អនុប្រធានសភាឌូម៉ា សហព័ន្ធរុស្ស៊ីសរសើរខ្លឹមសារកិច្ចប្រជុំសមាជិកសភាស្រ្តី APPF នៅកម្ពុជា__ ឯកឧត្ដមបណ្ឌិត ងួន ញ៉ិល បន្តដឹកនាំកិច្ចប្រជុំពេញអង្គវគ្គទី២ នៃកិច្ចប្រជុំAPPF លើកទី២៧ ដោយបន្តការពិភាក្សាលើវិស័យសេដ្ឋកិច្ច និងពាណិជ្ជកម្ម__ សម្តេចអគ្គមហាពញាចក្រី ហេង សំរិន ទទួលជួបពិភាក្សាការងារជាមួយប្រធានរដ្ឋសភាវៀតណាម__ សម្តេចប្រធានរដ្ឋសភាទទួលជួបពិភាក្សាការងារជាមួយអនុប្រធានសភាតំណាងប្រជាជនចិន__ លោកជំទាវ ឃួន សុដារី៖ វត្តមានរបស់គណៈប្រតិភូព្រឹទ្ធសភាសហរដ្ឋម៉ិកស៊ិចនៅពេលនេះ ជាស្ពានផ្សារភ្ជាប់រវាងអាមេរិចឡាទីន និងអាស៊ី-ប៉ាស៊ីហ្វិក__ កិច្ចប្រជុំពេញអង្គលើកទី១នៃកិច្ចប្រជុំAPPF លើកទី២៧ ផ្ដោតការពិភាក្សាគ្នាលើវិស័យនយោបាយ និងសន្តិសុខ__ វេទិកាសភាអាស៊ី-ប៉ាស៊ីហ្វិក លើកទី២៧ បានប្រារព្ធពិធីបើកកិច្ចប្រជុំជាផ្លូវការនៅលើទឹកអង្គរ ខេត្តសៀមរាប__ សម្តេចអគ្គមហាពញាចក្រី ហេង សំរិន៖ កាតព្វកិច្ច APPF បង្កើតចក្ខុវិស័យច្បាស់លាស់មួយ ក្នុងការកសាងសន្តិភាព និងវិបុលភាព សម្រាប់មនុស្សជំនាន់ក្រោយ__ សម្ដេច ហេង សំរិន៖ គោលបំណងរួមរបស់APPF គឺការកសាងតំបន់អាស៊ី-ប៉ាស៊ីហ្វិកឱ្យទៅជាតំបន់មួយដែលមានសុខសន្តិភាព ស្ថិរភាព វឌ្ឍនភាព និងភាពសុខដុមរមនា__ សម្តេចអគ្គមហាពញាចក្រី ហេង សំរិន ផ្តល់អនុសាសន៍មួយចំនួន ដល់សមាជិកសភាស្រ្តី APPF ដើម្បីលើកកម្ពស់សមភាពយ៉េនឌ័រ__ លោកជំទាវ ឃួន សុដារី ទទួលជួបសវនាការជាមួយគណៈប្រតិភូសភាជាន់ខ្ពស់សភាឌូម៉ា នៃសហព័ន្ធរុស្ស៊ី__ ឯកឧត្ដម ឡេង ប៉េងឡុង ផ្ដល់ព័ត៌មានបន្ថែមដល់ក្រុមជំនួយការគណៈប្រតិភូសមាជិក(APPF) ទាំងអស់ អំពីដំណើរការកម្មវិធីនៃកិច្ចប្រជុំ(APPF)លើកទី២៧__ រដ្ឋសភាកម្ពុជាឡាវចុះអនុស្សរណៈយោគយល់ពង្រឹងកិច្ចសហប្រតិបត្តិការ__ សម្តេចអគ្គមហាពញាចក្រី ហេង សំរិន ដឹកនាំកិច្ចប្រជុំគណៈកម្មាធិការប្រតិបត្តិវេទិកាសភាអាស៊ី-ប៉ាស៊ីហ្វិកលើកទី២៧__ គណៈប្រតិភូបរទេសបានអញ្ជើញមកដល់កម្ពុជាបណ្តើរៗហើយ ដើម្បីចូលរួមកិច្ចប្រជុំវេទិកាសភាអាស៊ី-ប៉ាស៊ីហ្វិក លើកទី២៧ (APPF-27)__ អគ្គលេខាធិការដ្ឋានរដ្ឋសភាបួងសួងសូមម្ចាស់ទឹកដីអង្គរឲ្យដំណើរការកិច្ចប្រជុំលើកទី២៧ APPF ប្រព្រឹត្តទៅដោយរលូន និងជោគជ័យ ៕


ទំព័រមុខ » គណៈកម្មការទី៣ » សកម្មភាព » ខេត្តកោះកុងបង្កើតតំបន់អភិរក្សធម្មជាតិចំនួន៩កន្លែង ដោយមានការចូលរួមពីប្រជាពលរដ្ឋយ៉ាងសកម្ម
ខេត្តកោះកុងបង្កើតតំបន់អភិរក្សធម្មជាតិចំនួន៩កន្លែង ដោយមានការចូលរួមពីប្រជាពលរដ្ឋយ៉ាងសកម្ម
រៀបរៀងដោយ ៖​ NA1472 ​ នៅថ្ងៃទី (2/22/2017 1:02:04 AM )

