សមាជិករដ្ឋសភាទើបទទួលសុពលភាពចូលសច្ចាប្រណិធានក្នុងព្រះបរមរាជវាំង__ សេចក្តីប្រកាសព័ត៌មាន ស្តីពីលទ្ធផលសម័យប្រជុំរដ្ឋសភាលើកទី១​ នីតិកាលទី៦ ថ្ងៃពុធ​ ទី១៩​ ខែកញ្ញា​ ឆ្នាំ២០១៨__ រដ្ឋសភាបានប្រកាសសុពលភាពអាណត្តិតំណាងរាស្រ្តចំនួន៣៨រូបជំនួសតំណាងរាស្រ្ត​ ដែលបានលាឈប់__ សេចក្តីជូនដំណឹង ស្តីពី រដ្ឋសភានៃព្រះរាជាណាចក្រកម្ពុជា នឹងបន្តសម័យប្រជុំលើកទី១ នីតិកាលទី៦ នៅថ្ងៃពុធ ១០កើត ខែភទ្របទ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី១៩ ខែកញ្ញា ឆ្នាំ២០១៨__ សេចក្តីប្រកាសព័ត៌មាន ស្តីពីលទ្ធផលនៃកិច្ចប្រជុំគណៈកម្មាធិការ​អចិន្ត្រៃយ៍នៃរដ្ឋសភា ថ្ងៃចន្ទ ទី១៧ ខែកញ្ញា ឆ្នាំ២០១៨ ៕


ទំព័រមុខ » គណៈកម្មការទី៨ » សកម្មភាព » លោកជំទាវ កែ សុវណ្ណរតន៍ ជម្រុញឲ្យអាជ្ញាធរខេត្តព្រះសីហនុយកចិត្តទុកដាក់ ត្រួតពិនិត្យការលក់ឱសថនៅតាមគ្លីនិកឯកជន
លោកជំទាវ កែ សុវណ្ណរតន៍ ជម្រុញឲ្យអាជ្ញាធរខេត្តព្រះសីហនុយកចិត្តទុកដាក់ ត្រួតពិនិត្យការលក់ឱសថនៅតាមគ្លីនិកឯកជន
រៀបរៀងដោយ ៖​ NA0989 ​ នៅថ្ងៃទី (8/24/2016 8:50:27 PM )

បន្ទាប់ពីបានបញ្ចប់បេសកកម្មនៅកំពង់ស្ពឺ និងខេត្តកោះកុងរួចមក គណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ ​​បណ្តុះ បណ្តាលវិជ្ជាជីវៈ និងកិច្ចការនារីនៃរដ្ឋសភាដឹកនាំដោយ លោកជំទាវ កែសុវណ្ណរតន៍ ប្រធានគណៈកម្មការបានចុះបំពេញបេសកកម្មនៅខេត្តព្រះសីហនុ ជាបន្តទៀតនៅព្រឹកថ្ងៃទី១៧ ខែសីហា ឆ្នាំ២០១៦។

នៅក្នុងកិច្ចសំណេះសំណាលជាមួយអាជ្ញាធរខេត្តព្រះសីហនុ លោកជំទាវ កែ សុវណ្ណរតន៍ ប្រធានគណៈប្រតិភូបានជំរុញឲ្យអាជ្ញាធរខេត្តព្រះសីហនុ យកចិត្តទុកដាក់ត្រួតពិនិត្យការលក់ឱសថនៅតាមគ្លីនិក​ឯកជន និងបានជម្រាបជូនពីគោលបំណងនៃការចុះបំពេញបេសកកម្មរបស់គណៈកម្មការទី៨​នៃរដ្ឋសភានៅខេត្តព្រះសីហនុ គឺដើម្បីតាមដានត្រួតពិនិត្យការអនុវត្តច្បាប់ របស់មន្ទីរជំនាញនានា ដែលស្ថិតនៅក្រោមវិស័យទទួលខុសត្រូវរបស់ គណៈកម្មការ និងចង់ដឹងពីបញ្ហាប្រឈមនានាដែលមន្ទីរជំនាញបានជួបប្រទះនាពេលកន្លងមក។

