អនុប្រធានសភាឌូម៉ា សហព័ន្ធរុស្ស៊ីសរសើរខ្លឹមសារកិច្ចប្រជុំសមាជិកសភាស្រ្តី APPF នៅកម្ពុជា__ ឯកឧត្ដមបណ្ឌិត ងួន ញ៉ិល បន្តដឹកនាំកិច្ចប្រជុំពេញអង្គវគ្គទី២ នៃកិច្ចប្រជុំAPPF លើកទី២៧ ដោយបន្តការពិភាក្សាលើវិស័យសេដ្ឋកិច្ច និងពាណិជ្ជកម្ម__ សម្តេចអគ្គមហាពញាចក្រី ហេង សំរិន ទទួលជួបពិភាក្សាការងារជាមួយប្រធានរដ្ឋសភាវៀតណាម__ សម្តេចប្រធានរដ្ឋសភាទទួលជួបពិភាក្សាការងារជាមួយអនុប្រធានសភាតំណាងប្រជាជនចិន__ លោកជំទាវ ឃួន សុដារី៖ វត្តមានរបស់គណៈប្រតិភូព្រឹទ្ធសភាសហរដ្ឋម៉ិកស៊ិចនៅពេលនេះ ជាស្ពានផ្សារភ្ជាប់រវាងអាមេរិចឡាទីន និងអាស៊ី-ប៉ាស៊ីហ្វិក__ កិច្ចប្រជុំពេញអង្គលើកទី១នៃកិច្ចប្រជុំAPPF លើកទី២៧ ផ្ដោតការពិភាក្សាគ្នាលើវិស័យនយោបាយ និងសន្តិសុខ__ វេទិកាសភាអាស៊ី-ប៉ាស៊ីហ្វិក លើកទី២៧ បានប្រារព្ធពិធីបើកកិច្ចប្រជុំជាផ្លូវការនៅលើទឹកអង្គរ ខេត្តសៀមរាប__ សម្តេចអគ្គមហាពញាចក្រី ហេង សំរិន៖ កាតព្វកិច្ច APPF បង្កើតចក្ខុវិស័យច្បាស់លាស់មួយ ក្នុងការកសាងសន្តិភាព និងវិបុលភាព សម្រាប់មនុស្សជំនាន់ក្រោយ__ សម្ដេច ហេង សំរិន៖ គោលបំណងរួមរបស់APPF គឺការកសាងតំបន់អាស៊ី-ប៉ាស៊ីហ្វិកឱ្យទៅជាតំបន់មួយដែលមានសុខសន្តិភាព ស្ថិរភាព វឌ្ឍនភាព និងភាពសុខដុមរមនា__ សម្តេចអគ្គមហាពញាចក្រី ហេង សំរិន ផ្តល់អនុសាសន៍មួយចំនួន ដល់សមាជិកសភាស្រ្តី APPF ដើម្បីលើកកម្ពស់សមភាពយ៉េនឌ័រ__ លោកជំទាវ ឃួន សុដារី ទទួលជួបសវនាការជាមួយគណៈប្រតិភូសភាជាន់ខ្ពស់សភាឌូម៉ា នៃសហព័ន្ធរុស្ស៊ី__ ឯកឧត្ដម ឡេង ប៉េងឡុង ផ្ដល់ព័ត៌មានបន្ថែមដល់ក្រុមជំនួយការគណៈប្រតិភូសមាជិក(APPF) ទាំងអស់ អំពីដំណើរការកម្មវិធីនៃកិច្ចប្រជុំ(APPF)លើកទី២៧__ រដ្ឋសភាកម្ពុជាឡាវចុះអនុស្សរណៈយោគយល់ពង្រឹងកិច្ចសហប្រតិបត្តិការ__ សម្តេចអគ្គមហាពញាចក្រី ហេង សំរិន ដឹកនាំកិច្ចប្រជុំគណៈកម្មាធិការប្រតិបត្តិវេទិកាសភាអាស៊ី-ប៉ាស៊ីហ្វិកលើកទី២៧__ គណៈប្រតិភូបរទេសបានអញ្ជើញមកដល់កម្ពុជាបណ្តើរៗហើយ ដើម្បីចូលរួមកិច្ចប្រជុំវេទិកាសភាអាស៊ី-ប៉ាស៊ីហ្វិក លើកទី២៧ (APPF-27)__ អគ្គលេខាធិការដ្ឋានរដ្ឋសភាបួងសួងសូមម្ចាស់ទឹកដីអង្គរឲ្យដំណើរការកិច្ចប្រជុំលើកទី២៧ APPF ប្រព្រឹត្តទៅដោយរលូន និងជោគជ័យ ៕


