រដ្ឋសភាកម្ពុជា​ នឹងបន្តសម្របសម្រួលពង្រឹងកិច្ចសហប្រតិបត្តិការក្នុងស្មារតីនៃវិបុលភាព និងការប្រើប្រាស់ទឹកប្រកបដោយចីរភាព__ ឯកឧត្តមកិត្តិសេដ្ឋាបណ្ឌិត ជាម យៀប អញ្ជើញជាអធិបតីភាពបើកសិក្ខាសាលា​ ស្តីពីចក្ខុវិស័យទឹក៖​ ទស្សនវិស័យពីកម្ពុជា__ សេចក្តីជូនដំណឹង​ អគ្គលេខាធិការដ្ឋានរដ្ឋសភា__ សេចក្តីប្រកាសព័ត៌មាន ស្តីពីលទ្ធផលនៃកិច្ចប្រជុំគណៈកម្មាធិការអចិន្ត្រៃយ៍រដ្ឋសភា នាព្រឹកថ្ងៃព្រហស្បតិ៍ ទី១៨ ខែមេសា ឆ្នាំ២០២៤ ៕ សម្តេចរដ្ឋសភាធិការធិបតី ឃួន សុដារី ដឹកនាំគណៈប្រតិភូរដ្ឋសភាកម្ពុជា ចូលរួមពិធីបើកកិច្ចប្រជុំកំពូលប្រធានសភាជាស្រ្តីពិភពលោកជាផ្លូវការនៅវិមានរដ្ឋសភាបារាំង__ តំណាងរាស្រ្តនៃប្រទេសទាំងពីរគាំទ្រក្នុងការជំរុញទំនាក់ទំនងរវាងប្រជាជននិងប្រជាជនពិតជាសំខាន់ណាស់ ៕

ទំព័រមុខ » គណៈកម្មការទី៨ » សកម្មភាព » គណៈកម្មការសុខាភិបាលនៃរដ្ឋសភា ទទួលជួបពិភាក្សាការងារជាមួយអង្គការមជ្ឈមណ្ឌលប្រជាពលរដ្ឋ ដើម្បីអភិវឌ្ឍន៍ និងសន្តិភាព
គណៈកម្មការសុខាភិបាលនៃរដ្ឋសភា ទទួលជួបពិភាក្សាការងារជាមួយអង្គការមជ្ឈមណ្ឌលប្រជាពលរដ្ឋ ដើម្បីអភិវឌ្ឍន៍ និងសន្តិភាព
រៀបរៀងដោយ ៖​ NARA1472 ​ នៅថ្ងៃទី (1/15/2024 11:55:01 PM )

លោកជំទាវ ឡោក ខេង ប្រធានគណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្ដុះបណ្ដាលវិជ្ជាជីវៈ និងកិច្ចការនារី នៃរដ្ឋសភា (គណៈកម្មការទី៨) និងឯកឧត្តម លោកជំទាវសមាជិក សមាជិកាគណៈកម្មការ បានទទួលជួបពិភាក្សាការងារជាមួយអង្គការមជ្ឈមណ្ឌលប្រជាពលរដ្ឋ ដើម្បី អភិវឌ្ឍន៍ និងសន្តិភាព ដឹកនាំដោយ លោក យង់ គិមអេង និងសហការី ក្នុងគោលបំណងជំរុញ ឲ្យមានគោលនយោបាយដំឡើងពន្ធអាករពិសេសលើស្រាបៀរ និងសុរា ព្រមទាំងពន្លឿនការអនុម័តច្បាប់ស្តីពី ការត្រួតពិនិត្យផលិតផលគ្រឿងស្រវឹងនៅប្រទេសកម្ពុជា  នៅរសៀលថ្ងៃទី១៤  ខែធ្នូ  ឆ្នាំ២០២៣  នៅវិមានរដ្ឋសភា។

លោកជំទាវ ឡោក ខេង បានថ្លែងអំណរគុណចំពោះ តំណាងអង្គការមជ្ឈមណ្ឌលប្រជាពលរដ្ឋដើម្បីអភិវឌ្ឍន៍ និងសន្តិភាព តំណាងអង្គការសម្ព័ន្ធយុវជនដើម្បីឯកភាព និងអភិវឌ្ឍន៍ តំណាងវិទ្យាស្ថានប្រជាធិបតេយ្យកម្ពុជា តំណាងអង្គការសម្ព័ន្ធភាពសិទ្ធិមនុស្សកម្ពុជា ដែលបានឆ្លៀតឱកាសដ៏មានតម្លៃ មកជួបសំណេះសំណាល និងពិភាក្សា រិះរកមធ្យោបាយ ដើម្បីទប់ស្កាត់ផលប៉ះពាល់ នៃការប្រើប្រាស់គ្រឿងស្រវឹង ដែលអាចបង្កឱ្យមានផលប៉ះពាល់ដល់សុខភាពសាធារណៈ អំពើហិង្សាក្នុងគ្រួសារ អំពើរំលោភផ្លូវភេទ គ្រោះថ្នាក់ចរាចរណ៍ និងកើតជំងឺមិនឆ្លងដល់អ្នកទទួលទាន។

