សេចក្តីប្រកាសព័ត៌មាន ស្តីពីលទ្ធផលនៃកិច្ចប្រជុំគណៈកម្មាធិការអចិន្រ្តៃយ៍នៃរដ្ឋសភា ថ្ងៃអង្គារ ទី២២ ខែមិថុនា ឆ្នាំ២០២១ តាមប្រព័ន្ធវីដេអូ__ រដ្ឋសភានឹងប្រជុំពេញអង្គបោះឆ្នោតផ្តល់សេចក្តីទុកចិត្តប្រធានថ្មី នៃគណៈកម្មាធិការជាតិរៀបចំការបោះឆ្នោត ក្នុងសប្តាហ៍នេះ__ វឌ្ឍនភាពនៃគម្រោងសាងសង់ផ្លូវល្បឿនលឿន-ភ្នំពេញព្រះសីហនុ ប្រវែង១៩០គីឡូម៉ែត្រ សម្រេចបាន ៥៥,០៥% ហើយ គិតត្រឹមថ្ងៃទី១១ ខែមិថុនា ឆ្នាំ២០២១__ គណៈកម្មការរដ្ឋសភាប្រជុំតាមប្រព័ន្ធវីដេអូ ដើម្បីពិនិត្យសិក្សាសេចក្តីព្រាងច្បាប់ចំនួន២ ជាមួយតំណាងរាជរដ្ឋាភិបាល__ គណៈប្រតិភូសភាកម្ពុជាអញ្ជើញចូលរួមកិច្ចប្រជុំប្រចាំឆ្នាំរបស់ក្រុមអ្នកនយោបាយ នៃអន្តរសភាអាស៊ានអាយប៉ា (AIPA) លើកទី១២__ លិខិតថ្វាយព្រះពររបស់ សម្តេចអគ្គមហាពញាចក្រី​ ហេង​ សំរិន ប្រធានរដ្ឋសភា​ នៃព្រះរាជាណាចក្រកម្ពុជា ថ្វាយសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ__ លិខិតថ្វាយព្រះពររបស់​ ឯកឧត្តមកិត្តិនីតិកោសលបណ្ឌិត​ ងួន​ ញ៉ិល​ អនុប្រធានទី១​ រដ្ឋសភា​ នៃព្រះរាជាណាចក្រកម្ពុជា ថ្វាយសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ__ សេចក្តីប្រកាសព័ត៌មាន ស្តីពីលទ្ធផលនៃកិច្ចប្រជុំគណៈកម្មាធិការអចិន្រ្តៃយ៍នៃរដ្ឋសភា ថ្ងៃអង្គារ ទី១៥ ខែមិថុនា ឆ្នាំ២០២១ តាមប្រព័ន្ធវីដេអូ__ សម្តេចអគ្គមហាពញាចក្រី ហេង សំរិន ដឹកនាំកិច្ចប្រជុំគណៈកម្មាធិការអចិន្រ្តៃយ៍រដ្ឋសភាតាមប្រព័ន្ធវីដេអូ ៕


ទំព័រមុខ » ព័ត៌មាន » ព័ត៌មានប្រចាំថ្ងៃ » សភាកម្ពុជាត្រៀមខ្លួនធ្វើជាម្ចាស់ផ្ទះរៀបចំមហាសន្និបាតអាយប៉ាលើកទី៤៣ នៅព្រះរាជាណាចក្រកម្ពុជា
សភាកម្ពុជាត្រៀមខ្លួនធ្វើជាម្ចាស់ផ្ទះរៀបចំមហាសន្និបាតអាយប៉ាលើកទី៤៣ នៅព្រះរាជាណាចក្រកម្ពុជា
រៀបរៀងដោយ ៖​ NA1472 ​ នៅថ្ងៃទី (6/10/2021 4:49:29 AM )

