រដ្ឋសភាកម្ពុជា​ នឹងបន្តសម្របសម្រួលពង្រឹងកិច្ចសហប្រតិបត្តិការក្នុងស្មារតីនៃវិបុលភាព និងការប្រើប្រាស់ទឹកប្រកបដោយចីរភាព__ ឯកឧត្តមកិត្តិសេដ្ឋាបណ្ឌិត ជាម យៀប អញ្ជើញជាអធិបតីភាពបើកសិក្ខាសាលា​ ស្តីពីចក្ខុវិស័យទឹក៖​ ទស្សនវិស័យពីកម្ពុជា__ សេចក្តីជូនដំណឹង​ អគ្គលេខាធិការដ្ឋានរដ្ឋសភា__ សេចក្តីប្រកាសព័ត៌មាន ស្តីពីលទ្ធផលនៃកិច្ចប្រជុំគណៈកម្មាធិការអចិន្ត្រៃយ៍រដ្ឋសភា នាព្រឹកថ្ងៃព្រហស្បតិ៍ ទី១៨ ខែមេសា ឆ្នាំ២០២៤ ៕ សម្តេចរដ្ឋសភាធិការធិបតី ឃួន សុដារី ដឹកនាំគណៈប្រតិភូរដ្ឋសភាកម្ពុជា ចូលរួមពិធីបើកកិច្ចប្រជុំកំពូលប្រធានសភាជាស្រ្តីពិភពលោកជាផ្លូវការនៅវិមានរដ្ឋសភាបារាំង__ តំណាងរាស្រ្តនៃប្រទេសទាំងពីរគាំទ្រក្នុងការជំរុញទំនាក់ទំនងរវាងប្រជាជននិងប្រជាជនពិតជាសំខាន់ណាស់ ៕

ទំព័រមុខ » គណៈកម្មការទី៧ » សកម្មភាព » រដ្ឋមន្ត្រីក្រសួងវប្បធម៌ និងវិចិត្រសិល្បៈ ជម្រាបជូនគណៈកម្មការរដ្ឋសភាអំពីលទ្ធផលការងារកន្លងមក និងផែនការសកម្មភាពរបស់ក្រសួង សម្រាប់នីតិកាលទី៧នៃរដ្ឋសភា
រដ្ឋមន្ត្រីក្រសួងវប្បធម៌ និងវិចិត្រសិល្បៈ ជម្រាបជូនគណៈកម្មការរដ្ឋសភាអំពីលទ្ធផលការងារកន្លងមក និងផែនការសកម្មភាពរបស់ក្រសួង សម្រាប់នីតិកាលទី៧នៃរដ្ឋសភា
រៀបរៀងដោយ ៖​ NARA1472 ​ នៅថ្ងៃទី (1/19/2024 12:56:52 AM )
លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ នៅព្រឹកថ្ងៃទី១៩ ខែមករា ឆ្នាំ២០២៤នេះ បានដឹកនាំសហការីមកកាន់វិមានរដ្ឋសភា ដើម្បីជម្រាបជូនគណៈកម្មការអប់រំ យុវជន កីឡា ធម្មការ សាសនា វប្បធម៌ វិចិត្រសិល្បៈ និងទេសចរណ៍ (គណៈកម្មការទី៧) នៃរដ្ឋសភា ដែលមាន ឯកឧត្តម ប៉ា សុជាតិវង្ស ប្រធានគណៈកម្មការ ស្តីពីផែនការយុទ្ធសាស្ត្ររបស់ក្រសួង ស្របតាមយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាល នីតិកាលទី៧ នៃរដ្ឋសភា។

លោកជំទាវបណ្ឌិតសភាចារ្យ ភឿង សកុណា បានជម្រាបជូនគណៈកម្មការរដ្ឋសភាថា ក្រសួងវប្បធម៌ និងវិចិត្រសិល្បៈ បានសម្រេចនូវសមិទ្ធផលធំៗជាច្រើន ជាពិសេសនៅក្នុងអាណត្តិរបស់រាជរដ្ឋាភិបាលកម្ពុជានីតិកាលទី៦ នៃរដ្ឋសភា កន្លងទៅ ក្រោមការដឹកនាំប្រកបដោយគតិបណ្ឌិត និងចក្ខុវិស័យវែងឆ្ងាយរបស់ សម្ដេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រីនៃព្រះរាជាណាចក្រកម្ពុជា

