រដ្ឋសភា និងរាជរដ្ឋាភិបាល ជួបពិភាក្សាគ្នាលើសេចក្តីព្រាងច្បាប់ទាក់ទងនឹងអនុសញ្ញាមីណាម៉ាតា ស្តីពីបារត និងវិសោធនកម្មពិធីសារម៉ុងរ៉េអាល់ ស្តីពីសារធាតុបំផ្លាញស្រទាប់អូហ្សូន__ គណៈកម្មការសេដ្ឋកិច្ចនៃរដ្ឋសភា និងក្រសួងសេដ្ឋកិច្ច ជួបប្រជុំពិភាក្សាគ្នាអំពីការគ្រប់គ្រងថវិការបស់រដ្ឋសភាសម្រាប់ឆ្នាំ២០២១__ លោកជំទាវកិត្តិសង្គហបណ្ឌិត ឃួន សុដារី អញ្ជើញចូលរួមក្នុងពិធីកាន់បិណ្ឌវេនទី១២ នៅវត្តប្រជុំនទី ហៅវត្តក្រពើហា ក្នុងក្រុងតាខ្មៅ ខេត្តកណ្តាល__ សម្តេចអគ្គមហាពញាចក្រី ហេង សំរិន និងក្រុមគ្រួសារអញ្ជើញកាន់បិណ្ឌទី១១ នៅវត្តថ្កូវក្នុងស្រុកកំណើត នាខេត្តត្បូងឃ្មុំ__ សម្តេចប្រធានរដ្ឋសភា និងសម្តេចធម្មវិសុទ្ធវង្សា សៅទី ហេង សំរិន រួមចំណុះជើងវត្តត្រពំាងព្រីង ខេត្តត្បូងឃ្មុំ ប្រារព្ធពិធីបុណ្យកាន់បិណ្ឌទី១០__ រដ្ឋសភា និងរាជរដ្ឋាភិបាល ជួបពិភាក្សាគ្នាលើសេចក្តីព្រាងច្បាប់ទាក់ទងនឹងការជួយគ្នាទៅវិញទៅមកផ្នែកច្បាប់ ក្នុងវិស័យព្រហ្មទណ្ឌ និងសន្ធិសញ្ញាស្ដីពីបត្យាប័ន ជាមួយប្រទេសជាមិត្ត__ ឯកឧត្តម ឡូយ សុផាត អញ្ជើញបិទសិក្ខាសាលាស្តីពីការឆ្លុះបញ្ជាំងលើការអនុវត្តក្របខ័ណ្ឌគោលដៅអភិវឌ្ឍន៍ ប្រកបដោយចីរភាពកម្ពុជា២០១៦-២០៣០ និងផែនការយុទ្ធសាស្រ្តអភិវឌ្ឍន៍ជាតិ២០១៩-២០២៣__ សម្តេចអគ្គមហាពញាចក្រី ហេង សំរិន ដឹកនាំគណៈប្រតិភូជាន់ខ្ពស់សភាកម្ពុជា ចូលរួមបិទមហាសន្និបាតអន្តរសភាអាស៊ានលើកទី៤១ តាមប្រព័ន្ធវីដេអូ__ កិច្ចប្រជុំគណៈកម្មាធិការសង្គមកិច្ចអាយប៉ា ពិភាក្សាគ្នាពីការធ្វើឱ្យប្រសើរឡើងនូវតួនាទីអាយប៉ា ក្នុងការគាំទ្រសហគមន៍វប្បធម៌ សង្គម អាស៊ាន ឆ្លើយតបទៅនឹងជំងឺកូវីដ-១៩__ គណៈកម្មាធិការសេដ្ឋកិច្ចអាយប៉ា ពិភាក្សាគ្នាលើប្រធានបទស្ដីពីតួនាទីរបស់សភា ក្នុងការលើកកម្ពស់ភាពស្អិតរមួតអាស៊ាន និងការងើបឡើងវិញនៃសេដ្ឋកិច្ច ក្រោយការរាតត្បាតនៃជំងឺកូវីដ១៩__ លោកជំទាវកិត្តិសង្គហបណ្ឌិត ឃួន សុដារី អញ្ជើញចូលរួមក្នុងពិធីកាន់បិណ្ឌវេនទី៧ នៅវត្តវិមានតេជៈ(ស្រះចក) រាជធានីភ្នំពេញ__ កិច្ចប្រជុំគណៈកម្មាធិការនយោបាយអន្តរសភាអាស៊ាន ពិភាក្សាគ្នាលើសេចក្ដីព្រាងសេចក្ដីសម្រេចស្ដីពី ការទូតសភាសម្រាប់សន្តិភាព និងសន្តិសុខប្រកបដោយចីរភាព ក្នុងតំបន់អាស៊ាន__ កិច្ចប្រជុំរបស់សមាជិកសភាអាយប៉ាវ័យក្មេងពិភាក្សាគ្នាលើសេចក្ដីសម្រេច ស្ដីពីសមាជិកសភាអាយប៉ាវ័យក្មេង ក្នុងការកសាងសហគមន៍អាស៊ាន__ លោកជំទាវ កិត្តិសង្គហបណ្ឌិត ឃួន សុដារី ដឹកនាំគណៈប្រតិភូសភាស្រ្តីកម្ពុជា ចូលរួមកិច្ចប្រជុំគណៈកម្មាធិការសភាស្រ្តីអាយប៉ា តាមរយៈប្រព័ន្ធវីដេអូ__ សម្តេចអគ្គមហាពញាចក្រី ហេង សំរិន ស្នើអាស៊ាន ធ្វើសមាហរណកម្មតំបន់ឱ្យកាន់តែស៊ីជម្រៅ ក្នុងពេលមានវិបត្តិសេដ្ឋកិច្ចដោយសារកូវីដ១៩នេះ__ សម្តេចអគ្គមហាពញាចក្រី ហេង សំរិន និងក្រុមគ្រួសារអញ្ជើញប្រារព្ធពិធីកាន់បិណ្ឌទី៤ វត្តក្រពើហា នាក្រុងតាខ្មៅ ខេត្តកណ្តាល__ ប្រតិភូគណ:កម្មការអប់រំយុវជនរដ្ឋសភា ចុះសិក្សាឈ្វេងយល់វិស័យអប់រំ នៅខេត្តស្វាយរៀង ក្នុងដំណាក់កាលវិបត្តិកូវីដ១៩នេះ__ សម្តេចអគ្គមហាពញាចក្រី ហេង សំរិន បានទទួលជួបសន្ទនាតាមទូរស័ព្ទជាមួយប្រធានព្រឹទ្ធសភាប៉ាគីស្ថាន__ សេចក្តីប្រកាសព័ត៌មាន ស្តីពីលទ្ធផលនៃកិច្ចប្រជុំគណៈកម្មាធិការអចិន្រ្តៃយ៍នៃរដ្ឋសភា ថ្ងៃព្រហស្បតិ៍ ទី៣ ខែកញ្ញា ឆ្នាំ២០២០__ រដ្ឋសភាទទួលយកសេចក្តីព្រាងច្បាប់ចំនួន៥ដែលជាសំណើរបស់រាជរដ្ឋាភិបាលមកពិនិត្យសិក្សា__ គណៈកម្មការអប់រំនៃរដ្ឋសភាចុះស្វែងយល់ពីស្ថានភាពវិស័យអប់រំ និងការអនុវត្តវិធានការនានា ក្នុងបរិបទនៃវិបត្តិជំងឺកូវីដ១៩ នៅខេត្តព្រៃវែង__ THE CHALLENGES OF WOMEN IN LEADERSHIP: KEY FINDINGS FROM GENDER STATISTICS ANALYSIS__ បញ្ហាប្រឈមរបស់ស្ត្រីក្នុងភាពជាអ្នកដឹកនាំ: លទ្ធផលស្រាវជ្រាវគន្លឹះនៃការវិភាគស្ថិតិយេនឌ័រ__ សេចក្តីជូនដំណឹង ស្តីពីគណៈប្រតិភូជាន់ខ្ពស់សភា​ នៃព្រះរាជាណាចក្រកម្ពុជា អញ្ជេីញចូលរួមមហាសន្និបាតអន្តរសភាអាស៊ាន​ (AIPA) លេីកទី៤១​ តាមរយៈប្រព័ន្ធវីដេអូ​ (Video Conference) ៕


