សមាជិកសភាតំបន់អាស៊ី២៥ប្រទេស នឹងចូលរួមកិច្ចប្រជុំក្រុមប្រឹក្សាប្រតិបត្តិ ដែលសភាកម្ពុជាធ្វើជាម្ចាស់ផ្ទះនៅដើមខែតុលាខាងមុខនេះ__ សេចក្តីជូនដំណឹង ស្តីពីសភានៃព្រះរាជាណាចក្រកម្ពុជា ទទួលធ្វើជាម្ចាស់ផ្ទះរៀបចំកិច្ចប្រជុំក្រុមប្រឹក្សាប្រតិបត្តិលើកទី១ នៃមហាសន្និបាតលើកទី១ របស់សភាតំបន់ស៊ី នៅរាជធានីភ្នំពេញ__ សេចក្តីប្រកាសព័ត៌មាន ស្តីពី លទ្ធផលនៃកិច្ចប្រជុំគណៈកម្មាធិការអចិន្ត្រៃយ៍នៃរដ្ឋសភា ថ្ងៃអង្គារ ទី២៦ ខែកញ្ញា ឆ្នាំ២០១៧__ គណៈកម្មាធិការអចិន្ត្រៃយ៍រដ្ឋសភា ប្រជុំសម្រេចរបៀបវារៈចំនួនបី នាព្រឹកថ្ងៃទី២៦ ខែកញ្ញា ឆ្នាំ២០១៧ អគ្គលេខាធិការដ្ឋានរដ្ឋសភា ប្រជុំពិនិត្យការងារត្រៀមរៀបចំកិច្ចប្រជុំក្រុមប្រឹក្សាប្រតិបត្តិលើកទី១ នៃសភាតំបន់អាស៊ី( APA ) ដែលសភាកម្ពុជាធ្វើជាម្ចាស់ផ្ទះ ៕


ទំព័រមុខ » គណៈកម្មការទី៧ » សកម្មភាព » គណៈកម្មការទី៧នៃរដ្ឋសភា ចុះសិក្សាស្វែងយល់ពីវិស័យទទួលខុសត្រូវរបស់គណៈកម្មការ នៅខេត្តឧត្តរមានជ័យ
គណៈកម្មការទី៧នៃរដ្ឋសភា ចុះសិក្សាស្វែងយល់ពីវិស័យទទួលខុសត្រូវរបស់គណៈកម្មការ នៅខេត្តឧត្តរមានជ័យ
រៀបរៀងដោយ ៖​ NA1472 ​ នៅថ្ងៃទី (7/21/2017 12:47:11 AM )

បន្ទាប់ពីបញ្ចប់បេសកកម្មនៅខេត្តកំពង់ធំ និងខេត្តព្រះវិហារ នៅក្នុងដំណើរបេសកកម្មចុះសិក្សាស្វែងយល់ពីការងារពាក់ព័ន្ធ ក្នុងវិស័យទទួលខុសត្រូវ របស់ខ្លួន គណៈប្រតិភូគណៈកម្មការអប់រំ យុវជន កីឡា ធម្មការ កិច្ចការសាសនា វប្បធម៌ និងទេសចរណ៍ នៃរដ្ឋសភា​ ដឹកនាំដោយ ឯកឧត្តម យ៉ែម បុញ្ញឫទ្ធិ ប្រធានគណៈកម្មការ បានបន្តដំណើរទៅកាន់ខេត្តឧត្តរមានជ័យ នាថ្ងៃទី២០ ខែកក្កដា ឆ្នាំ២០១៧។

នៅក្នុងជំនួបពិភាក្សាការងារនៅឯសាលាខេត្ត ឯកឧត្តម ស ថាវី អភិបាលនៃគណៈអភិបាលខេត្តឧត្តរមានជ័យ និងលោក លោកស្រីជាប្រធានមន្ទីរ ជំនាញពាក់ព័ន្ធ បានជម្រាបជូនគណៈប្រតិភូរដ្ឋសភាពីសកម្មភាពការងារទូទៅនៅក្នុងខេត្ត និងការខិតខំបំពេញការងារបម្រើប្រជាពលរដ្ឋ របស់អាជ្ញាធរ ខេត្ត ដោយខេត្តបានគោរពទៅតាមគោលនយោបាយ និងយុទ្ធសាស្រ្តចតុកោណដំណាក់កាលទី៣របស់រាជរដ្ឋាភិបាល ដើម្បីធានាអោយមានកំណើន ការងារ សមធម៌ និងប្រសិទ្ធភាព ព្រមទាំងរក្សាអោយបាននូវសន្តិសុខសណ្តាប់ធ្នាប់សាធារណៈជូនប្រជាពលរដ្ឋបានល្អប្រសើរ។