លោកជំទាវ ហៀក ហ៊ីមុល្លី អភិបាលរងខេត្តព្រះសីហនុ និងលោកលោកស្រីជាប្រធានមន្ទីរជំនាញនានាបានជម្រាបជូន លោកជំទាវប្រធាន គណៈប្រតិភូអំពីសកម្មភាពការងារមួយចំនួន ដែលអាជ្ញាធរខេត្តបានសហការជាមួយមន្ទីរជំនាញ អនុវត្តការងារទៅតាមនីតិវិធី និងតាមជំនាញវិស័យ រៀងៗខ្លួន ដោយបានចុះធ្វើអធិការកិច្ចត្រួតពិនិត្យតាមដាន និងជម្រុញការអនុវត្តច្បាប់ និងការផ្តល់នូវសេវាសុខាភិបាលជូនប្រជាពលរដ្ឋ។ ចំពោះបញ្ហា ប្រឈមរបស់វិស័យសុខាភិបាលនៅខេត្តព្រះសីហនុវិញ គឺបច្ចុប្បន្នមានប្រជាពលរដ្ឋក្រីក្រខ្លះ គ្មានមធ្យោបាយមកទទួលយកសេវាសាធារណៈការយល់ ដឹងរបស់ប្រជាពលរដ្ឋនៅមានកម្រិតទាប ក្នុងការមកទទួលសេវាសាធារណៈ ការមកទទួលយកសេវាថែទាំសុខភាពមាតានិងទារក មុននិងក្រោយ សម្រាលពុំបានតាមការកំណត់របស់គ្រូពេទ្យ ស្ត្រីមានផ្ទៃពោះនៅតាមរោងចក្រ មកពិនិត្យសុខភាពមិនបានគ្រប់ចំនួនតាមការណាត់របស់គ្រូពេទ្យ ស្ត្រី មានផ្ទៃពោះនៅតំបន់ដាច់ស្រយាលនៅតែបន្តការសម្រាលកូនជាមួយឆ្មប​បូរាណ រីឯការលក់ឱសថនៅតាមគ្លីនិកឯកជន អាជ្ញាធរក៏បានយកចិត្តទុកដាក់ អនុវត្តទៅតាមសារាចរណែនាំរបស់រាជរដ្ឋាភិបាល និងបានចុះពិនិត្យជាប្រចាំនៅគ្លីនិកទាំងនោះ។

ចំពោះវិស័យការងារបណ្តុះបណ្តាលវិជ្ជាជីវៈ និងកិច្ចការនារី លោកជំទាវអភិបាលរងខេត្តព្រះសីហនុក៏ដូចជាលោកលោកស្រីជាប្រធានជំនាញនានា បានរាយការណ៍យ៉ាងក្បោះក្បាយជូន លោកជំទាវ ប្រធានគណៈកម្មការ និងសមាជិកគណៈប្រតិភូរួមដំណើរទាំងអស់បានជ្រាបផងដែរ។

ក្រោយពីបានស្តាប់របាយការណ៍ និងបញ្ហាប្រឈមរបស់អាជ្ញាធរខេត្ត ក៏ដូចជាមន្ទីរជំនាញនានារួចមក​ លោកជំទាវ កែ សុវណ្ណរតន៍ ប្រធានគណៈប្រតិភូ បានថ្លែងអំណរគុណចំពោះអាជ្ញាធរ និងមន្ទីរពាក់ព័ន្ធដែលបានខិតខំយកចិត្តទុកដាក់ផ្តល់សេវាសាធារណៈជូនប្រជាពលរដ្ឋ រួមទាំងការចុះត្រួតពិនិត្យ ការលក់ឱសថនៅតាមគ្លីនិកឯកជនជាប្រចាំ។ លោកជំទាវប្រធាន មានប្រសាសន៍បន្តថា ចំពោះបញ្ហាប្រឈមដែលមន្ទីរជំនាញបានលើកឡើង គណៈកម្មការនឹងពាំនាំយកទៅពិភាក្សាជាមួយក្រសួងសាមី ដើម្បីរកមធ្យោបាយជួយដោះស្រាយជូន។ បន្ទាប់មកគណៈប្រតិភូគណៈកម្មការទី៨ នៃរដ្ឋសភាក៏បានអញ្ជើញ​ទៅសាកសួរសុខទុក្ខក្មួយៗកុមារកំព្រានៅមជ្ឈមណ្ឌលបូរីក្មេងកំព្រាក្រុងព្រះសីហនុ ដោយបាននាំយកនំកញ្ចប់ទឹកក្រូច និង ថវិកាចំនួន៤០ម៉ឺនរៀល ទៅឧបត្ថម្ភដល់មជ្ឈមណ្ឌលនោះផងដែរ៕

អត្ថបទនិងរូបភាពនាយកដ្ឋានព័ត៌មាន