ឯកឧត្តម សួស យ៉ារ៉ា៖ សេចក្ដីព្រាងសេចក្តីសម្រេច សម្រាប់កិច្ចប្រជុំ APPF គឺត្រូវតែបម្រើផលប្រយោជន៍ប្រទេសកម្ពុជា និងបណ្តាប្រទេសជាសមាជិក__ សេចក្តីប្រកាសព័ត៌មាន ស្តីអំពី លទ្ធផលនិងសកម្មភាពរបស់គណៈប្រតិភូសភាកម្ពុជា ចូលរួមមហាសន្និបាតសហភាពអន្តរសភា (IPU) លើកទី១៣៩__ រដ្ឋមន្រ្តីក្រសួងការងារជម្រាបរដ្ឋសភាថា កម្មករកម្មការិនីជឿជាក់លើការដឹកនាំរបស់សម្តេចតេជោ ហ៊ុន សែន__ សេចក្តីថ្លែងការណ៍ របស់ គណៈប្រតិភូសភាកម្ពុជាទៅកាន់សហភាពអន្តរសភា IPU ចុះថ្ងៃទី១៨ ខែតុលា ឆ្នាំ២០១៨__ គណៈកម្មការជំនាញនៃរដ្ឋសភា ចុះសិក្សាឈ្វេងយល់ពីការងាររបស់ក្រសួង និងជំរុញការបន្តកិច្ចសហការល្អ ជាមួយក្រសួងមហាផ្ទៃក្នុងនីតិកាលថ្មីបន្តទៀត__ ឯកឧត្តម ហ៊ុន ម៉ានី៖ សេចក្តីសម្រេចរបស់ APPF ត្រូវតែបម្រើផលប្រយោជន៍សមាជិករួម__ ប្រធានIPU​ទទួលស្វាគមន៍យ៉ាងកក់ក្តៅចំពោះគណៈប្រតិភូសភាកម្ពុជា ៕


ទំព័រមុខ » គណៈកម្មការទី២ » សកម្មភាព » លេខាធិការដ្ឋានអន្តរសភាអាស៊ានមានគម្រោងរៀបចំសិក្ខាសាលាស្ដីពីការបញ្ជ្រៀបចំណេះដឹង ស្តីពីការអភិរក្សជីវចំរុះ និងបទល្មើសសត្វ​ព្រៃ ជូនដល់សមាជិកសភា
លេខាធិការដ្ឋានអន្តរសភាអាស៊ានមានគម្រោងរៀបចំសិក្ខាសាលាស្ដីពីការបញ្ជ្រៀបចំណេះដឹង ស្តីពីការអភិរក្សជីវចំរុះ និងបទល្មើសសត្វ​ព្រៃ ជូនដល់សមាជិកសភា
រៀបរៀងដោយ ៖​ NA1472 ​ នៅថ្ងៃទី (8/27/2017 6:54:42 PM )

ឯកឧត្តមបណ្ឌិតរដ្ឋ ជាម យៀប ប្រធានគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម នៃរដ្ឋសភា និងជាប្រធានក្រុមជាតិអាយប៉ាកម្ពុជា នៅព្រឹកថ្ងៃទី២២ ខែសីហា ឆ្នាំ២០១៧ នៅវិមានរដ្ឋសភា បានទទួលជួបពិភាក្សាការងារជាមួយ លោកស្រី Ria Rumata Aritonang ទីប្រឹក្សានៃ លេខាធិការដ្ឋានអាយប៉ា (Consultant of AIPA secretariat) លើគម្រោងការរៀបចំសិក្ខាសាលាបញ្ជ្រៀបចំណេះដឹងស្តីពីការអភិរក្សជីវចំរុះ និងបទ ល្មើសសត្វព្រៃ ជូនដល់សមាជិកសភាកម្ពុជា។

លោកស្រី Ria Rumata Aritonang បានមានប្រសាសន៍ថា កិច្ចពិភាក្សានាពេលនេះគឺផ្តោតសំខាន់លើកម្មវិធីអន្តរសភាអាស៊ាន ដែលបានសហការ ជាមួយអង្គការ USAID Wildlife ជាអង្គការមួយធ្វើការងារផ្តោតលើការអភិរក្សជីវចំរុះ និងបទល្មើសសត្វព្រៃ ដែលបានចុះកិច្ចព្រមព្រៀងជាមួយ លេខាធិការដ្ឋានអន្តរសភាអាស៊ាន តាំងពីឆ្នាំ២០១២មកម្ល៉េះ។ លោកស្រីបានបន្តថា បន្ទាប់ពីចុះកិច្ចព្រមព្រៀងជាមួយគ្នា ក្នុងឆ្នាំ២០១២កន្លងមក អន្តរសភាអាស៊ាន និងអង្គការ USAID Wildlife បានរួមសហការគ្នាអនុវត្តកិច្ចព្រមព្រៀងតាំងពីឆ្នាំ២០១៥មកទល់បច្ចុប្បន្ន ក្នុងការរៀបចំធ្វើសិក្ខាសាលា ដើម្បីបញ្ជ្រៀបចំណេះដឹងអំពីការអភិរក្សជីវចំរុះ និងវិធានការទប់ស្កាត់បទល្មើសសត្វព្រៃ ជូនដល់សមាជិកអន្តរសភាអាស៊ាន ក្នុងនោះក៏មានសមាជិក សភាកម្ពុជាផងដែរ។

ឯកឧត្តមបណ្ឌិតរដ្ឋ ជាម យៀប បានថ្លែងអំណរគុណចំពោះ លោកស្រី Ria Rumata Aritonang ទីប្រឹក្សានៃលេខាធិការដ្ឋានអាយប៉ា ក៏ដូចជាអង្គការ USAID Wildlife ដែលបានអញ្ជើញសមាជិកសភាកម្ពុជា ទៅចូលរួមក្នុងសិក្ខាសាលានោះ ដោយឯកឧត្ដមបណ្ឌិតរដ្ឋចាត់ទុកថា ជាសិក្ខាសាលាដែល ផ្តល់នូវចំណេះដឹង និងបទពិសោធន៍បន្ថែមទៀតដល់សមាជិកសភាកម្ពុជា ក្នុងការរួមចំណែកចែករំលែកនូវព័ត៌មានថ្មីៗដល់ប្រជាពលរដ្ឋកម្ពុជា ក្នុងការ អភិរក្សជីវចំរុះ ក៏ដូចជាការយល់ដឹង និងចូលរួមទប់ស្កាត់បទល្មើសសត្វព្រៃ អោយកាន់តែមានប្រសិទ្ធភាព។

អត្ថបទនិងរូបភាពដោយនាយកដ្ឋានព័ត៌មាន