អនុគណៈកម្មការហិរញ្ញវត្ថុ​ និងផ្គត់ផ្គង់​ នៃកិច្ចប្រជុំប្រចាំឆ្នាំ នៃវេទិកាសភាអាស៊ី-ប៉ាស៊ីហ្វិក លើកទី២៧ ប្រជុំត្រួតពិនិត្យលទ្ធផលការងារ__ ឯកឧត្តម ហ៊ុន ម៉ានី​ ដឹកនាំកិច្ចប្រជុំត្រួតពិនិត្យលទ្ធផលការងារចងក្រងឯកសារសម្រាប់កិច្ចប្រជុំ APPF__ លិខិតជូនពរ ជូនចំពោះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា__ លិខិតជូនពរ សូមគោរពជូន សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន ប្រធានកាកបាទក្រហមកម្ពុជា__ សេចក្តីជូនដំណឹង ស្តីពី ដំណើរទស្សនកិច្ចជាផ្លូវការ និងមិត្តភាព របស់គណៈប្រតិភូ ជាន់ខ្ពស់រដ្ឋសភា នៃសាធារណរដ្ឋបារាំង នៅព្រះរាជាណាចក្រកម្ពុជា__ សេចក្តីប្រកាសព័ត៌មាន ស្តីពី លទ្ធផលនៃសម័យប្រជុំរដ្ឋសភាលើកទី១ នីតិកាលទី៦ ថ្ងៃព្រហស្បតិ៍ ទី១៣ ខែធ្នូ ឆ្នាំ២០១៨__ រដ្ឋសភា ពិភាក្សា និងអនុម័តសេចក្តីស្នើច្បាប់វិសោធនកម្មច្បាប់ស្តីពីគណបក្សនយោបាយ និងសេចក្តីព្រាងច្បាប់បរធនបាលកិច្ច__ សេចក្តីជូនដំណឹង រដ្ឋសភានៃព្រះរាជាណាចក្រកម្ពុជា​ នឹងបន្តសម័យប្រជុំលើកទី១​ នីតិកាលទី៦ នៅថ្ងៃព្រហស្បតិ៍​ ៦កើត​ ខែមិគសិរ​ ឆ្នាំច​ សំរឹទ្ធិស័ក​ ព.ស.​ ២៥៦២ ត្រូវនឹងថ្ងៃទី១៣​ ខែធ្នូ​ ឆ្នាំ២០១៨ ៕


ទំព័រមុខ » គណៈកម្មការទី២ » សកម្មភាព » ពលរដ្ឋ អាជីវករក្នុងផ្សារអ្នកលឿង ខេត្តព្រៃវែងថា តំណាងរាស្រ្តមណ្ឌលនេះ រួមសុខទុក្ខជាមួយពួកគាត់ជានិច្ច
ពលរដ្ឋ អាជីវករក្នុងផ្សារអ្នកលឿង ខេត្តព្រៃវែងថា តំណាងរាស្រ្តមណ្ឌលនេះ រួមសុខទុក្ខជាមួយពួកគាត់ជានិច្ច
រៀបរៀងដោយ ៖​ NA1472 ​ នៅថ្ងៃទី (7/13/2017 12:46:37 AM )

តំណាងរាស្រ្តមណ្ឌលខេត្តព្រៃវែង ដែលមាន ឯកឧត្តមបណ្ឌិតរដ្ឋ ជាម យៀប ឯកឧត្តម សុខ ឥសាន្ត រួមដំណើរដោយសហការី ក្រុមការងារជាច្រើន ទៀត បានចុះសួរសុខទុក្ខ ស្វែងយល់ពីការរស់នៅ និងការប្រកបអាជីវកម្មលក់ដូរ របស់ប្រជាពលរដ្ឋ និងអាជីវករ នៅក្នុងផ្សារអ្នកលឿង ស្ថិតនៅក្នុងឃុំ អ្នកលឿង ស្រុកពាមរក៍ ខេត្តព្រៃវែង នាព្រឹកថ្ងៃទី១១ ខែកក្កដា ឆ្នាំ២០១៧នេះ​។

ក្នុងឱកាសនោះ ឯកឧត្តមបណ្ឌិតរដ្ឋ ជាម យៀប ដែលជាប្រធានគណៈកម្មការ សេដ្ឋកិច្ច ហិរញ្ញវត្ថុ ធនាគារ និងសវនកម្មនៃរដ្ឋសភា បានពាំនាំការនឹករឭក និងការផ្តាំផ្ញើសាកសួរសុខទុក្ខពីសំណាក់ សម្តេចវិបុលសេនាភក្តី សាយ ឈុំ ប្រធានព្រឹទ្ធសភា សម្តេចអគ្គមហាពញាចក្រី ហេង សំរិន ប្រធានរដ្ឋសភា និង សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី ជូនចំពោះប្រជាពលរដ្ឋទំាងអស់។ ឯកឧត្តមបណ្ឌិតរដ្ឋ បានលើកឡើងថា សម្តេចទំាងបីតែងតែយកចិត្តទុក​ដាក់​ពីសុខទុក្ខ និងការរស់នៅរបស់ប្រជាពលរដ្ឋជាប្រចំា នៅទូទំាងប្រទេស។

ឯកឧត្តមប្រធានគណៈកម្មការបានគូសបញ្ជាក់ថា ទំាងថ្នាក់ដឹកនាំស្ថាប័ននីតិប្បញ្ញត្តិ និងនីតិប្រតិបត្តិ បានខិតខំរក្សាសុខសន្តិភាព និងស្ថិរភាពសង្គម ដើម្បីឲ្យការរស់នៅរបស់ប្រជាពលរដ្ឋមានសេចក្តីសុខ និងការរីកចម្រើន។ ឯកឧត្តមបណ្ឌិតរដ្ឋ បានសង្កត់ធ្ងន់ថា សន្តិភាពដែលមាននាពេលបច្ចុប្បន្ន នេះ មានតម្លៃគ្មានអ្វីប្រៀបបានឡើយ។ សន្តិភាពនេះហើយ ដែលបានផ្តល់ឱកាសដល់ពលរដ្ឋ ប្រកបរបរចិញ្ចឹមជីវិត ឲ្យមានការរីកចម្រើនជាលំដាប់។ បើគ្មានសន្តិភាពទេ គឺគ្មានទេការអភិវឌ្ឍនោះ។

លោក ភេ អីុម តំណាងប្រជាពលរដ្ឋបានថ្លែងអំណរគុណដល់តំណាងរាស្រ្តមណ្ឌលព្រៃវែង ដែលតែងតែចុះផ្ទាល់ជួបពលរដ្ឋ និងបានដោះស្រាយ បញ្ហាទុក្ខលំបាករបស់ប្រជាពលរដ្ឋរហូតមក​។ ជាពិសេសតែងតែដោះស្រាយរាល់បញ្ហារបស់អាជីវករ នៅក្នុងផ្សារអ្នកលឿងនេះ។

តំណាងពលរដ្ឋ បាននិយាយដោយក្តីរីករាយថា ពួកគាត់នឹងខិតខំចូលរួមថែរក្សាសុខសន្តិភាព ជាមួយ​រាជរដ្ឋាភិបាលបន្តទៀត ដើម្បីឲ្យសង្គមជាតិ ក៏ដូចជាសង្គមគ្រួសារពួកគាត់មានការរីកចម្រើនទៅមុខ​ទៀត៕

អត្ថបទនិងរូបភាពដោយនាយកដ្ឋានព័ត៌មាន