អនុប្រធានសភាឌូម៉ា សហព័ន្ធរុស្ស៊ីសរសើរខ្លឹមសារកិច្ចប្រជុំសមាជិកសភាស្រ្តី APPF នៅកម្ពុជា__ ឯកឧត្ដមបណ្ឌិត ងួន ញ៉ិល បន្តដឹកនាំកិច្ចប្រជុំពេញអង្គវគ្គទី២ នៃកិច្ចប្រជុំAPPF លើកទី២៧ ដោយបន្តការពិភាក្សាលើវិស័យសេដ្ឋកិច្ច និងពាណិជ្ជកម្ម__ សម្តេចអគ្គមហាពញាចក្រី ហេង សំរិន ទទួលជួបពិភាក្សាការងារជាមួយប្រធានរដ្ឋសភាវៀតណាម__ សម្តេចប្រធានរដ្ឋសភាទទួលជួបពិភាក្សាការងារជាមួយអនុប្រធានសភាតំណាងប្រជាជនចិន__ លោកជំទាវ ឃួន សុដារី៖ វត្តមានរបស់គណៈប្រតិភូព្រឹទ្ធសភាសហរដ្ឋម៉ិកស៊ិចនៅពេលនេះ ជាស្ពានផ្សារភ្ជាប់រវាងអាមេរិចឡាទីន និងអាស៊ី-ប៉ាស៊ីហ្វិក__ កិច្ចប្រជុំពេញអង្គលើកទី១នៃកិច្ចប្រជុំAPPF លើកទី២៧ ផ្ដោតការពិភាក្សាគ្នាលើវិស័យនយោបាយ និងសន្តិសុខ__ វេទិកាសភាអាស៊ី-ប៉ាស៊ីហ្វិក លើកទី២៧ បានប្រារព្ធពិធីបើកកិច្ចប្រជុំជាផ្លូវការនៅលើទឹកអង្គរ ខេត្តសៀមរាប__ សម្តេចអគ្គមហាពញាចក្រី ហេង សំរិន៖ កាតព្វកិច្ច APPF បង្កើតចក្ខុវិស័យច្បាស់លាស់មួយ ក្នុងការកសាងសន្តិភាព និងវិបុលភាព សម្រាប់មនុស្សជំនាន់ក្រោយ__ សម្ដេច ហេង សំរិន៖ គោលបំណងរួមរបស់APPF គឺការកសាងតំបន់អាស៊ី-ប៉ាស៊ីហ្វិកឱ្យទៅជាតំបន់មួយដែលមានសុខសន្តិភាព ស្ថិរភាព វឌ្ឍនភាព និងភាពសុខដុមរមនា__ សម្តេចអគ្គមហាពញាចក្រី ហេង សំរិន ផ្តល់អនុសាសន៍មួយចំនួន ដល់សមាជិកសភាស្រ្តី APPF ដើម្បីលើកកម្ពស់សមភាពយ៉េនឌ័រ__ លោកជំទាវ ឃួន សុដារី ទទួលជួបសវនាការជាមួយគណៈប្រតិភូសភាជាន់ខ្ពស់សភាឌូម៉ា នៃសហព័ន្ធរុស្ស៊ី__ ឯកឧត្ដម ឡេង ប៉េងឡុង ផ្ដល់ព័ត៌មានបន្ថែមដល់ក្រុមជំនួយការគណៈប្រតិភូសមាជិក(APPF) ទាំងអស់ អំពីដំណើរការកម្មវិធីនៃកិច្ចប្រជុំ(APPF)លើកទី២៧__ រដ្ឋសភាកម្ពុជាឡាវចុះអនុស្សរណៈយោគយល់ពង្រឹងកិច្ចសហប្រតិបត្តិការ__ សម្តេចអគ្គមហាពញាចក្រី ហេង សំរិន ដឹកនាំកិច្ចប្រជុំគណៈកម្មាធិការប្រតិបត្តិវេទិកាសភាអាស៊ី-ប៉ាស៊ីហ្វិកលើកទី២៧__ គណៈប្រតិភូបរទេសបានអញ្ជើញមកដល់កម្ពុជាបណ្តើរៗហើយ ដើម្បីចូលរួមកិច្ចប្រជុំវេទិកាសភាអាស៊ី-ប៉ាស៊ីហ្វិក លើកទី២៧ (APPF-27)__ អគ្គលេខាធិការដ្ឋានរដ្ឋសភាបួងសួងសូមម្ចាស់ទឹកដីអង្គរឲ្យដំណើរការកិច្ចប្រជុំលើកទី២៧ APPF ប្រព្រឹត្តទៅដោយរលូន និងជោគជ័យ ៕