ទំព័រមុខ » គណៈកម្មការទី៣ » សកម្មភាព » គណៈកម្មការជំនាញនៃរដ្ឋសភា និងក្រសួងកសិកម្ម ជួបពិភាក្សាគ្នាលើសេចក្តីព្រាងច្បាប់វិសោធនកម្ម មាត្រាចំនួន៥ នៃច្បាប់ស្តីពីជលផល
គណៈកម្មការជំនាញនៃរដ្ឋសភា និងក្រសួងកសិកម្ម ជួបពិភាក្សាគ្នាលើសេចក្តីព្រាងច្បាប់វិសោធនកម្ម មាត្រាចំនួន៥ នៃច្បាប់ស្តីពីជលផល
រៀបរៀងដោយ ៖​ NA1472 ​ នៅថ្ងៃទី (10/12/2017 2:01:29 AM )

គណៈកម្មការផែនការ វិនិយោគ កសិកម្ម អភិវឌ្ឍន៍ជនបទ បរិស្ថាន និងធនធានទឹកនៃរដ្ឋសភា ដឹកនាំដោយ ឯកឧត្តម ប៉ុល ហំម ប្រធានគណៈកម្មការ ព្រមទាំង ឯកឧត្តម លោកជំទាវ ជាតំណាងមកពីគណៈកម្មការជំនាញផ្សេងៗទៀត បានជួបប្រជុំជាមួយ ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ដើម្បីពិនិត្យសិក្សាលើសេចក្តីព្រាងច្បាប់វិសោធនកម្ម មាត្រា៦ មាត្រា៤១ មាត្រា៤២ មាត្រា៤៣ និងមាត្រា៩៥ នៃច្បាប់ស្តីពី ជលផល នៅរសៀលថ្ងៃទី១១ ខែតុលា ឆ្នាំ២០១៧ នៅវិមានរដ្ឋសភា។