ឯកឧត្តម សាយ សុជាតិ អភិបាលស្តីទីខេត្តកោះកុង បានជម្រាបគណៈកម្មការទទួលបន្ទុកវិស័យបរិស្ថានថា ខេត្តជាប់សមុទ្រមួយនេះ បានបង្កើតតំបន់ អភិរក្សចំនួន៩កន្លែង ដោយមានការចូលរួម ពីប្រជាពលរដ្ឋ ដើម្បីថែរក្សាធនធានធម្មជាតិ។ ការលើកឡើង របស់ថ្នាក់ដឹកនាំខេត្តកោះកុងបែបនេះ នៅពេលជួបពិភាក្សាការងារជាមួយប្រតិភូគណៈកម្មការផែនការ វិនិយោគ កសិកម្ម អភិវឌ្ឍន៍ជនបទ​ បរិស្ថាន និងធនធានទឹក នៃរដ្ឋសភា ដឹកនាំដោយ ឯកឧត្តម ប៉ុល ហំម ដែលបានចុះបំពេញបេសកកម្ម សិក្សាស្វែងយល់ពីវិស័យទទួលបន្ទុករបស់គណៈកម្មការនៅក្នុងខេត្តកោះកុង នាថ្ងៃទី២១ ខែកុម្ភៈ ឆ្នាំ២០១៧។

ឯកឧត្តមអភិបាលខេត្តស្តីទីបានឲ្យដឹងទៀតថា ជាមួយការបង្កើត តំបន់អភិរក្សទំាងនោះហើយ អាជ្ញាធរបានចុះអប់រំ ផ្សព្វផ្សាយ ដល់ប្រជាពលរដ្ឋ ក្នុងសហគមន៍ពីបច្ចេកទេសណែនាំភ្ញៀវរៀបចំតំបន់ទេសចរណ៍ធម្មជាតិ ដើម្បីឲ្យពួកគាត់ទទួលបានចំណូលពីវិស័យទេសចរណ៍ ក្នុងការទ្រទ្រង់ជីវភាព គ្រួសារ។ ជាមួយគ្នានេះអាជ្ញាធរខេត្តក៏បានលើកឡើងថា ខេត្តកំពុងជួបការលំបាកក្នុងការខ្វះធនធានមនុស្សផ្នែកបរិស្ថាន ដើម្បីបំពេញការងារផងដែរ។

ទាក់ទងវិស័យកសិកម្មវិញ ឯកឧត្តមអភិបាលខេត្តស្តីទីបានលើកឡើងថា ខេត្តបានដាក់ចេញនូវទិសដៅ ចុះតាមដានការអនុវត្ត សកម្មភាពអភិវឌ្ឍន៍ របស់បណ្តាក្រុមហ៊ុនដែលបានដីសម្បទានសេដ្ឋកិច្ច។ ជាមួយគ្នានេះ ខេត្តបានផ្សព្វផ្សាយពីបច្ចេកទេសកសិកម្ម និងការប្រមូលផលដល់ប្រជាពលរដ្ឋ ដើម្បីធ្វើយ៉ាងណាជំរុញដល់ការដាំដុះប្រកបដោយគុណភាព និងបរិមាណផងដែរ។

ឯកឧត្តម សាយ សុជាតិ បានមានប្រសាសន៍បន្តថា ដោយសារតែខេត្តកោះកុងនៅជាប់នឹងប្រទេសថៃ ដូច្នេះអាជ្ញាធរមានសមត្ថកិច្ច តែងតែចុះពិនិត្យ គុណភាព សុវត្ថិភាព ចំណីអាហារនៅលើទីផ្សារជាប្រចំា។

ឯកឧត្តម ប៉ុល ហំម បានសម្តែងការកោតសរសើរចំពោះអាជ្ញាធរខេត្តកោះកុង ដែលបានខិតខំថែរក្សាបរិស្ថាន និងការលើកកម្ពស់ជីវភាពប្រជាពលរដ្ឋ។ ឯកឧត្តមលើកឡើងថា ចំពោះការខ្វះខាតរបស់ខេត្ត ឯកឧត្តមនឹងពាំនាំបញ្ហាទៅជម្រាបជូន សម្តេចអគ្គមហាពញាចក្រី ហេង សំរិន ប្រធានរដ្ឋសភា ដើម្បីសម្តេចធ្វើអន្តរាគមន៍តាមនីតិវិធី។

សូមជម្រាបថា ឯកឧត្តម ប៉ុល ហំម បានដឹកនាំប្រតិភូគណៈកម្មការ ផែនការ វិនិយោគ កសិកម្ម អភិវឌ្ឍន៍ជនបទ បរិស្ថាន និងធនធានទឹក នៃរដ្ឋសភា ចុះសិក្សាស្វែងយល់ការងារក្នុងវិស័យគណៈកម្មការទទួលបន្ទុកនៅខេត្តមួយចំនួននៅភាគនិរតីនៃប្រទេស៕

អត្ថបទនិងរូបភាពដោយនាយកដ្ឋានព័ត៌មាន