អនុប្រធានសភាឌូម៉ា សហព័ន្ធរុស្ស៊ីសរសើរខ្លឹមសារកិច្ចប្រជុំសមាជិកសភាស្រ្តី APPF នៅកម្ពុជា__ ឯកឧត្ដមបណ្ឌិត ងួន ញ៉ិល បន្តដឹកនាំកិច្ចប្រជុំពេញអង្គវគ្គទី២ នៃកិច្ចប្រជុំAPPF លើកទី២៧ ដោយបន្តការពិភាក្សាលើវិស័យសេដ្ឋកិច្ច និងពាណិជ្ជកម្ម__ សម្តេចអគ្គមហាពញាចក្រី ហេង សំរិន ទទួលជួបពិភាក្សាការងារជាមួយប្រធានរដ្ឋសភាវៀតណាម__ សម្តេចប្រធានរដ្ឋសភាទទួលជួបពិភាក្សាការងារជាមួយអនុប្រធានសភាតំណាងប្រជាជនចិន__ លោកជំទាវ ឃួន សុដារី៖ វត្តមានរបស់គណៈប្រតិភូព្រឹទ្ធសភាសហរដ្ឋម៉ិកស៊ិចនៅពេលនេះ ជាស្ពានផ្សារភ្ជាប់រវាងអាមេរិចឡាទីន និងអាស៊ី-ប៉ាស៊ីហ្វិក__ កិច្ចប្រជុំពេញអង្គលើកទី១នៃកិច្ចប្រជុំAPPF លើកទី២៧ ផ្ដោតការពិភាក្សាគ្នាលើវិស័យនយោបាយ និងសន្តិសុខ__ វេទិកាសភាអាស៊ី-ប៉ាស៊ីហ្វិក លើកទី២៧ បានប្រារព្ធពិធីបើកកិច្ចប្រជុំជាផ្លូវការនៅលើទឹកអង្គរ ខេត្តសៀមរាប__ សម្តេចអគ្គមហាពញាចក្រី ហេង សំរិន៖ កាតព្វកិច្ច APPF បង្កើតចក្ខុវិស័យច្បាស់លាស់មួយ ក្នុងការកសាងសន្តិភាព និងវិបុលភាព សម្រាប់មនុស្សជំនាន់ក្រោយ__ សម្ដេច ហេង សំរិន៖ គោលបំណងរួមរបស់APPF គឺការកសាងតំបន់អាស៊ី-ប៉ាស៊ីហ្វិកឱ្យទៅជាតំបន់មួយដែលមានសុខសន្តិភាព ស្ថិរភាព វឌ្ឍនភាព និងភាពសុខដុមរមនា__ សម្តេចអគ្គមហាពញាចក្រី ហេង សំរិន ផ្តល់អនុសាសន៍មួយចំនួន ដល់សមាជិកសភាស្រ្តី APPF ដើម្បីលើកកម្ពស់សមភាពយ៉េនឌ័រ__ លោកជំទាវ ឃួន សុដារី ទទួលជួបសវនាការជាមួយគណៈប្រតិភូសភាជាន់ខ្ពស់សភាឌូម៉ា នៃសហព័ន្ធរុស្ស៊ី__ ឯកឧត្ដម ឡេង ប៉េងឡុង ផ្ដល់ព័ត៌មានបន្ថែមដល់ក្រុមជំនួយការគណៈប្រតិភូសមាជិក(APPF) ទាំងអស់ អំពីដំណើរការកម្មវិធីនៃកិច្ចប្រជុំ(APPF)លើកទី២៧__ រដ្ឋសភាកម្ពុជាឡាវចុះអនុស្សរណៈយោគយល់ពង្រឹងកិច្ចសហប្រតិបត្តិការ__ សម្តេចអគ្គមហាពញាចក្រី ហេង សំរិន ដឹកនាំកិច្ចប្រជុំគណៈកម្មាធិការប្រតិបត្តិវេទិកាសភាអាស៊ី-ប៉ាស៊ីហ្វិកលើកទី២៧__ គណៈប្រតិភូបរទេសបានអញ្ជើញមកដល់កម្ពុជាបណ្តើរៗហើយ ដើម្បីចូលរួមកិច្ចប្រជុំវេទិកាសភាអាស៊ី-ប៉ាស៊ីហ្វិក លើកទី២៧ (APPF-27)__ អគ្គលេខាធិការដ្ឋានរដ្ឋសភាបួងសួងសូមម្ចាស់ទឹកដីអង្គរឲ្យដំណើរការកិច្ចប្រជុំលើកទី២៧ APPF ប្រព្រឹត្តទៅដោយរលូន និងជោគជ័យ ៕