ទំព័រមុខ » ព័ត៌មាន » ព័ត៌មានប្រចាំថ្ងៃ » អន្តរគណៈកម្មការរដ្ឋសភា ជួបប្រជុំជាមួយតំណាងរាជរដ្ឋាភិបាល ពិនិត្យសិក្សាលើសេចក្តីព្រាងច្បាប់ សម្រាប់ជាការផ្ដល់ទំនុកចិត្តដល់ការវិនិយោគលើវិស័យថាមពលអគ្គិសនី
អន្តរគណៈកម្មការរដ្ឋសភា ជួបប្រជុំជាមួយតំណាងរាជរដ្ឋាភិបាល ពិនិត្យសិក្សាលើសេចក្តីព្រាងច្បាប់ សម្រាប់ជាការផ្ដល់ទំនុកចិត្តដល់ការវិនិយោគលើវិស័យថាមពលអគ្គិសនី
រៀបរៀងដោយ ៖​ NA1472 ​ នៅថ្ងៃទី (3/22/2020 6:20:53 PM )

គណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម នៃរដ្ឋសភា ដឹកនាំដោយ ឯកឧត្តមកិត្តិសេដ្ឋាបណ្ឌិត ជាម យៀប ប្រធាន គណៈកម្មការ សហការជាមួយ គណៈកម្មការសាធារណការ ដឹកជញ្ជូន ទូរគមនាគមន៍ ប្រៃសណីយ៍ ឧស្សាហកម្ម រ៉ែ ថាមពល ពាណិជ្ជកម្ម រៀបចំដែនដី នគរូបនីយកម្ម និងសំណង់ នៃរដ្ឋសភា ដឹកនាំដោយ លោកជំទាវ និន សាផុន ប្រធានគណៈកម្មការ ដោយ មានការចូលរួម ពីតំណាងគណៈកម្មការផ្សេងៗទៀតនៃរដ្ឋសភា បានជួបប្រជុំជាមួយតំណាងរាជរដ្ឋាភិបាល ដែលមាន ឯកឧត្តម ស៊ុយ សែម រដ្ឋមន្ត្រីក្រសួងរ៉ែ និងថាមពល និង ឯកឧត្តម ហ៊ាន សាហ៊ីប រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ ដើម្បីពិនិត្យសិក្សា ទៅលើសេចក្តីព្រាងច្បាប់ចំនួនបី សម្រាប់ជាការផ្ដល់ទំនុកចិត្តដល់ក្រុមហ៊ុនវិនិយោគ ទាក់ទងនឹងគម្រោងវិនិយោគលើវិស័យថាមពល អគ្គិសនី នៅរសៀលថ្ងៃទី២០ ខែមីនា ឆ្នាំ២០២០ នៅវិមានរដ្ឋសភា។

សេចក្តីព្រាងច្បាប់ទាំងបីរួមមានៈ

១-សេចក្តីព្រាងច្បាប់ស្តីពី ការអនុម័តយល់ព្រមលើការធានាទូទាត់របស់រាជរដ្ឋាភិបាលនៃព្រះរាជាណាចក្រកម្ពុជា ឱ្យក្រុមហ៊ុន រ៉ូយ៉ាល់ គ្រុប អ៊ិនវេសម៉ិន គ្រុប ឯ.ក សម្រាប់គម្រោងវិនិយោគសាងសង់រោងចក្រអគ្គិសនីដុតធ្យូងថ្ម អានុភាព ៧០០មេហ្គាវ៉ាត់ ខេត្តកោះកុង។

២-សេចក្តីព្រាងច្បាប់ស្តីពី ការអនុម័តយល់ព្រមលើការធានាទូទាត់របស់រាជរដ្ឋាភិបាលនៃព្រះរាជាណាចក្រកម្ពុជា ឱ្យក្រុមហ៊ុន ហាន សេង ខូល ម៉ាញ សម្រាប់គម្រោងវិនិយោគសាងសង់ខ្សែបណ្តាញបញ្ជូនអគ្គិសនីតង់ស្យុង ២៣០គីឡូវ៉ុល តភ្ជាប់ពីរោងចក្រអគ្គិសនី ដុតធ្យូងថ្ម ខេត្តឧត្តរមានជ័យ មកអនុស្ថានីយសៀមរាបខាងកើត។

៣-សេចក្តីព្រាងច្បាប់ស្តីពី ការអនុម័តយល់ព្រមលើការធានាទូទាត់របស់រាជរដ្ឋាភិបាលនៃព្រះរាជាណាចក្រកម្ពុជា ឱ្យក្រុមហ៊ុន ហាន សេង ខូល ម៉ាញ សម្រាប់គម្រោងវិនិយោគសាងសង់រោងចក្រអគ្គិសនីដុតធ្យូងថ្ម អានុភាព ២៦៥មេហ្គាវ៉ាត់ ខេត្តឧត្តរមានជ័យ។

