អនុគណៈកម្មការហិរញ្ញវត្ថុ​ និងផ្គត់ផ្គង់​ នៃកិច្ចប្រជុំប្រចាំឆ្នាំ នៃវេទិកាសភាអាស៊ី-ប៉ាស៊ីហ្វិក លើកទី២៧ ប្រជុំត្រួតពិនិត្យលទ្ធផលការងារ__ ឯកឧត្តម ហ៊ុន ម៉ានី​ ដឹកនាំកិច្ចប្រជុំត្រួតពិនិត្យលទ្ធផលការងារចងក្រងឯកសារសម្រាប់កិច្ចប្រជុំ APPF__ លិខិតជូនពរ ជូនចំពោះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា__ លិខិតជូនពរ សូមគោរពជូន សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន ប្រធានកាកបាទក្រហមកម្ពុជា__ សេចក្តីជូនដំណឹង ស្តីពី ដំណើរទស្សនកិច្ចជាផ្លូវការ និងមិត្តភាព របស់គណៈប្រតិភូ ជាន់ខ្ពស់រដ្ឋសភា នៃសាធារណរដ្ឋបារាំង នៅព្រះរាជាណាចក្រកម្ពុជា__ សេចក្តីប្រកាសព័ត៌មាន ស្តីពី លទ្ធផលនៃសម័យប្រជុំរដ្ឋសភាលើកទី១ នីតិកាលទី៦ ថ្ងៃព្រហស្បតិ៍ ទី១៣ ខែធ្នូ ឆ្នាំ២០១៨__ រដ្ឋសភា ពិភាក្សា និងអនុម័តសេចក្តីស្នើច្បាប់វិសោធនកម្មច្បាប់ស្តីពីគណបក្សនយោបាយ និងសេចក្តីព្រាងច្បាប់បរធនបាលកិច្ច__ សេចក្តីជូនដំណឹង រដ្ឋសភានៃព្រះរាជាណាចក្រកម្ពុជា​ នឹងបន្តសម័យប្រជុំលើកទី១​ នីតិកាលទី៦ នៅថ្ងៃព្រហស្បតិ៍​ ៦កើត​ ខែមិគសិរ​ ឆ្នាំច​ សំរឹទ្ធិស័ក​ ព.ស.​ ២៥៦២ ត្រូវនឹងថ្ងៃទី១៣​ ខែធ្នូ​ ឆ្នាំ២០១៨ ៕


ទំព័រមុខ » គណៈកម្មការទី៦ » សកម្មភាព » ឯកឧត្តមបណ្ឌិត ប៉ែន បញ្ញា ដឹកនាំកិច្ចប្រជុំបែងចែកភារកិច្ចក្រុមការងារ សម្រាប់រៀបចំកិច្ចប្រជុំសភានិយាយភាសាបារាំង(APF) ដែលសភាកម្ពុជាធ្វើជាម្ចាស់ផ្ទះនាពេលខាងមុខ
ឯកឧត្តមបណ្ឌិត ប៉ែន បញ្ញា ដឹកនាំកិច្ចប្រជុំបែងចែកភារកិច្ចក្រុមការងារ សម្រាប់រៀបចំកិច្ចប្រជុំសភានិយាយភាសាបារាំង(APF) ដែលសភាកម្ពុជាធ្វើជាម្ចាស់ផ្ទះនាពេលខាងមុខ
រៀបរៀងដោយ ៖​ NA1472 ​ នៅថ្ងៃទី (8/8/2017 7:06:56 PM )

នៅព្រឹកថ្ងៃទី០៨ ខែសីហា ឆ្នាំ២០១៧នេះ នៅវិមានរដ្ឋសភា ឯកឧត្តមបណ្ឌិត ប៉ែន បញ្ញា ប្រធានគណៈកម្មការនីតិកម្ម និងយុត្តិធម៌ នៃរដ្ឋសភា និងជា អនុប្រធានក្រុមសភាជាតិកម្ពុជា(APF) បានដឹកនាំកិច្ចប្រជុំបែងចែកភារកិច្ចក្រុមការងារ សម្រាប់ត្រៀមរៀបចំ កិច្ចប្រជុំសភានិយាយភាសាបារាំង (APF) តំបន់អាស៊ី-ប៉ាស៊ីហ្វិក លើកទី៨ ដែលសភានៃព្រះរាជាណាចក្រកម្ពុជា ធ្វើជាម្ចាស់ផ្ទះ ចាប់ពីថ្ងៃទី០៥ ដល់ថ្ងៃទី០៧ ខែកញ្ញា ឆ្នាំ២០១៧ នៅខេត្ត ព្រះសីហនុ។

