ថ្ងៃ ចន្ទ ទី 24 ខែ មេសា ឆ្នាំ​ 2017
ថ្នាក់ដឹកនាំ សមាជិករដ្ឋសភា សម្តែងការសោកស្តាយនិងចូលរួមមរណទុក្ខ ជាមួយគ្រួសារសព ឯកឧត្តម ពិត តំាងសាន សមាជិកក្រុមប្រឹក្សាធម្មនុញ្ញ __ ប្រជាពលរដ្ឋបឹងកក់ចំនួន៧គ្រួសារស្នើសុំសម្តេចប្រធានរដ្ឋសភាជួយអន្តរាគមន៍រកដំណោះស្រាយបញ្ចប់ជម្លោះដីធ្លីនៅតំបន់បឹងកក់ __ សម្តេចប្រធានរដ្ឋសភា ចាត់គណៈប្រតិរដ្ឋសភាកម្ពុជា ដឹកនាំដោយ ឯកឧត្តមបណ្ឌិតរដ្ឋ ជាម យៀប ចូលរួមកិច្ចប្រជុំអាយប៉ានិងអាស៊ាន នៅប្រទេសហ្វីលីពិន __ ប្រទេសគុយបាអរគុណកម្ពុជា ដែលប្រកាន់ជំហរជំរុញអាមេរិកលុបចោលការហ៊ុមព័ទ្ធសេដ្ឋកិច្ចលើប្រទេសខ្លួន__ សម្តេចអគ្គមហាពញាចក្រី ហេង សំរិន អញ្ជើញចូលរួមពិធីបុណ្យឧទ្ទិសកុសល ប្រគេនព្រះវិញ្ញាណក្ខន្ឋព្រះគ្រូ អតីតចៅអធិការវត្តក្រពើហា__ រដ្ឋសភាកម្ពុជាគាំទ្រការលុបចោលគំនាបសេដ្ឋកិច្ចរបស់អាមេរិកលើប្រទេសគុយបា ៕


ទំព័រមុខ » ព័ត៌មាន » ព័ត៌មានប្រចាំថ្ងៃ » រដ្ឋសភាបានធ្វើលិខិតអន្តរាគមន៍ទៅក្រសួងមហាផ្ទៃ ដើម្បីជួយជំរុញការដោះស្រាយបញ្ហាពលរដ្ឋ ដែលចាញ់បោកក្រុមហ៊ុន(EBC)​
រដ្ឋសភាបានធ្វើលិខិតអន្តរាគមន៍ទៅក្រសួងមហាផ្ទៃ ដើម្បីជួយជំរុញការដោះស្រាយបញ្ហាពលរដ្ឋ ដែលចាញ់បោកក្រុមហ៊ុន(EBC)​
រៀបរៀងដោយ ៖​ NA1472 ​ នៅថ្ងៃទី (3/16/2017 9:43:57 PM )

បន្ទាប់ពីបានទទួលញ្ញត្តិសុំអន្តរាគមន៍ពីប្រជាពលរដ្ឋ ក្នុងការទាមទារ​សំណង​ពី​ក្រុមហ៊ុន​មួយ​ឈ្មោះ Empire Big Capital Limited ហៅកាត់ថា (EBC) នោះនៅថ្ងៃទី១៦ ខែមីនា ឆ្នាំ២០១៧នេះ រដ្ឋសភាបានប្រើប្រាស់យន្តការ និងនីតិវិធីរបស់ខ្លួន ដើម្បីជួយជំរុញ ទៅក្រសួងមហាផ្ទៃ អោយជួយរក ដំណោះស្រាយជូនប្រជាពលរដ្ឋរងគ្រោះ។

សូមរម្លឹកថា មានប្រជាពលរដ្ឋ​​ប្រមាណ១០០​នាក់​ បានធ្វើដំណើរមកដល់មុខវិមានរដ្ឋសភា នៅ​ព្រឹកថ្ងៃ​ទី​២៧ ខែកុម្ភៈ ឆ្នាំ២០១៧កន្លងមក ដើម្បីដាក់ ញ្ញត្តិសុំអន្តរាគមន៍ពី សម្តេចអគ្គមហាពញាចក្រី ហេង សំរិន ប្រធាន​រដ្ឋសភា ក្នុងការដោះស្រាយ​ទារ​សំណង ​ពី​ក្រុមហ៊ុន​មួយ​ឈ្មោះ Empire Big Capital Limited ហៅកាត់ថា (EBC)។ ក្រុមហ៊ុន​នេះ ត្រូវបានពលរដ្ឋចោទថា បានបោក​ប្រាក់របស់ពួកគាត់​អស់​ជាច្រើនម៉ឺនដុល្លារ និងមានជនរងគ្រោះ រាប់រយនាក់។