ទំព័រមុខ » គណៈកម្មការទី៦ » សកម្មភាព » កិច្ចប្រជុំសភានិយាយភាសាបារាំង APF តំបន់អាស៊ី-ប៉ាស៊ីហ្វិក លើកទី៨ បានបិទបញ្ចប់ ដោយទទួលបានមតិរួម ចំនួន១០ចំណុច លើប្រធានបទតុមូលទាំងពីរ
កិច្ចប្រជុំសភានិយាយភាសាបារាំង APF តំបន់អាស៊ី-ប៉ាស៊ីហ្វិក លើកទី៨ បានបិទបញ្ចប់ ដោយទទួលបានមតិរួម ចំនួន១០ចំណុច លើប្រធានបទតុមូលទាំងពីរ
រៀបរៀងដោយ ៖​ NA0989 ​ នៅថ្ងៃទី (9/7/2017 7:25:40 PM )

កិច្ចប្រជុំសភានិយាយភាសាបារាំង APF តំបន់អាស៊ី-ប៉ាស៊ីហ្វិក លើកទី៨ ដែល​​រៀបចំ​​ដោយ​សភានៃព្រះរាជាណាចក្រកម្ពុជា ចាប់ពីថ្ងៃទី៦ ដល់ថ្ងៃទី៧ ខែកញ្ញា ឆ្នាំ២០១៧ នៅខេត្តព្រះសីហនុ បានបិទបញ្ចប់ នៅវេលាថ្ងៃត្រង់ ថ្ងៃទី៧ ខែកញ្ញា ឆ្នាំ២០១៧នេះ។

ថ្លែងនៅពេលបិទកិច្ចប្រជុំ លោកជំទាវ ស៊ុន សាភឿន សមាជិកាក្រុមសភាជាតិកម្ពុជានៃសភានិយាយភាសាបារាំង ជាប្រធានដឹកនាំអង្គប្រជុំ បានមានប្រសាសន៍ថា កិច្ចប្រជុំរយៈពេល២ថ្ងៃនេះ គណៈប្រតិភូទាំងអស់បានពិភាក្សាគ្នាលើប្រធានបទទី១ និងទី២ យ៉ាងទូលំទូលាយ ដោយ អង្គប្រជុំបានកត់សម្គាល់នូវមតិរួមជាគោលចំនួន១០ចំណុច។ ក្នុងនោះប្រធានបទតុមូលទី១ មាន៥ចំណុច និង៥ចំណុចទៀតលើប្រធាន បទតុមូលទី២។ លោកជំទាវបញ្ជាក់ថា ប្រធានបទតុមូលទី១ ស្តីពី “គោលដៅអភិវឌ្ឍន៍ប្រកបដោយចីរភាពសម្រាប់ឆ្នាំ២០១៥-២០៣០ ស្តីពីវិស័យសុខាភិបាល និងសមភាពរវាងបុរសនិងស្រ្តី” មតិរួមដែលទទួលបានមានដូចជា៖

              ១.គោលដៅវិស័យសុខាភិបាល និងសមភាពរវាងបុរស និងស្ត្រីគឺជាប់ជិតស្និទ្ធ និងជាប់នឹងគោលដៅដ៏ទៃទៀតហើយទាំងអស់នេះ មានសារៈសំខាន់ជាចម្បងសម្រាប់សង្គម។

              ២.គោលដៅប្រកបដោយចីរភាព គឺជាក្របខណ្ឌរួមសម្រាប់ចង្អុលទិសសម្រាប់ដោះស្រាយ​​បញ្ហាទាំងអស់នេះ។