ទំព័រមុខ » គណៈកម្មការទី៣ » សកម្មភាព » គណៈកម្មការទី៣នៃរដ្ឋសភាចុះសិក្សាស្វែងយល់ពីការងារថែរក្សាបរិស្ថាននៅខេត្តព្រះសីហនុ
គណៈកម្មការទី៣នៃរដ្ឋសភាចុះសិក្សាស្វែងយល់ពីការងារថែរក្សាបរិស្ថាននៅខេត្តព្រះសីហនុ
រៀបរៀងដោយ ៖​ NA1472 ​ នៅថ្ងៃទី (2/24/2017 12:43:29 AM )

បន្ទាប់ពីបញ្ចប់បេសកកម្មនៅខេត្តកោះកុង គណៈប្រតិភូគណៈកម្មការផែនការវិនិយោគ កសិកម្ម អភិវឌ្ឍន៍ជនបទ​ បរិស្ថាន និងធនធានទឹកនៃរដ្ឋសភា ដឹកនាំដោយ ឯកឧត្តម ប៉ុល ហំម ប្រធានគណៈកម្មការ បានអញ្ជើញបន្តដំណើរទៅកាន់ខេត្តព្រះសីហនុ នៅព្រឹកថ្ងៃទី២២ ខែកុម្ភៈ ឆ្នាំ២០១៧ ដើម្បី សិក្សាស្វែងយល់ពីការងារថែរក្សាបរិស្ថាននៅក្នុងខេត្តជាប់មាត់សមុទ្រមួយនេះបន្តទៀត។

នៅក្នុងជំនួបពិភាក្សាការងារ នៅឯសាលាខេត្តជាមួយថ្នាក់ដឹកនាំ និងមន្ត្រីនៃមន្ទីរពាក់ព័ន្ធ នឹងវិស័យទទួលបន្ទុករបស់គណៈកម្មការ ឯកឧត្តម ឈិន សេងងួន អភិបាលស្តីទី ខេត្តព្រះសីហនុ បានជម្រាបជូន គណៈកម្មការរដ្ឋសភា ពីសមិទ្ធផលសំខាន់ៗជាច្រើន ដែលរដ្ឋបាលខេត្តព្រះសីហនុសម្រេច បាន ពិសេសលើការងារគ្រប់គ្រងបរិស្ថានក្នុងក្រុងព្រះសីហនុ។

