ឯកឧត្តមបណ្ឌិត ប៉ែន បញ្ញា និង ឯកឧត្តម ឡេង ប៉េងឡុង អញ្ជើញធ្វើបាឋកថា ពីការអនុវត្តមុខងាររបស់រដ្ឋសភា ដល់សិស្សសាលាភូមិន្ទរដ្ឋបាល__ អគ្គលេខាធិការដ្ឋានរដ្ឋសភា ចុះកិច្ចសន្យាសេវាធានារ៉ាប់រងសុខភាពជូនតំណាងរាស្រ្តក្នុងឆ្នាំ២០១៨__ សេចក្តីប្រកាសព័ត៌មាន ស្តីពី លទ្ធផលសម័យប្រជុំរដ្ឋសភាលើកទី៩ នីតិកាលទី៥ ថ្ងៃចន្ទ ទី១៥ ខែមករា ឆ្នាំ២០១៨__ សេចក្តីជូនដំណឹង រដ្ឋសភានៃព្រះរាជាណាចក្រកម្ពុជា នឹងបន្តសម័យប្រជុំសភាលើកទី៩ នីតិកាលទី៥ នៅថ្ងៃចន្ទ ទី១៥ ខែមករា ឆ្នាំ២០១៨__ សេចក្តីប្រកាសព័ត៌មាន ស្តីពី លទ្ធផលនៃកិច្ចប្រជុំគណៈកម្មាធិការអចិន្ត្រៃយ៍នៃរដ្ឋសភា ថ្ងៃសុក្រ ទី១២ ខែមករា ឆ្នាំ២០១៨__ សម្តេចប្រធានរដ្ឋសភាជម្រាបអ្នកវិនិយោគទុនចិនថាកម្ពុជាមានសន្តិភាព ហើយរាជរដ្ឋាភិបាលបានចាត់ទុកវិស័យឯកជន ជាដៃគូសក្តានុពល ៕


ទំព័រមុខ » គណៈកម្មការទី២ » សកម្មភាព » តំណាងរាស្រ្តមណ្ឌលខេត្តព្រៃវែង ឯកឧត្តមបណ្ឌិតរដ្ឋ ជាម យៀប ចុះសួរសុខទុក្ខពលរដ្ឋរងគ្រោះដោយទឹកជំនន់ ក្នុងឃុំពាមមានជ័យ ស្រុកពាមរក៍
តំណាងរាស្រ្តមណ្ឌលខេត្តព្រៃវែង ឯកឧត្តមបណ្ឌិតរដ្ឋ ជាម យៀប ចុះសួរសុខទុក្ខពលរដ្ឋរងគ្រោះដោយទឹកជំនន់ ក្នុងឃុំពាមមានជ័យ ស្រុកពាមរក៍
រៀបរៀងដោយ ៖​ NA1472 ​ នៅថ្ងៃទី (8/9/2017 1:07:43 AM )

តំណាងរាស្រ្តមណ្ឌលខេត្តព្រៃវែង ឯកឧត្តមបណ្ឌិតរដ្ឋ ជាម យៀប ដែលជាប្រធានគណៈកម្មការ សេដ្ឋកិច្ច ហិរញ្ញវត្ថុ ធនាគារ និងសវនកម្មនៃរដ្ឋសភា ផងនោះ នៅថ្ងៃទី៨ ខែសីហា ឆ្នាំ២០១៧នេះ បានអញ្ជើញចុះសួរសុខទុក្ខប្រជាពលរដ្ឋនៅក្នុងភូមិចំនួន៥ នៃឃុំពាមមានជ័យ ស្រុកពាមរក៏ខេត្តព្រៃវែង ដែលបានទទួលរងគ្រោះដោយទឹកជំនន់នារដូវវស្សានេះ ។

