សមាជិកសភាតំបន់អាស៊ី២៥ប្រទេស នឹងចូលរួមកិច្ចប្រជុំក្រុមប្រឹក្សាប្រតិបត្តិ ដែលសភាកម្ពុជាធ្វើជាម្ចាស់ផ្ទះនៅដើមខែតុលាខាងមុខនេះ__ សេចក្តីជូនដំណឹង ស្តីពីសភានៃព្រះរាជាណាចក្រកម្ពុជា ទទួលធ្វើជាម្ចាស់ផ្ទះរៀបចំកិច្ចប្រជុំក្រុមប្រឹក្សាប្រតិបត្តិលើកទី១ នៃមហាសន្និបាតលើកទី១ របស់សភាតំបន់ស៊ី នៅរាជធានីភ្នំពេញ__ សេចក្តីប្រកាសព័ត៌មាន ស្តីពី លទ្ធផលនៃកិច្ចប្រជុំគណៈកម្មាធិការអចិន្ត្រៃយ៍នៃរដ្ឋសភា ថ្ងៃអង្គារ ទី២៦ ខែកញ្ញា ឆ្នាំ២០១៧__ គណៈកម្មាធិការអចិន្ត្រៃយ៍រដ្ឋសភា ប្រជុំសម្រេចរបៀបវារៈចំនួនបី នាព្រឹកថ្ងៃទី២៦ ខែកញ្ញា ឆ្នាំ២០១៧ អគ្គលេខាធិការដ្ឋានរដ្ឋសភា ប្រជុំពិនិត្យការងារត្រៀមរៀបចំកិច្ចប្រជុំក្រុមប្រឹក្សាប្រតិបត្តិលើកទី១ នៃសភាតំបន់អាស៊ី( APA ) ដែលសភាកម្ពុជាធ្វើជាម្ចាស់ផ្ទះ ៕


ទំព័រមុខ » គណៈកម្មការទី១០ » សកម្មភាព » គណៈកម្មការប្រឆាំងអំពើពុករលួយរដ្ឋសភាកម្ពុជា រកឃើញចំនុចវិជ្ជមានមួយចំនួនរបស់ប្រទេសម៉ាឡេស៊ី ក្នុងការប្រយុទ្ធប្រឆំាងអំពើពុករលួយ
គណៈកម្មការប្រឆាំងអំពើពុករលួយរដ្ឋសភាកម្ពុជា រកឃើញចំនុចវិជ្ជមានមួយចំនួនរបស់ប្រទេសម៉ាឡេស៊ី ក្នុងការប្រយុទ្ធប្រឆំាងអំពើពុករលួយ
រៀបរៀងដោយ ៖​ NA1472 ​ នៅថ្ងៃទី (1/25/2017 6:35:33 PM )

ក្រោយពីបានបញ្ចប់ដំណើរទស្សនកិច្ច រយៈពេលបួនថ្ងៃនៅប្រទេសម៉ាឡេស៊ី ក្នុងការសិក្សាស្វែងយល់ ពីការប្រឆំាងអំពើពុករលួយ នៅក្នុងប្រទេស សមាជិកអាស៊ានមួយនេះ គណៈប្រ​តិ​ភូ​គណៈកម្មការអង្កេត បោសសំអាត និងប្រឆាំងអំពើពុករលួយ នៃរដ្ឋសភាកម្ពុជា បានរកឃើញ​ចំនុចជាវិជ្ជមាន មួយចំនួនរបស់ប្រទេសនេះ នៅក្នុងកិច្ចការប្រយុទ្ធប្រឆំាងអំពើពុករលួយ។