ឯកឧត្តម វេង សាខុន បានមានប្រសាសន៍ថា ច្បាប់ស្តីពីជលផលត្រូវបានប្រកាសឲ្យប្រើដោយព្រះរាជក្រមលេខ នស/រកម ០៥០៦ ០១១ ចុះថ្ងៃទី២១ ខែឧសភា ឆ្នាំ២០០៦កន្លងមក។ ប៉ុន្តែដើម្បីឲ្យស្របតាមស្ថានភាពរីកចម្រើននៃសង្គមនាពេលបច្ចុប្បន្ននេះ ក្រសួងបានពិនិត្យឃើញថា ច្បាប់ស្ដីពី ជលផលមានចំណុចដែលចាំបាច់ត្រូវធ្វើការកែសម្រួលខ្លឹមសារមាត្រាមួយចំនួន និងបំពេញបន្ថែមនូវខ្លឹមសារមាត្រាថ្មីខ្លះនៃច្បាប់នេះ។ ដូច្នេះការធ្វើ វិសោធនកម្មនៃច្បាប់ស្ដីពីជលផល វាពិតជាមានសារៈសំខាន់ណាស់ ក្នុងការលើកកម្ពស់គុណភាព ប្រសិទ្ធភាព និងការគ្រប់គ្រងធនធានជលផល ប្រកបដោយនិរន្តរភាព ជាពិសេសដើម្បីឆ្លើយតបទៅនឹងគោលនយោបាយ កំណែទម្រង់ស៊ីជម្រៅរបស់រាជរដ្ឋាភិបាលលើវិស័យជលផល ក៏ដូចជា យុទ្ធសាស្រ្តចតុកោណដំណាក់កាលទី៣របស់រាជរដ្ឋាភិបាល និងឆ្លើយតបនឹងសំណូមពររបស់ប្រជាពលរដ្ឋ ដើម្បីផ្ទេរធនធានធម្មជាតិ និងផ្ទេរអំណាច គ្រប់គ្រងជូនរដ្ឋបាលថ្នាក់ក្រោមជាតិ ក្នុងការចូលរួមចំណែកធានាដល់ការការពារ គ្រប់គ្រង ប្រើប្រាស់ធនធានជលផលប្រកបដោយនិរន្តរភាព និងការ ទប់ស្កាត់បទល្មើសនេសាទប្រកបដោយប្រសិទ្ធភាពខ្ពស់។

ឯកឧត្តមរដ្ឋមន្ត្រីបានមានប្រសាសន៍បន្តថា សេចក្តីព្រាងច្បាប់នេះ ត្រូវបានប្រជុំពិនិត្យ ពិភាក្សាយ៉ាងល្អិតល្អន់ជាច្រើនលើក ច្រើនសារ ជាមួយក្រសួង ស្ថាប័នពាក់ព័ន្ធទាំងអស់ មុននឹងបញ្ជូនមកកាន់រដ្ឋសភា ដើម្បីស្នើសុំការអនុម័ត ហើយការធ្វើវិសោធនកម្មនេះទៀតសោត គឺមានពាក់ព័ន្ធតែចំនួន ៥មាត្រានៃច្បាប់ស្តីពីជលផលឆ្នាំ២០០៦ប៉ុណ្ណោះ គឺមាត្រា៦ មាត្រា៤១ មាត្រា៤២ មាត្រា៤៣ និងមាត្រា៩៥។

ក្រោយពីបានស្តាប់ការបកស្រាយរបស់ ឯកឧត្តម វេង សាខុន  រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ រួចមក ឯកឧត្តម ប៉ុល ហំម ប្រធាន គណៈកម្មការទី៣នៃរដ្ឋសភា បានថ្លែងអំណរគុណយ៉ាងជ្រាលជ្រៅចំពោះវត្តមានរបស់ ឯកឧត្តម លោកជំទាវ ដែលបានអញ្ជើញចូលរួមប្រជុំជាមួយ ក្រសួងសាមី នៃសេចក្ដីព្រាងច្បាប់ស្តីពីជលផលនាឱកាសនេះ។ ឯកឧត្តមប្រធានគណៈកម្មការ បានមានប្រសាសន៍បញ្ជាក់ថា បន្ទាប់ពីឯកឧត្តម រដ្ឋមន្ត្រីបានធ្វើការបកស្រាយទៅលើចំណុចនានា ដែលគណៈកម្មការនៃរដ្ឋសភា បានសាកសួររួចមកហើយនេះ គណៈកម្មការជំនាញនៃរដ្ឋសភា សម្រេចថា នឹងបញ្ជូនសេចក្តីព្រាងច្បាប់ស្ដីពីជលផលនេះ ទៅគណៈកម្មាធិការអចិន្ត្រៃយ៍រដ្ឋសភា ដើម្បីពិនិត្យដាក់បញ្ចូលក្នុងរបៀបវារៈសម័យប្រជុំ រដ្ឋសភានាពេលខាងមុខ៕

អត្ថបទនិងរូបភាពដោយនាយកដ្ឋានព័ត៌មាន