គណៈកម្មាធិការគ្រឿងឥស្សរិយយសរដ្ឋសភា ប្រជុំរៀបចំស្នើសុំផ្តល់គ្រឿងឥស្សរិយយសជូនតំណាងរាស្រ្ត នីតិកាលទី៥__ ឯកឧត្ដម ឈាង វុន៖ សភាកម្ពុជា ឡាវ វៀតណាម នឹងរួមគ្នាជំរុញដល់រដ្ឋាភិបាលប្រទេសទាំងបី បន្តអភិវឌ្ឍន៍តំបន់ត្រីកោណប្រទេសទាំងបីកម្ពុជា ឡាវ និងវៀតណាម អោយមានការរីកចម្រើនឡើង__ អង្គការមិនមែនរដ្ឋាភិបាលដើម្បីសិទ្ធិកុមារ ជម្រាបជូនសមាជិករដ្ឋសភាអំពីការព្រួយបារម្ភរបស់ខ្លួន ចំពោះការបំពានសិទ្ធិរបស់កុមារ និងស្នើសុំឲ្យជួយការពារកុមារនៅប្រទេសកម្ពុជា__ គណៈប្រតិភូគណៈកម្មការទី៧នៃរដ្ឋសភា បន្តបេសកកម្មនៅខេត្តបន្ទាយមានជ័យ ដើម្បីស្វែងយល់ពីវិស័យដែលពាក់ព័ន្ធនឹងជំនាញរបស់គណៈកម្មការ ៕


ទំព័រមុខ » ព័ត៌មាន » ព័ត៌មានប្រចាំថ្ងៃ » រដ្ឋសភាបោះឆ្នោតជ្រើសតំាង ឯកឧត្តម អឹុម សួស្តី ជាសមាជិកក្រុមប្រឹក្សាធម្មនុញ្ញ
រដ្ឋសភាបោះឆ្នោតជ្រើសតំាង ឯកឧត្តម អឹុម សួស្តី ជាសមាជិកក្រុមប្រឹក្សាធម្មនុញ្ញ
រៀបរៀងដោយ ៖​ NA1472 ​ នៅថ្ងៃទី (5/15/2017 7:52:04 PM )

រដ្ឋសភានៃព្រះរាជាណាចក្រកម្ពុជា​ បានបន្តសម័យ​ប្រជុំរដ្ឋសភាលើកទី៨ នីតិកាល​ទី​៥ ក្រោមអធិបតី​ភាព​​ដ៏​ខ្ពង់​​ខ្ពស់ សមេ្តចអគ្គ​មហា​ពញា​ចក្រី ហេង សំរិន ប្រធាន​រដ្ឋ​សភា នៅ​ព្រឹក​ថ្ងៃអង្គារ ទី១៦ ខែឧសភា ឆ្នាំ​២០​១៧ វេលាម៉ោង៨:០០នាទី ដោយមានវត្តមានសមាជិករដ្ឋសភាពេល​បើក​សម័យ​ប្រជុំ​ដំបូង​មាន​ចំនួន៨២រូប។​

សម័យប្រជុំរដ្ឋសភានាពេលនេះ មានរបៀបវារៈតែមួយប៉ុណ្ណោះ គឺការ​បោះ​ឆ្នោត​ជ្រើស​តំាងស​មា​ជិក​ក្រុម​ប្រឹក្សា​ធម្មនុញ្ញចំនួន០១រូប ដែលត្រូវជ្រើស តំាងដោយរដ្ឋសភាជំនួស ឯកឧត្តម ពិត តំាងសាន ដែល​បាន​ទទួល​មរណភាព​។ ជាលទ្ធផលអង្គប្រជុំរដ្ឋសភាបានបោះឆ្នោត​ជ្រើស​តំាង ឯកឧត្តម អឹុម សួស្តី អតីតប្រធានគណៈកម្មាធិការជាតិរៀបចំការបោះឆ្នោត(គជប) ជាសមាជិក​ក្រុម​ប្រឹក្សា​​ធម្មនុញ្ញ ដោយទទួលបានសំឡេងព្រមចំនួន៦៦សំឡេង​។

ក្រុមប្រឹក្សាធម្មនុញ្ញគឺជា​ស្ថាប័ន​កំពូល​មួយ ដែលមាន​ចែង​ក្នុង​រដ្ឋធម្មនុញ្ញឆ្នាំ១៩៩៣ សម្រាប់​ការពារ​​ការគោរព​រដ្ឋ​ធម្មនុញ្ញបកស្រាយ​រដ្ឋធម្មនុញ្ញ និងច្បាប់​ដែល​រដ្ឋសភា​បានអនុម័ត និងព្រឹទ្ធសភា​បាន​ពិនិត្យ​ចប់សព្វគ្រប់​។ ស្ថាប័ននេះ ជាអ្នកសម្រេច​អំពី​ករណី​វិវាទកម្ម​ ទាក់ទង​នឹង​ការបោះ​ឆ្នា​ត​ជ្រើសតាំង​តំណាង​រាស្ដ្រ និង​ការបោះឆ្នោតជ្រើសតាំង​សមាជិក​ព្រឹទ្ធសភា ។

សមាសភាព​នៃ​ក្រុមប្រឹក្សាធម្មនុញ្ញ​មាន​ប្រធាន០១រូប និង​សមាជិក​ចំនួន០៨រូប។ ជាធម្មតា​អាណ​ត្ដិ​របស់​សមាជិក​គឺ៩ឆ្នាំ ប៉ុន្ដែ​សមាជិក​ចំនួន០៣រូប ត្រូវ បាន​ជ្រើសតាំង ឬ​តែងតាំង​រាល់​បី​ឆ្នាំ​ម្ដង៕

អត្ថបទនិងរូបភាពដោយនាយកដ្ឋានព័ត៌មាន

វិថីរដ្ឋសភា សង្កាត់ទន្លេបាសាក់ ខណ្ឌចំការមន រាជធានីភ្នំពេញ ព្រះរាជាណាចក្រកម្ពុជា
ទូរសព័្ទ ​លេខ: (855-23) 213 535, 220 628 ទូរសារ: (855-23)220 629
សារអេឡិចត្រូនិច: sg@national-assembly.org.kh, sg@nac.org.kh
គេហទំព័រ www.national-assembly.org.kh, www.nac.org.kh