឋនៅក្នុងសង្កាត់អូចារ ក្រុងបាត់ដំបង ខេត្តបាត់ដំបង និងក្រោយបានពិនិត្យឃើញមានជំនន់ទឹកភ្លៀង ធ្វើឲ្យមានការលិចលង់នៅក្នុងភូមិអណ្តូងចេញ ដែលធ្វើអោយប្រជាពលរដ្ឋមានការលំបាកក្នុងការរស់នៅ ក៏ដូចជាការប្រកបរបរចិញ្ចឹមជីវិត ឯកឧត្តម ឈាង វុន និងលោកប្រធានមន្ទីរសាធារណការខេត្តបាត់ដំបង ក៏បានចុះពិនិត្យមើលប្រព័ន្ធលូនៅក្នុងភូមិអណ្តូងចេញឃើញថា នៅខាងក្រោយភូមិ មានផ្លូវមួយខ្សែ ដែលបានចាក់ដីលុបលើលូ បណ្តាលអោយគ្មានប្រព័ន្ធលូរំដោះទឹកចេញពីក្នុងភូមិ ទើបឯកឧត្តមស្នើអោយលោកប្រធានមន្ទីរ សាធារណការខេត្ត យកអេស្កាវាទ័រកាយប្រឡាយបើកផ្លូវអោយទឹកហូរចេញពីក្នុងភូមិអណ្តូងចេញ។ ទន្ទឹមនឹងនោះ ឯកឧត្តមក៏បានណែនាំអោយ អាជ្ញាធរខេត្តដាក់លូ ដើម្បីរំដោះទឹកចេញទៅប្រឡាយមេធំចំនួន៤ខ្សែផងដែរ។

ប្រជាពលរដ្ឋនៅក្នុងភូមិអណ្តូងចេញ សង្កាត់អូចារ ក្រុងបាត់ដំបង ខេត្តបាត់ដំបង បានសម្ដែងក្ដីរីករាយ និងថ្លែងអំណរគុណចំពោះ ឯកឧត្តម ឈាង វុន តំណាងរាស្រ្តមណ្ឌលខេត្តបាត់ដំបង ដែលតែងតែយកចិត្តទុកដាក់ជួយដោះស្រាយការលំបាករបស់ប្រជាពលរដ្ឋ។

ឯកឧត្តម ឈាង វុន ក៏បានជម្រាបជូនប្រជាពលរដ្ឋថា ក្រោមការដឹកនាំរបស់ សម្តេចអគ្គមហាពញាចក្រី ហេង សំរិន ប្រធានរដ្ឋសភា សម្តេចវិបុល សេនាភក្តី សាយ ឈុំ ប្រធានព្រឹទ្ធសភា និង សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា សម្ដេចតែង បានជំរុញអោយសមាជិក សមាជិការដ្ឋសភា ព្រឹទ្ធសភា និងរាជរដ្ឋាភិបាល ត្រូវខិតខំយកចិត្តទុកដាក់ ជួយដោះស្រាយការលំបាករបស់ប្រជាពលរដ្ឋ នៅទូទាំងប្រទេស ដោយមិនប្រកាន់និន្នាការនយោបាយឡើយ។

អត្ថបទនិងរូបភាពដោយនាយកដ្ឋានព័ត៌មាន