              ៣.ប្រទេសនីមួយៗមានចំណុចរួមជាអាទិ៍ សមិទ្ធិផលដែលសម្រេចបាន និងការលើកកម្ពស់ និងបញ្ហា​ដែលត្រូវដោះស្រាយដើម្បី ទៅដល់ទិសដៅរបស់ខ្លួន។ យើងស្ថិតនៅក្នុងរយៈពេលនៃការចាប់ផ្តើមចេញដំណើរ យើងមិនទាន់មានតួលេខគ្រប់គ្រាន់ដើម្បីបង្ហាញសមិទ្ធិផល ក្នុងការអនុវត្តគោលដៅអភិវឌ្ឍន៍ប្រកបដោយចីរភាពនេះបាន។

              ៤.នៅលើមូលដ្ឋាននេះ ប្រទេសនីមួយៗបានកំណត់ផែនការ និងកម្មវិធីអភិវឌ្ឍន៍ និងវិធីបញ្ចូលជាមួយកម្មវិធីដទៃទៀត នៃការអភិវឌ្ឍ ប្រកបដោយចីរភាពទៅដល់ថ្នាក់មូលដ្ឋាន។

              ៥.យើងមានការយកចិត្តទុកដាក់ខ្ពស់ចំពោះមុខនាទីរបស់យើងជាសមាជិកសភា និងជាតំណាងប្រជាពលរដ្ឋដោយត្រូវ៖

 

-   ប្រែក្លាយទិសដៅទាំងពីរខាងលើទៅជាច្បាប់ ទៅជាគម្រោងថវិកា និងទៅជាវិធានការដើម្បីត្រួតពិនិត្យការអនុវត្តច្បាប់។


                        -   ប្រទេសទាំងបីបានចែករំលែកបទពិសោធន៍គ្នាទៅវិញទៅមកនៅក្នុងវេទិកាអន្តរសភា


                        -    ប្រទេសនីមួយៗត្រូវចូលរួមចំណែកដើម្បីអោយគោលដៅអភិវឌ្ឍន៍ប្រកបដោយចីរភាព អាចសម្រេចបានតាមទិសដៅរបស់ខ្លួន។

ចំពោះប្រធានបទតុមូលទី២ ស្តីពី “កិច្ចសហប្រតិបត្តិការ រវាងប្រទេសក្នុងតំបន់ ក្នុងគោលដៅធានានូវសន្តិភាព​ និងការអភិវឌ្ឍប្រកបដោយចីរភាព ”លោកជំទាវ ស៊ុន សាភឿន បានមានប្រសាសន៍ថា មតិរួមដែលត្រូវបានកត់សម្គាល់ទាំង៥ចំណុច សម្រាប់ប្រធានបទនេះ មានជាអាទិ៍៖

          ១.បើគ្មានសន្តិភាព គ្មានកិច្ចសហប្រតិបត្តិការ នោះគ្មានការអភិវឌ្ឍទេ និងបើគ្មានកិច្ចសហប្រតិបត្តិការ និងការអភិវឌ្ឍ ក៏គ្មានសន្តិភាពដែរ។

          ២.ភាពជាដៃគូនៅថ្នាក់តំបន់ និងពិភពលោក ជាការចាំបាច់សម្រាប់កិច្ចសហប្រតិបត្តិការដ៏ល្អមួយ។

          ៣.ការជំរុញកិច្ចសហប្រតិបត្តិការក្នុងតំបន់ និងពិភពលោកគឺត្រូវបើកចំហទីផ្សារ។

          ៤.អង្គការអន្តរជាតិនៃប្រទេសនិយាយភាសាបារាំង បានចូលរួមចំណែកជាច្រើនក្នុងការជួយជំរុញអោយមានសន្តិភាពនៅលើពិភពលោក។

          ៥.ដើម្បីអនុវត្តទិសដៅការងារខាងលើ យើងជាសមាជិកសភាត្រូវយកចិត្តទុកដាក់ចំពោះតួនាទីរបស់ខ្លួន។

នៅចុងបញ្ចប់ អង្គប្រជុំបានសម្រេចឯកភាពគ្នាថា កិច្ចប្រជុំសភានិយាយភាសាបារាំង(APF)តំបន់អាស៊ី-ប៉ាស៊ីហ្វិក លើកទី៩ គឺនឹងត្រូវរៀបចំ ធ្វើឡើងនៅសាធារណរដ្ឋប្រជាធិបតេយ្យប្រជាមានិតឡាវ។

អត្ថបទនិងរូបភាពដោយនាយកដ្ឋានព័ត៌មាន