លោក យង់ គិមអេង បានមានប្រសាសន៍ថា តាមរបាយការណ៍អង្កេតថ្នាក់ជាតិលើមនុស្សពេញវ័យប្រើប្រាស់ថ្នាំជក់ និងគ្រឿងស្រវឹង ក្នុងឆ្នាំ២០២១ របស់ក្រសួងសុខាភិបាល និងក្រសួងផែនការ ធៀបទៅឆ្នាំ២០២២ បានបង្ហាញថា មានការកើនឡើង និងបង្កឲ្យមានករណីគ្រោះថ្នាក់ ចរាចរណ៍ទូទាំងប្រទេសបានកើនឡើង១៤% បើប្រៀបធៀបនឹងឆ្នាំ២០២១ ដែលភាគច្រើនប្រើប្រាស់គ្រឿងស្រវឹង។
លោក យង់ គិមអេង បានបន្តថា ដើម្បីកាត់បន្ថយគ្រឿងស្រវឹងទាំងអស់នេះ មានយន្តការមួយ ក្នុងចំណោមយន្តការជាច្រើនរបស់អង្គការសុខភាពពិភពលោក គឺការយកពន្ធបន្ថែម លើផលិតផលគ្រឿងស្រវឹង ដែលជាយន្តការមានប្រសិទ្ធភាព ព្រោះថា នៅពេលមានការយកពន្ធគ្រឿងស្រវឹងខ្ពស់ ធ្វើឱ្យតម្លៃលក់រាយមានការកើនឡើង ហើយការប្រើប្រាស់ក៏ថយចុះ គ្រោះថ្នាក់ផ្សេងៗ ក៏មានការថយចុះផងដែរ។

លោកជំទាវ ឡោក ខេង បានមានប្រសាសន៍ថា ទាក់ទងនឹងសុខភាពសាធារណៈ រាជរដ្ឋាភិបាលកម្ពុជា បានខិតខំបង្កើនកញ្ចប់ថវិកាជាតិជាបន្តបន្ទាប់ជារៀងរាល់ឆ្នាំ ហើយនៅក្នុងដំណាក់កាលថ្មីៗនេះ សម្តេចមហាបវរធិបតី ហ៊ុន ម៉ាណែត  នាយករដ្ឋមន្រ្តី នៃព្រះរាជាណាចក្រកម្ពុជា ក៏បានបង្កើនថវិកាសម្រាប់វិស័យសុខាភិបាល ឆ្នាំ២០២៤ រហូតដល់ទៅ ៥៥០លានដុល្លារសហរដ្ឋអាមេរិក  ដើម្បីជំរុញលើការគ្របដណ្តប់សុខភាពជាសកល ឱ្យបានទូលំទូលាយ នៅទូទាំងរាជធានីខេត្ត។

លោកជំទាវប្រធានគណៈកម្មការ បានសំណូមពរដល់ តំណាងអង្គការទាំងអស់ សូមបន្តគៀងគរស្វែងរកប្រភពគាំទ្រថវិកា ដើម្បីសហការជាមួយ គណៈកម្មការទី៨ នៃរដ្ឋសភា សម្រាប់ការធ្វើយុទ្ធនាការ ផ្សព្វផ្សាយរួមគ្នាឱ្យបានទូលំទូលាយចំពោះការប្រយុទ្ធប្រឆាំងនឹងជំងឺមិនឆ្លង តាមរយៈហានិភ័យនានា ដែលកើតចេញពីការប្រើប្រាស់គ្រឿងស្រវឹង ព្រោះថា យកឈ្នះជំងឺមិនឆ្លង គឺកាត់បន្ថយភាពក្រីក្រ។ លោកជំទាវក៏បានឯកភាពទទួលយក ចំពោះយន្តការនៃការតម្លើងពន្ធលើគ្រឿងស្រវឹង ដោយកាត់បន្ថយការផ្សាយពាណិជ្ជកម្មស្រា និងភេសជ្ជៈផ្អែម នៅតាមដងផ្លូវ ព្រោះថាបើមានការតម្លើងពន្ធខ្ពស់ តម្លៃលក់រាយក៏ខ្ពស់ ធ្វើឱ្យចំនួនអ្នកប្រើប្រាស់ថយចុះ កត្តាហានិភ័យក៏មានការថយចុះ ហើយគណៈកម្មការទី៨ នឹងចូលរួមចំណែក ខិតខំជំរុញសេចក្តីព្រាងច្បាប់ ស្តីពីការត្រួតពិនិត្យគ្រឿងស្រវឹង ឱ្យលេចជារូបរាងឡើង នៅពេលខាងមុខ៕