សមាជិកសភាតំបន់អាស៊ី២៥ប្រទេស នឹងចូលរួមកិច្ចប្រជុំក្រុមប្រឹក្សាប្រតិបត្តិ ដែលសភាកម្ពុជាធ្វើជាម្ចាស់ផ្ទះនៅដើមខែតុលាខាងមុខនេះ__ សេចក្តីជូនដំណឹង ស្តីពីសភានៃព្រះរាជាណាចក្រកម្ពុជា ទទួលធ្វើជាម្ចាស់ផ្ទះរៀបចំកិច្ចប្រជុំក្រុមប្រឹក្សាប្រតិបត្តិលើកទី១ នៃមហាសន្និបាតលើកទី១ របស់សភាតំបន់ស៊ី នៅរាជធានីភ្នំពេញ__ សេចក្តីប្រកាសព័ត៌មាន ស្តីពី លទ្ធផលនៃកិច្ចប្រជុំគណៈកម្មាធិការអចិន្ត្រៃយ៍នៃរដ្ឋសភា ថ្ងៃអង្គារ ទី២៦ ខែកញ្ញា ឆ្នាំ២០១៧__ គណៈកម្មាធិការអចិន្ត្រៃយ៍រដ្ឋសភា ប្រជុំសម្រេចរបៀបវារៈចំនួនបី នាព្រឹកថ្ងៃទី២៦ ខែកញ្ញា ឆ្នាំ២០១៧ អគ្គលេខាធិការដ្ឋានរដ្ឋសភា ប្រជុំពិនិត្យការងារត្រៀមរៀបចំកិច្ចប្រជុំក្រុមប្រឹក្សាប្រតិបត្តិលើកទី១ នៃសភាតំបន់អាស៊ី( APA ) ដែលសភាកម្ពុជាធ្វើជាម្ចាស់ផ្ទះ ៕


ទំព័រមុខ » គណៈកម្មការទី២ » សកម្មភាព » សភាឌូម៉ានៃសហព័ន្ធរុស្ស៊ី បានចាត់គណៈប្រតិភូមកសង្កេតការណ៍បោះឆ្នោតក្រុមប្រឹក្សាឃុំសង្កាត់នៅកម្ពុជា
សភាឌូម៉ានៃសហព័ន្ធរុស្ស៊ី បានចាត់គណៈប្រតិភូមកសង្កេតការណ៍បោះឆ្នោតក្រុមប្រឹក្សាឃុំសង្កាត់នៅកម្ពុជា
រៀបរៀងដោយ ៖​ NA1472 ​ នៅថ្ងៃទី (6/13/2017 11:40:08 PM )

គណៈប្រតិភូសភាឌូម៉ារបស់សហព័ន្ធរុស្ស៊ីមួយក្រុម បានមកដល់ប្រទេសកម្ពុជា ដើម្បីចូលរួមសង្កេតការណ៍បោះឆ្នោតក្រុមប្រឹក្សាឃុំសង្កាត់នៅកម្ពុជា ដែលនឹងរៀបចំបោះឆ្នោតនៅថ្ងៃអាទិត្យទី៤ ខែមិថុនា ឆ្នាំ២០១៧នេះ។ នៅព្រឹកថ្ងៃទី១ ខែមិថុនានេះ គណៈប្រតិភូសភាឌូម៉ារបស់សហព័ន្ធរុស្ស៊ី ដែល ដឹកនាំដោយ ឯកឧត្តម Alexy chapa សមាជិកសភារុស្ស៊ី និងជាប្រធានក្រុមមិត្តភាពសភារុស្ស៊ី-កម្ពុជា ផងនោះ បានចូលជួបពិភាក្សាការងារជាមួយ សមាជិករដ្ឋសភាកម្ពុជាដែលដឹកនាំដោយ ឯកឧត្តមបណ្ឌិតរដ្ឋ ជាម យៀប ប្រធានគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្មនៃរដ្ឋសភា ដោយមានការចូលរួមពី ឯកឧត្តម ចាយ បូរិន តំណាងរាស្រ្តមណ្ឌលខេត្តកំពង់ចាម ឯកឧត្តម សួស យ៉ារ៉ា តំណាងរាស្រ្តមណ្ឌលខេត្តព្រះវិហារ

ឯកឧត្តមបណ្ឌិតរដ្ឋ ជាម យៀប បានថ្លែងអំណរគុណចំពោះ ឯកឧត្តម Alexy chapa ដែលបានចូលរួមសង្កេតការណ៍បោះឆ្នោតនៅកម្ពុជានាពេល នេះ។ ឯកឧត្តមប្រធានគណៈកម្មការ បានជម្រាបជូនគណៈប្រតិភូពីស្ថានការណ៍ជាក់ស្តែងមួយចំនួននៅមុនការបោះឆ្នោតនេះ ដូចជាថាការបោះឆ្នោត ក្រុមប្រឹក្សាឃុំសង្កាត់នីតិកាលទី៤នេះ មានគណបក្សនយោបាយចំនួន១២បានចូលរួម ហើយនៅក្នុងពេលនេះ គឺជាយុទ្ធនាការឃោសនាបោះឆ្នោត ដែលគណបក្សទំាងអស់ធ្វើសកម្មភាព​ឃោសនា ផ្សព្វផ្សាយគោលនយោបាយគណបក្សរបស់ខ្លូន រៀងៗខ្លួននៅទូទំាងប្រ​ទេសដោយសេរី​។


ឆ្លៀតឱកាសនោះ ឯកឧត្តមបណ្ឌិតរដ្ឋ ជាម យៀប បានថ្លែងអំណរគុណដល់រដ្ឋាភិបាលរុស្ស៊ីនិងប្រជាជនរុស្ស៊ី ដែលកន្លងមកបានជួយឧបត្ថម្ភគាំទ្រ ដល់ប្រទេសកម្ពុជា និយាយឲ្យចំគឺថារុស្ស៊ីជាមិត្តដ៏ល្អរបស់កម្ពុជានៅគ្រប់កាលៈទេសៈ។

ឯកឧត្តម Alexy chapa បានកោតសរសើរចំពោះដំណើរការនៃការរៀបចំបោះឆ្នោតនៅកម្ពុជា និងបានសម្តែងក្តីសង្ឃឹមថាគណៈកម្មាធិការជាតិរៀបចំ ការបោះឆ្នោត ដែលមានសមាសភាពចូលរួមពីគណបក្សនយោបាយ និងសង្គមស៊ីវិលនោះ នឹងធ្វើឲ្យការបោះឆ្នោតជ្រើសរើសក្រុមប្រឹក្សាឃុំសង្កាត់ នាពេលនេះ ដំណើរការទៅដោយរលូន សេរី និងយុត្តិធម៌៕

អត្ថបទនិងរូបភាពដោយនាយកដ្ឋានព័ត៌មាន

វិថីរដ្ឋសភា សង្កាត់ទន្លេបាសាក់ ខណ្ឌចំការមន រាជធានីភ្នំពេញ ព្រះរាជាណាចក្រកម្ពុជា
ទូរសព័្ទ ​លេខ: (855-23) 213 535, 220 628 ទូរសារ: (855-23)220 629
សារអេឡិចត្រូនិច: sg@national-assembly.org.kh, sg@nac.org.kh
គេហទំព័រ www.national-assembly.org.kh, www.nac.org.kh