ឯកឧត្តម ស៊ុយ សែម រដ្ឋមន្ត្រីក្រសួងរ៉ែ  និងថាមពល បានមានប្រសាសន៍ថា សេចក្តីព្រាងច្បាប់ទាំងបីខាងលើ បានរៀបចំឡើងក្នុង បរិបទនៃនយោបាយឈ្នះឈ្នះ ដែលបាននាំមកនូវសន្តិភាព ស្ថិរភាពនយោបាយ ឯកភាពជាតិ និងការអភិវឌ្ឍនៅគ្រប់ទិសទី និងលើ គ្រប់វិស័យ។ ក្នុងនោះ វិស័យថាមពលក៏ត្រូវបានអភិវឌ្ឍន៍ក្នុងសន្ទុះយ៉ាងលឿន និងបានដើរតួនាទីស្នូលយ៉ាងសំខាន់ ក្នុងការទ្រទ្រង់ ការអភិវឌ្ឍ។

ឯកឧត្តមរដ្ឋមន្ត្រី បានបន្តថា តម្រូវការប្រើប្រាស់អគ្គិសនីបានបន្តស្ថិតក្នុងអាត្រាកំណើនខ្ពស់ ដើរស្របនឹងចក្ខុវិស័យដ៏មានមហិច្ឆិតា របស់រាជរដ្ឋាភិបាល ក្នុងការជំរុញការផ្គត់ផ្គង់អគ្គិសនីអោយបានគ្របដណ្តប់គ្រប់ភូមិក្នុងឆ្នាំ២០២០ ក្នុងអត្រាតម្លៃសមរម្យ និងតម្លៃ ឯកភាពទូទាំងប្រទេស។

ឯកឧត្តម ស៊ុយ សែម មានប្រសាសន៍ទៀតថា រាជរដ្ឋាភិបាលបាននិងកំពុងបន្តអនុវត្តនូវនយោបាយបញ្ចុះថ្លៃលក់ថាមពលអគ្គិសនី ដើម្បីរួមចំណែកកាត់បន្ថយការចំណាយរបស់ប្រជាពលរដ្ឋ ជំរុញកំណើនសេដ្ឋកិច្ច និងលើកកម្ពស់ជីវភាពប្រជាពលរដ្ឋអោយកាន់តែល្អ ប្រសើរថែមទៀត។

បន្ទាប់ពីការពិភាក្សាគ្នាយ៉ាងល្អិតល្អន់ អង្គប្រជុំបានឯកភាពទទួលយកសេចក្ដីព្រាងច្បាប់ទាំងបី ដោយរក្សាខ្លឹមសារអត្ថបទច្បាប់នៅ ដដែលទាំងស្រុង ដោយគ្រាន់តែធ្វើការកែសម្រួលអក្ខរាវិរុទ្ធបន្តិចបន្តួចអោយត្រូវតាមវចនានុក្រមប៉ុណ្ណោះ។ គណៈកម្មការជំនាញនៃ រដ្ឋសភា ក៏បានសម្រេចបញ្ជូនសេចក្តីព្រាងច្បាប់ទាំងបី ទៅគណៈកម្មាធិការអចិន្ត្រៃយ៍រដ្ឋសភា សម្រាប់ពិនិត្យដាក់បញ្ចូលទៅក្នុង សម័យប្រជុំរដ្ឋសភាធ្វើការពិភាក្សានិងអនុម័តនាពេលខាងមុខ។

ឯកឧត្តមកិត្តិសេដ្ឋាបណ្ឌិត ជាម យៀប បានថ្លែងការកោតសរសើរ និងវាយតម្លៃខ្ពស់ជូនដល់តំណាងរាជរដ្ឋាភិបាល ដែលបានខិតខំ ទាក់ទាញវិនិយោគិនមកបណ្ដាក់ទុនវិនិយោគលើវិស័យថាមពលនេះ និងបានបង្កើតច្បាប់ដ៏មានសារៈសំខាន់ខាងលើ ដើម្បីជាការផ្ដល់ ទំនុកចិត្តដល់ក្រុមហ៊ុនវិនិយោគ ក្នុងការធានាទូទាត់លើគម្រោងវិនិយោគវិស័យថាមពលអគ្គិសនីនេះ ផងដែរ។

អត្ថបទ និងរូបភាព ដោយនាយកដ្ឋានព័ត៌មាន