នៅពេលនោះ ឯកឧត្តម ឈាង វុន ប្រធានគណៈកម្មការកិច្ចការបរទេស សហប្រតិបត្តិការ អន្តរជាតិ ឃោសនាការ និងព័ត៌មាន នៃរដ្ឋសភា បានចេញទៅជួបប្រជាពលរដ្ឋនិងទទួលញ្ញត្តិពីពលរដ្ឋ ហើយឯកឧត្ដមបានសន្យាថា នឹងជម្រុញការងារតាមនីតិវិធីរបស់រដ្ឋសភាជូនដល់ប្រជាពលរដ្ឋ រងគ្រោះ។

ក្រោយពីបានទទួលញត្តិ ឯកឧត្តម ឈាង វុន បានជម្រុញការងារ ដោយប្រើប្រាស់យន្ដការសភា ដែលមានគណៈកម្មការសិទ្ធិមនុស្ស ទទួលពាក្យ បណ្តឹង អង្កេត និងទំនាក់ទំនងរដ្ឋសភា និងព្រឹទ្ធសភា​ នៃរដ្ឋសភា ជាអ្នកសិក្សារៀបចំធ្វើលិខិតមួយច្បាប់ រួមទាំងឯកសារបណ្តឹងរបស់ប្រជាពលរដ្ឋ តាមរយៈ សម្ដេចអគ្គមហាពញាចក្រី ហេង សំរិន ប្រធានរដ្ឋសភា ដែលសម្ដេចបានចុះហត្ថលេខា នៅថ្ងៃទី១៦ ខែមីនា ឆ្នាំ២០១៧ ផ្ញើជូន សម្ដេច ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ជួយពិនិត្យ និងសម្រេចទៅលើសំណើរបស់ប្រជាពលរដ្ឋទាំងនោះ។

ឯកឧត្តម ឈាង វុន បានឲ្យដឹងដែរថា ក្រៅពីប្រើនីតិវិធីផ្លូវការរបស់រដ្ឋសភាហើយ ឯកឧត្ដមក៏បានយករឿងខាងលើនេះ ពិភាក្សាគ្នាក្រៅផ្លួវការជាមួយ មន្ត្រីនៃស្ថាប័នពាក់ព័ន្ធផ្សេងៗទៀតផងដែរ ដូចជាក្រសួងមហាផ្ទៃ និងក្រសួងយុត្តិធម៌ជាដើម ដើម្បីរិះរកនូវមធ្យោបាយអ្វីខ្លះ ដើម្បីជួយជំរុញឲ្យមាន ដំណោះស្រាយជូនដល់ប្រជាពលរដ្ឋរងគ្រោះទាំងអស់។

ឯកឧត្តមបានបញ្ជាក់ថា ប្រជាពលរដ្ឋ ក៏ត្រូវដាក់ពាក្យបណ្តឹងនេះ ជូនទៅតុលាការផងដែរ ដើម្បីរកខុសត្រូវ ព្រោះការប្តឹងនេះ ជាការចាំបាច់ដែល ប្រជាពលរដ្ឋត្រូវធ្វើដោយខានមិនបាន។

អត្ថបទនិងរូបភាពដោយនាយកដ្ឋានព័ត៌មាន

វិថីរដ្ឋសភា សង្កាត់ទន្លេបាសាក់ ខណ្ឌចំការមន រាជធានីភ្នំពេញ ព្រះរាជាណាចក្រកម្ពុជា
ទូរសព័្ទ ​លេខ: (855-23) 213 535, 220 628 ទូរសារ: (855-23)220 629
សារអេឡិចត្រូនិច: sg@national-assembly.org.kh, sg@nac.org.kh
គេហទំព័រ www.national-assembly.org.kh, www.nac.org.kh