ក្រសួងវប្បធម៌ និងវិចិត្រសិល្បៈ នឹងបន្តកិច្ចខិតខំប្រឹងប្រែងអនុវត្តនូវតួនាទីភារកិច្ចរបស់ខ្លួន ឱ្យស្របតាមទិសស្លោក "កម្ពុជា ព្រះរាជាណាចក្រ នៃវប្ប​ធម៌" និងក្រោមបាវចនានៃយុទ្ធសាស្ត្របញ្ចកោណ កំណើន ការងារ សមធម៌ ប្រសិទ្ធភាព និងចីរភាព ដើម្បីជាមូលដ្ឋានគ្រឹះឆ្ពោះទៅសម្រេចឱ្យបានចក្ខុវិស័យកម្ពុជាឆ្នាំ២០៥០ ក្រោមការដឹកនាំដ៏ខ្ពង់ខ្ពស់របស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា

លោកជំទាវរដ្ឋមន្ត្រី បានលើកឡើងនូវទិសដៅត្រូវអនុវត្តបន្ត ក្រសួងមានចក្ខុវិស័យ គោលបំណង គោលដៅ និងយុទ្ធសាស្ត្រ សម្រាប់វិស័យវប្បធម៌ជាតិច្បាស់លាស់។ ក្រសួងបានអភិរក្ស និងអភិវឌ្ឍន៍វប្បធម៌ជាតិ ដើម្បីរួមចំណែកអភិវឌ្ឍន៍សេដ្ឋកិច្ចសង្គម លើកកម្ពស់ការអភិរក្ស និងអភិវឌ្ឍន៍វប្បធម៌ជាតិប្រកបដោយចីរភាព និងបរិយាបន្ន ពង្រឹងតួនាទីវប្បធម៌នៅក្នុងការធ្វើពិពិធកម្មសេដ្ឋកិច្ចជាតិ បង្កើនអំណាចទន់ និងមុខមាត់របស់ជាតិ (Soft Power and National Braanding) ថែរក្សា ការពារ និងគ្រប់គ្រងបេតិកភណ្ឌវប្បធម៌ជាតិ ពង្រីកការផ្សព្វផ្សាយសិល្បៈវប្បធម៌ និងអត្តសញ្ញាណជាតិ លើកស្ទួយ និងការជំរុញឧស្សាហកម្មវប្បធម៌ និងច្នៃប្រឌិត ពង្រឹង និងពង្រីកការអប់រំ និងការបណ្តុះបណ្តាលសិល្បៈវប្បធម៌។

ឯកឧត្តម ប៉ា សុជាតិវង្ស ប្រធានគណៈកម្មការទី៧ នៃរដ្ឋសភា បានវាយតម្លៃខ្ពស់ចំពោះកិច្ចខិតខំប្រឹងប្រែងបំពេញការងាររបស់ក្រសួងក្រោមការដឹក​នាំផ្ទាល់របស់ លោកជំទាវបណ្ឌិតសភាចារ្យ ដោយបានសម្រេចនូវសមិទ្ធផលសំខាន់ៗជាច្រើន ក្នុងក្របខណ្ឌវិស័យវប្បធម៌ និងវិចិត្រសិល្បៈ ដែលបានរួមចំណែកយ៉ាងធំធេងក្នុងការអភិរក្ស ការលើកស្ទួយ និងការអភិវឌ្ឍវប្បធម៌ជាតិ។

ឯកឧត្តមប្រធានគណៈកម្មការទី៧នៃរដ្ឋសភា ក៏បានបង្ហាញនូវក្តីសង្ឃឹម និងជំនឿជឿជាក់យ៉ាងមុតមាំថា តាមរយៈទិសដៅជាយុទ្ធសាស្ត្រ និងផែនការ សកម្មភាពជាអាទិភាពដែលក្រសួងបានដាក់ចេញ សម្រាប់នីតិកាលទី៧នៃរដ្ឋសភា នឹងធ្វើឱ្យវិស័យវប្បធម៌ និងវិចិត្រសិល្បៈ ដើរតួនាទីកាន់តែសំខាន់ ថែមទៀត ក្នុងដំណើរការទ្រទ្រង់អត្តសញ្ញាណជាតិ។
 
អត្ថបទ និងរូបភាព ដោយនាយកដ្ឋានព័ត៌មាន