នៅក្នុងកិច្ចប្រជុំនាពេលនេះ មានការអញ្ជើញចូលរួមពី ឯកឧត្តម ប៉ុល ហំម អនុប្រធានក្រុមសភាជាតិកម្ពុជា(APF)ទទួលបន្ទុក(APF) តំបន់អាស៊ី ប៉ាស៊ីហ្វិក លោកជំទាវ ទី បូរ៉ាស៊ី អនុប្រធានក្រុមសភាជាតិកម្ពុជា(APF) ឯកឧត្ដម លោកជំទាវ ជាសមាជិក សមាជិការដ្ឋសភា ព្រឹទ្ធសភា ដែលជា សមាជិកក្រុមការងារសភាជាតិកម្ពុជា(APF) និង ឯកឧត្តម ឡេង ប៉េងឡុង អគ្គលេខាធិការរដ្ឋសភា ព្រមទាំងសមាជិកក្រុមការងារមួយចំនួនទៀត។​

ឯកឧត្តមបណ្ឌិត ប៉ែន បញ្ញា បានមានប្រសាសន៍ថា ដើម្បីឲ្យដំណើរការនៃកិច្ចប្រជុំសភានិយាយភាសាបារាំង(APF) តំបន់អាស៊ី-ប៉ាស៊ីហ្វិក លើកទី៨ នាពេលខាងមុខទទួលបានជោគជ័យ ចាំបាច់យើងត្រូវបែងចែកភារកិច្ចជូនដល់ក្រុមការងារទាំងអស់ ដើម្បីបានត្រៀមលក្ខណៈសម្បត្តិជាមុន ក្នុងការ រៀបចំដំណើរការកិច្ចប្រជុំ ទៅតាមផែនការដែលបានគ្រោងទុក។

ឯកឧត្តមបណ្ឌិត ប៉ែន បញ្ញា ក៏បានអាននូវបញ្ជីឈ្មោះ ឯកឧត្ដម លោកជំទាវ និងក្រុមការងារ ដែលគ្រោងនឹងចេញជាសេចក្ដីសម្រេច ដែលមានភារកិច្ច ទទួលខុសត្រូវ នៅក្នុងដំណើរការនៃកិច្ចប្រជុំនាពេលខាងមុខ ដើម្បីទទួលបានមតិយោបល់ កែលម្អបន្ថែមពីសមាជិកអង្គប្រជុំ មុននឹងមានការចុះ ហត្ថលេខាលើសេចក្ដីសម្រេចជាផ្លូវការ។

បន្ទាប់ពីបានស្ដាប់នូវមតិលើកឡើងមួយចំនួនរបស់ ឯកឧត្ដម លោកជំទាវ និងក្រុមការងាររួចមក ឯកឧត្តមបណ្ឌិត ប៉ែន បញ្ញា បានមានប្រសាសន៍ថា កិច្ចប្រជុំសភានិយាយភាសាបារាំង(APF) តំបន់អាស៊ី-ប៉ាស៊ីហ្វិក លើកទី៨ ដែលសភានៃព្រះរាជាណាចក្រកម្ពុជា ត្រូវធ្វើជាម្ចាស់ផ្ទះនាពេលខាងមុខនេះ យើងក៏បានបែងចែកជាប្រធានបទសម្រាប់តុមូលចំនួន២។ ប្រធានបទតុមូលទី១ ស្ដីពី“គោលដៅអភិវឌ្ឍន៍ប្រកបដោយចីរភាពឆ្នាំ២០១៥-២០៣០ និងសមភាពរវាងបុរស និងស្ត្រី” និងប្រធានបទតុមូលទី២ ស្ដីពី“កិច្ចសហប្រតិបត្តិការរវាងប្រទេសក្នុងតំបន់ ក្នុងគោលដៅធានានូវសន្តិភាព និង ការអភិវឌ្ឍប្រកបដោយចីរភាព” ។

អត្ថបទនិងរូបភាពដោយនាយកដ្ឋានព័ត៌មាន