ឯកឧត្តម ហូរ វ៉ាន់ ប្រធានគណៈកម្មការអង្កេត បោសសំអាត និងប្រឆាំងអំពើពុករលួយ រដ្ឋសភាកម្ពុជា បានដឹកនាំ សមាជិក សមាជិកា ទៅបំពេញ ទស្សនកិច្ចនៅប្រទេសម៉ាឡេស៊ី ពីថ្ងៃទី២២ ខែមករា ឆ្នាំ២០១៧មក។ នៅរសៀលថ្ងៃទី២៥ ខែមករានេះ គណៈប្រតិភូ បានធ្វើមាតុភូមិនិ​វត្តន៍មកកាន់ មាតុប្រទេសវិញដោយសុវត្ថិភាព ជាមួយការពាំនាំនូវបទពិសោធន៍មួយចំនួន ក្នុងការប្រឆំាងអំពើពុករលួយពីប្រទេសម៉ាឡេស៊ី មកកម្ពុជាវិញ។

ឯកឧត្តម ហូរ វ៉ាន់ បានមានប្រសាសន៍ឲ្យដឹងថា នៅម៉ាឡេស៊ី អង្គភាពប្រឆំាងអំពើពុករលួយរបស់គេ មានកិច្ចសហការល្អជាមួយគណៈកម្មការជំនាញ រដ្ឋសភា និងព្រឹទ្ធសភា ព្រមទាំងនាយកដ្ឋាន អង្គភាពពាក់ព័ន្ធផ្សេងទៀត។ ឯកឧត្តមបានគូសបញ្ជាក់ថា កិច្ចសហការល្អ រវាងអង្គភាពប្រឆំាង​អំពើ ពុករលួយ និងស្ថាប័ននីតិប្បញ្ញត្តិនេះ ជាចំនុចពិសេសមួយ ក្នុងការ​ប្រឆំាងអំពើពុករលួយមានប្រសិទ្ធិភាព។ អង្គភាពប្រឆំាងអំពើពុករលួយនៅប្រទេស ម៉ាឡេស៊ី មានមន្រ្តីបម្រើការប្រហែល២ ០០០នាក់។

ជាមួយគ្នានេះ គណៈប្រតិភូរដ្ឋសភាកម្ពុជា ក៏បានមើលឃើញថា ប្រទេសម៉ាឡេស៊ីបានធ្វើការកែ​ប្រព័ន្ធប្រឆំាងអំពើពុករលួយរបស់គេ ដែលមានតំាងពី ឆ្នាំ១៩៥៧មកចំនួនបីដង។ ការ​កែទម្រង់ចុងក្រោយគឺ មានលក្ខណៈវិទ្យាសាស្រ្ត ហើយការអនុវត្តច្បាប់ប្រឆំាងអំពើពុករលួយ របស់​ប្រទេសនេះកាន់តែ មានភាពល្អប្រសើរឡើង តាមការវាយតម្លៃរបស់អង្គការតម្លាភាព​អន្តរជាតិ​។

ឯកឧត្តម ហូរ វ៉ាន់ បានមានប្រសាសន៍ថា ស្ថាប័ននីតិប្បញ្ញត្តិប្រទេសម៉ាឡេស៊ី និងអង្គភាពប្រឆាំងអំពើពុករលួយរបស់ប្រទេសនេះ បានសន្យាថានឹង ជួយរៀបចំសិក្ខាសាលាមួយនៅកម្ពុជា ដោយសហការជាមួយ គណៈកម្មការអង្កេត បោសសំអាត និងប្រឆាំងអំពើពុករលួយ របស់រដ្ឋសភាកម្ពុជា ដើម្បីចែករំលែកបទពិសោធន៍ពីគ្នាទៅវិញទៅមក៕

អត្ថបទនិងរូបភាពដោយនាយកដ្ឋានព័ត៌មាន

វិថីរដ្ឋសភា សង្កាត់ទន្លេបាសាក់ ខណ្ឌចំការមន រាជធានីភ្នំពេញ ព្រះរាជាណាចក្រកម្ពុជា
ទូរសព័្ទ ​លេខ: (855-23) 213 535, 220 628 ទូរសារ: (855-23)220 629
សារអេឡិចត្រូនិច: sg@national-assembly.org.kh, sg@nac.org.kh
គេហទំព័រ www.national-assembly.org.kh, www.nac.org.kh