លោក ភេ អីុម សមាជិកក្រុមប្រឹក្សាប្រចាំស្រុកពាមរក៍ បានមានប្រសាសន៍ឲ្យដឹងថា ស្រុកពាមរក៍មិនខុសពីស្រុកដ៏ទៃរបស់ខេត្តព្រៃវែង ដែលស្ថិតនៅ តាមដងទន្លេមេគង្គផ្នែកខាងក្រោមនោះទេ គឺបានទទួលរងទឹកជំនន់បង្កឲ្យលិចលង់ផ្ទះសម្បែងស្រែចម្ការរបស់ពួកគាត់មួយចំនួន និងបានធ្វើឲ្យប៉ះពាល់ ដល់ការរស់នៅ និងការប្រកបជីវភាពប្រចំាថ្ងៃរបស់ប្រជាពលរដ្ឋផងដែរ។

តែទោះយ៉ាងណាលោក ភេ អីុម បានគូសបញ្ជាក់ថា អាជ្ញាធរមូលដ្ឋាន​បានខិតខំថែរក្សាសន្តិសុខសណ្តាប់ធ្នាប់បានល្អជូនពលរដ្ឋ និងបានខិតខំជួយ អន្តរាគមន៍ដោះស្រាយសម្រួលការលំបាករបស់ប្រជាពលរដ្ឋតាមគ្រប់រូបភាព។ លោកសមាជិកក្រុមប្រឹក្សាស្រុកបានសង្កេតឃើញថា មកដល់ពេលនេះ កម្ពស់ទឹកទន្លេមេគង្គ បានចាប់ផ្តើមស្រកជាបណ្តើរៗហើយ។​

ឯកឧត្តមបណ្ឌិតរដ្ឋ ជាម យៀប បានកោតសរសើរចំពោះការយកចិត្តទុកដាក់ ក្នុងការជួយដោះស្រាយបញ្ហាដល់ពលរដ្ឋរបស់អាជ្ញាធរគ្រប់ជាន់ថ្នាក់ ក្នុងខេត្តព្រៃវែងនេះ។ ជាមួយគ្នានេះ ឯកឧត្តមតំណាងរាស្រ្ត បានណែនាំដល់អាជ្ញាធរស្រុក កងកម្លាំងប្រដាប់អាវុធ ត្រូវយកចិត្តទុកដាក់បន្ថែម​ទៀត ហើយត្រៀមចុះជួយអន្តរាគមន៍ដល់ពលរដ្ឋឲ្យបានទាន់ពេលវេលាក្នុងករណីដែលកម្ពស់ទឹកទន្លេ ឡើងទៀតនោះ។

ឯកឧត្តមបណ្ឌិតរដ្ឋ បានធ្វើការផ្តាំផ្ញើដល់អាជ្ញាធរត្រូវត្រៀមទីទួលសុវត្ថិភាពសម្រាប់ជម្លៀសពលរដ្ឋ និងសត្វគោក្របី ទ្រព្យសម្បត្តិ ក្នុងករណីមាន ទឹកជំនន់នោះ។ ជាមួយគ្នានេះ ឯកឧត្តមបណ្ឌិតរដ្ឋ ជំរុញដល់អាជ្ញាធរផ្សព្វផ្សាយណែនាំដល់ប្រជាពលរដ្ឋឲ្យចេះបង្ការ និងប្រុងប្រយ័ត្ននៅក្នុងរដូវវ​ស្សា នេះ។

ក្នុងឱកាសនោះដែរ ឯកឧត្តមបណ្ឌិតរដ្ឋ ជាម យៀប បាននាំយកថវិកា និងសម្ភារៈមួយចំនួន ចែកជូនពលរដ្ឋ ដែលបានរងគ្រោះដោយទឹកជំនន់នេះ ផងដែរ។

អត្ថបទនិងរូបភាពដោយនាយកដ្ឋានព័ត៌មាន

វិថីរដ្ឋសភា សង្កាត់ទន្លេបាសាក់ ខណ្ឌចំការមន រាជធានីភ្នំពេញ ព្រះរាជាណាចក្រកម្ពុជា
ទូរសព័្ទ ​លេខ: (855-23) 213 535, 220 628 ទូរសារ: (855-23)220 629
សារអេឡិចត្រូនិច: sg@national-assembly.org.kh, sg@nac.org.kh
គេហទំព័រ www.national-assembly.org.kh, www.nac.org.kh