ឯកឧត្តមអភិបាលស្តីទីខេត្តបានបន្តថា ដោយខេត្តព្រះសីហនុជាខេត្តមានសក្ដានុពលបម្រើដល់វិស័យ​​ទេស​ចរណ៍ ដូច្នេះខេត្តមានការយកចិត្តទុកដាក់ ជាខ្លាំងលើការងារថែរក្សាបរិស្ថាន ការគ្រប់គ្រងសំរាម និងកាកសំណល់ចេញពីរោងចក្រ ព្រមទាំងកាកសំណល់ទីផ្សារ ដោយបានធ្វើការដឹកសំរាម ចេញទៅទីលានចាក់សំរាមជាប្រចាំ។ ឯកឧត្តម ឈិន សេងងួន បន្តថា ទោះបីជាខេត្តបានខិតខំយ៉ាងនេះហើយក្ដី ក៏ខេត្តនៅជួបការលំបាកខ្លះដែរ ដោយហេតុថា ក្រុមហ៊ុនស៊ិនទ្រី ពុំទាន់បានពង្រីកខ្លួន ក្នុងការដឹកសំរាម ឲ្យបានទូលំទូលាយ ទូទាំងខេត្តនៅឡើយទេ ដូចជានៅស្រុកសឹ្ទងហាវ ស្រុកព្រៃនប់ និងស្រុកកំពង់សិលាជាដើម សំរាមត្រូវបានប្រមូល និងដឹកជញ្ជូនចេញបានតែមួយចំនួនប៉ុណ្ណោះ ហើយសំរាមដែលនៅសេសសល់ត្រូវ បានគ្រប់គ្រងជាលក្ខណៈគ្រួសារ និងសហគមន៍ ដោយសំអាត និងកប់នៅនឹងកន្លែងតែម្ដង។

ឯកឧត្តមអភិបាលស្តីទីខេត្តព្រះសីហនុបានបន្ថែមថា អាជ្ញាធរខេត្តក៏បានបង្កើតយុទ្ធនាការ សំអាតអនា​ម័យបរិស្ថាន ជាមួយអាជ្ញាធរថ្នាក់ក្រោមជាតិ ជាប្រចាំ ដោយបានចុះណែនាំដល់អាជីវករ ឱ្យទុកដាក់និងវេចខ្ចប់សំរាមតាមតូបនីមួយៗឲ្យបានត្រឹមត្រូវ។ ម៉្យាងទៀត ខេត្តតែងបានចុះពិនិត្យពីការ បំពុលបរិស្ថាន នៅតាមបណ្តារោងចក្រនានា ដោយត្រួតពិនិត្យ ទៅលើកាកសំណល់រឹង-រាវ ក្នុងគោលដៅពង្រឹងដល់ការទុកដាក់សំរាម និងបញ្ចេញ កាកសំណល់រឹង-រាវ ឲ្យបានត្រឹមត្រូវចៀសវាងមានការប៉ះពាល់ដល់បរិស្ថាន។

បន្ទាប់ពីបានស្ដាប់ នូវការរាយការណ៍យ៉ាងក្បោះក្បាយរបស់អាជ្ញាធរ ក៏ដូចជាមន្ទីរពាក់ព័ន្ធក្នុងខេត្តព្រះសីហនុរួចមក ឯកឧត្តម ប៉ុល​ ហំមប្រធាន គណៈកម្មការទី៣នៃរដ្ឋសភា បានមានប្រសាសន៍កោតសរសើរ​ ចំពោះ​អាជ្ញាធរខេត្តគ្រប់លំដាប់ថ្នាក់ ដែលបានខិតខំប្រឹងប្រែង បំពេញការងារដោយ បានធ្វើការផ្សព្វផ្សាយពន្យល់និងបំផុសគំនិតប្រជាពលរដ្ឋឲ្យបាន​យល់​ដឹងអំពីការថែរក្សាបរិស្ថាន ឲ្យចេះសំអាតអនាម័យ ទុកដាក់និងការវេចខ្ចប់សំរាម ឲ្យបានត្រឹមត្រូវ។

បន្ទាប់មក ឯកឧត្តម ប៉ុល ហំម និងគណៈប្រតិភូក៏បានចុះពិនិត្យមើលស្ថានីយ៍ច្រោះសំអាតទឹកកាកសំណល់ និងចុះមើលទីតាំងដុតសំរាមដែលស្ថិត នៅតំបន់ទំនប់រលកនៃក្រុងព្រះសីហនុផងដែរ។

អត្ថបទនិងរូបភាពដោយនាយកដ្ឋានព័ត៌មាន