ឯកឧត្តមអភិបាលខេត្ត ក៏បានជម្រាបជូនគណៈប្រតិភូពីលទ្ធផលការងារទាក់ទងនឹងវិស័យអប់រំ ធម្មការ កិច្ចការសាសនា វប្បធម៌ និងវិស័យទេសចរណ៍ ដែលជាវិស័យពាក់ព័ន្ធនឹងការទទួលខុសត្រូវរបស់គណៈកម្មការនៅក្នុងខេត្តនេះថា កំពុងមានការវិវត្តន៍រីកចម្រើនជាលំដាប់ ដែលខេត្តបាននិងកំពុង ខិតខំយកចិត្តទុកដាក់ ក្នុងការអនុវត្តន៍តាមផែនការយុទ្ធសាស្រ្ត កែទម្រង់ស៊ីជម្រៅរបស់រាជរដ្ឋាភិបាល។ ដោយឡែកពាក់ពន្ធ័ទៅនឹងបញ្ហាប្រឈមវិញ ឯកឧត្តម ស ថាវី បានជម្រាបជូនគណៈកម្មការថា ខេត្តនៅមានបញ្ហាដូចជា ខ្វះគ្រូបង្រៀនកម្រិតមូលដ្ឋាន និងសាលារៀន សម្ភារៈសិក្សាសម្រាប់ថ្នាក់ មត្តេយ្យ និងបណ្ណាល័យភាគច្រើនមិនទាន់ត្រឹមត្រូវតាមស្តង់ដារ។ ម្យ៉ាងទៀតអគារខ្លះមានសភាពចាស់ទ្រុឌទ្រោម រីឯចំនួនសិស្សបោះបង់ការសិក្សាក៏ មានច្រើន ពិសេសនៅកម្រិតមធ្យមសិក្សាដែលបណ្ដាលមកពីគ្រួសារមានជីវភាពក្រីក្រខ្វះមធ្យោបាយអោយកូនមករៀន។

បន្ទាប់ពីបានស្ដាប់របាយការណ៍ និងបានឃើញផ្ទាល់ភ្នែកពីហេដ្ឋារចនាសម្ព័ន្ធនានា ដែលកំពុងមានការរីកចម្រើននៅក្នុងខេត្ត ឯកឧត្តម យ៉ែម បុញ្ញឫទ្ធិ ប្រធានគណៈប្រតិភូ បានថ្លែងការកោតសរសើរ ចំពោះថ្នាក់ដឹកនាំខេត្តគ្រប់លំដាប់ថ្នាក់ ដែលបានខិតខំបំពេញការងារ អភិវឌ្ឍន៍មូលដ្ឋានខេត្ត ឧត្តរមានជ័យ ដែលពីមុនមកខេត្តនេះធ្លាប់បានឆ្លងកាត់សង្គ្រាមខ្ទេចខ្ទាំ អោយប្រែក្លាយទៅជាខេត្តមួយ មានទេសភាពស្រស់បំព្រងគួរជាទីមោទនៈ។

ឯកឧត្តមបានបន្តថា គោលបំណងធំរបស់គណៈកម្មការ ដែលចុះមកកាន់ខេត្តឧត្តរមានជ័យនាពេលនេះ គឺចង់សិក្សាស្វែងយល់ពីវិស័យដែលពាក់ព័ន្ធ នឹងការទទួលខុសត្រូវរបស់ខ្លួន ពិសេសវិស័យអប់រំ ដោយឯកឧត្ដមចង់អោយវិស័យនេះ ទាំងនៅទីក្រុងនិងជនបទកាន់តែខិតជិតគ្នា ទាំងមធ្យោបាយ សម្ភារៈ និងគុណភាពគ្រូបង្រៀនជាដើម។ ជាមួយគ្នានេះ ឯកឧត្តម យ៉ែម បុញ្ញឫទ្ធិ ក៏បានជំរុញអោយមានការស្វះស្វែងរកមធ្យោបាយដែលមាន​ប្រសិទ្ធភាព ដើម្បីកាត់បន្ថយការបោះបង់ការសិក្សារបស់សិស្សផងដែរ។

ដោយឡែកចំពោះបញ្ហាប្រឈមដែលខេត្តបានលើកឡើង ឯកឧត្តមប្រធានគណៈប្រតិភូបានសន្យាថា នឹងនាំយកទៅជម្រាបជូនសម្តេចប្រធានរដ្ឋសភា បានជ្រាបក៏ដូចជាយកទៅពិភាក្សាជាមួយក្រសួងពាក់ព័ន្ធ ដើម្បីរកមធ្យោបាយដោះស្រាយ។

បន្ទាប់ពីបានបញ្ចប់កិច្ចពិភាក្សានៅសាលាខេត្ត គណៈប្រតិភូបានអញ្ជើញ ទៅពិនិត្យនៅតាមមន្ទីរពាក់ព័ន្ធនីមួយៗ ដើម្បីធ្វើការសិក្សា ស្វែងយល់ ជាក់ស្ដែងនៅនឹងកន្លែង។ ដោយឡែកនៅរសៀលថ្ងៃដដែលនេះដែរ គណៈប្រតិភូក៏បានអញ្ជើញចុះសិក្សាស្វែងយល់ និងជួបសំណេះសំណាលជាមួយ លោកគ្រូ អ្នកគ្រូ នៅសាលាបឋមសិក្សាសំរោង និងសាលាពុទ្ធិកៈវត្តប្រាសាទរាជាសំរោង ស្ថិតក្នុងក្រុងសំរោងខេត្តឧត្តរមានជ័យផងដែរ។

អត្ថបទនិងរូបភាពដោយនាយកដ្ឋានព័ត៌មាន

វិថីរដ្ឋសភា សង្កាត់ទន្លេបាសាក់ ខណ្ឌចំការមន រាជធានីភ្នំពេញ ព្រះរាជាណាចក្រកម្ពុជា
ទូរសព័្ទ ​លេខ: (855-23) 213 535, 220 628 ទូរសារ: (855-23)220 629
សារអេឡិចត្រូនិច: sg@national-assembly.org.kh, sg@nac.org.kh
គេហទំព័រ www.national-assembly.org.kh, www.nac.org.kh