ឯកឧត្តមកិត្តិសេដ្ឋាបណ្ឌិត ជាម យៀប ប្រធានគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម នៃរដ្ឋសភា និងជាប្រធានក្រុម រដ្ឋសភាជាតិអាយប៉ា-កម្ពុជា នាព្រឹកថ្ងៃទី១០ ខែមិថុនា ឆ្នាំ២០២១ បានអញ្ជើញដឹកនាំកិច្ចប្រជុំត្រៀម សម្រាប់ការចូលរួមមហាសន្និបាត អាយប៉ាលើកទី៤២ នៅប្រទេសប្រ៊ុយណេដារូសាឡឹម និងបានធ្វើការពិភាក្សាគ្នាលើមូលបទ ទីកន្លែង និងកាលបរិច្ឆេទ សម្រាប់ការងារ ត្រៀមរៀបចំមហាសន្និបាតអាយប៉ា លើកទី៤៣ ដែលសភានៃព្រះរាជាណាចក្រកម្ពុជា នឹងទទួលធ្វើជាម្ចាស់ផ្ទះ បន្តពីសភាប្រទេស ប្រ៊ុយណេដារូសាឡឹម។

កិច្ចប្រជុំនេះ បានរៀបចំឡើងនៅវិមានរដ្ឋសភា ដោយមានការចូលរួមពី ឯកឧត្តម លោកជំទាវ ជាសមាជិក សមាជិកាក្រុមអាយប៉ាជាតិ- កម្ពុជា និងមន្រ្តីជំនាញពាក់ព័ន្ធមួយចំនួន។

ឯកឧត្តមកិត្តិសេដ្ឋាបណ្ឌិត ជាម យៀប បានមានប្រសាសន៍ថា កិច្ចប្រជុំនាថ្ងៃនេះគឺក្រុមរដ្ឋសភាជាតិអាយប៉ា-កម្ពុជា ដែលដឹកនាំដោយ សម្តេចអគ្គមហាពញាចក្រី ហេង សំរិន ប្រធានរដ្ឋសភានៃព្រះរាជាណាចក្រកម្ពុជា នឹងអញ្ជើញចូលរួមមហាសន្និបាតអាយប៉ា លើកទី- ៤២ តបតាមការអញ្ជើញរបស់ភាគីប្រទេសប្រ៊ុយណេដារូសាឡឹម ដែលជាម្ចាស់ផ្ទះ។ ប៉ុន្តែបើសិនជាការរីករាលដាលនៃជំងឺកូវីដ១៩ នៅ តែរាតត្បាតដូចសព្វថ្ងៃ មហាសន្និបាតអាយប៉ាលើកទី៤២ នឹងប្រជុំទៅតាមរយៈប្រព័ន្ធវីដេអូដូចដែលរដ្ឋសភាប្រទេសវៀតណាមបានធ្វើ នាពេលកន្លងទៅ។

ឯកឧត្តមកិត្តិសេដ្ឋាបណ្ឌិត បានបន្តទៀតថា កម្ពុជានឹងត្រៀមខ្លួនទទួលញញួរមកធ្វើជាម្ចាស់ផ្ទះ រៀបចំមហាសន្និបាតអាយប៉ាលើកទី៤៣ នៅព្រះរាជាណាចក្រកម្ពុជា។ ដោយឡែក ពាក់ព័ន្ធនឹងប្រធានបទនៃមហាសន្និបាត និងកិច្ចការមួយចំនួនទៀត សភាកម្ពុជានឹងត្រៀម រៀបចំអោយទទួលបានជោគជ័យ ដូចមហាសន្និបាតមុនៗដែរ ដោយសារកម្ពុជាមានបទពិសោធន៍គ្រប់គ្រាន់ និងធ្លាប់ទទួលបានការ កោតសរសើរពីសភាក្នុងតំបន់ និងសកលលោកជាហូរហែកន្លងមក ៕

អត្ថបទ និងរូបភាព ដោយនាយកដ្ឋានព័ត៌មាន