ឯកឧត្តមបណ្ឌិត ប៉ែន បញ្ញា និង ឯកឧត្តម ឡេង ប៉េងឡុង អញ្ជើញធ្វើបាឋកថា ពីការអនុវត្តមុខងាររបស់រដ្ឋសភា ដល់សិស្សសាលាភូមិន្ទរដ្ឋបាល__ អគ្គលេខាធិការដ្ឋានរដ្ឋសភា ចុះកិច្ចសន្យាសេវាធានារ៉ាប់រងសុខភាពជូនតំណាងរាស្រ្តក្នុងឆ្នាំ២០១៨__ សេចក្តីប្រកាសព័ត៌មាន ស្តីពី លទ្ធផលសម័យប្រជុំរដ្ឋសភាលើកទី៩ នីតិកាលទី៥ ថ្ងៃចន្ទ ទី១៥ ខែមករា ឆ្នាំ២០១៨__ សេចក្តីជូនដំណឹង រដ្ឋសភានៃព្រះរាជាណាចក្រកម្ពុជា នឹងបន្តសម័យប្រជុំសភាលើកទី៩ នីតិកាលទី៥ នៅថ្ងៃចន្ទ ទី១៥ ខែមករា ឆ្នាំ២០១៨__ សេចក្តីប្រកាសព័ត៌មាន ស្តីពី លទ្ធផលនៃកិច្ចប្រជុំគណៈកម្មាធិការអចិន្ត្រៃយ៍នៃរដ្ឋសភា ថ្ងៃសុក្រ ទី១២ ខែមករា ឆ្នាំ២០១៨__ សម្តេចប្រធានរដ្ឋសភាជម្រាបអ្នកវិនិយោគទុនចិនថាកម្ពុជាមានសន្តិភាព ហើយរាជរដ្ឋាភិបាលបានចាត់ទុកវិស័យឯកជន ជាដៃគូសក្តានុពល ៕


ទំព័រមុខ » ព័ត៌មាន » ព័ត៌មានប្រចាំថ្ងៃ » សម្តេចប្រធានរដ្ឋសភា និងលោកជំទាវ អញ្ជើញកាន់បិណ្ឌវេនទី៥ នៅវត្តគីរីសុវណ្ណរ៉ាម ហៅវត្តថ្កូវ ស្ថិតនៅឃុំកក់ ស្រុកពញាក្រែក ខេត្តត្បូងឃ្មុំ
សម្តេចប្រធានរដ្ឋសភា និងលោកជំទាវ អញ្ជើញកាន់បិណ្ឌវេនទី៥ នៅវត្តគីរីសុវណ្ណរ៉ាម ហៅវត្តថ្កូវ ស្ថិតនៅឃុំកក់ ស្រុកពញាក្រែក ខេត្តត្បូងឃ្មុំ
រៀបរៀងដោយ ៖​ NA1472 ​ នៅថ្ងៃទី (9/11/2017 1:59:35 AM )

សម្តេចអគ្គមហាពញាចក្រី ហេង សំរិន ប្រធានរដ្ឋសភា និងលោកជំទាវ ព្រមទាំងបុត្រា បុត្រី ចៅប្រុស ចៅស្រី រួមទាំងមន្រ្តីរាជការ បាននាំយកគ្រឿង សក្ការៈបូជា ចង្ហាន់ និងទេយ្យវត្ថុ ជាច្រើនមុខ អញ្ជើញកាន់បិណ្ឌវេនទី៥ នៅវត្តគីរីសុវណ្ណរ៉ាមហៅវត្តថ្កូវ ស្ថិតនៅភូមិអន្លង់ជ្រៃ ឃុំកក់ ស្រុកពញាក្រែក ខេត្តត្បូងឃ្មុំ នៅថ្ងៃទី១០ ខែកញ្ញា ឆ្នាំ២០១៧។

ពិធីកាន់បិណ្ឌនេះ ក៏មានការអញ្ជើញចូលរួមពីអាជ្ញាធរដែនដី និងប្រជាពលរដ្ឋចំណុះជើងវត្តយ៉ាងច្រើនកុះករផងដែរ។

បន្ទាប់ពីធ្វើបទនមស្ការសមាទានសីលរួចមក សម្តេចអគ្គមហាពញាចក្រី ហេង សំរិន និងលោកជំទាវ ព្រមទាំងបុត្រា បុត្រី ចៅប្រុស ចៅស្រី និង អស់លោក លោកស្រី ដែលបានអញ្ជើញចូលរួម បានអញ្ជើញរាប់បាត្រ ប្រគេនភត្តាហារចំពោះព្រះសង្ឃ ដើម្បីឧទ្ទិសកុសលផលបុណ្យជូនចំពោះ ដួងវិញ្ញាណក្ខន្ធបុព្វការីជន មានមាតា បិតា ជីដូន ជីតា និងញាតិកាទាំងប្រាំពីរសណ្តាន ព្រមទាំងវីរជនស្នេហាជាតិ ដែលបានចែកឋានទៅកាន់លោក​ខាងមុខហើយនោះ សូមឲ្យដួងព្រលឹងអស់លោកទាំងនោះ បានទៅកាន់សុគតិភពកុំបីឃ្លៀងឃ្លាតឡើយ។

សម្តេចប្រធានរដ្ឋសភា និងលោកជំទាវ បានប្រគេនទេយ្យទាន គ្រឿងបរិក្ខា និងបច្ច័យចំពោះព្រះសង្ឃនៅវត្តគីរីសុណ្ណរ៉ាម ហៅវត្តថ្កូវ នាឱកាសនោះ មានមី២កេសធំ ទឹកដោះគោ២កេសធំ ទឹកក្រូច៨កេស ទឹកសុទ្ធ៨កេស តែ ស្ករស និងបច្ច័យ១០លានរៀល ព្រមទាំងចែកជូនលោកយាយ លោកតា ចំនួន១០០នាក់ ក្នុងម្នាក់ៗទទួលបានក្រណាត់សមួយដុំ និងថវិកា១ម៉ឺនរៀល។

អត្ថបទនិងរូបភាពដោយនាយកដ្ឋានព័ត៌មាន

វិថីរដ្ឋសភា សង្កាត់ទន្លេបាសាក់ ខណ្ឌចំការមន រាជធានីភ្នំពេញ ព្រះរាជាណាចក្រកម្ពុជា
ទូរសព័្ទ ​លេខ: (855-23) 213 535, 220 628 ទូរសារ: (855-23)220 629
សារអេឡិចត្រូនិច: sg@national-assembly.org.kh, sg@nac.org.kh
គេហទំព័រ www.national-assembly.org.kh, www.nac.org.kh