សម្តេចអគ្គមហាពញាចក្រី ហេង សំរិន អញ្ជើញថ្វាយព្រះរាជដំណើរព្រះមហាក្សត្រ យាងទៅចូលរួមពិធីរាជាភិសេកគ្រងរាជព្រះចៅអធិរាជថ្មីនៃប្រទេសជប៉ុន__ តំណាងរាស្រ្តមណ្ឌលខេត្តព្រៃវែង ជំរុញអាជ្ញាធរ ស្រុក ឃុំ បម្រើពលរដ្ឋ ឲ្យមានប្រសិទ្ធភាពខ្ពស់__ អនុប្រធានសភាស៊ែប៊ី សរសើរកម្ពុជាក្នុងការគោរពគោលការណ៍ និងច្បាប់អន្តរជាតិ និងស្នើបន្តពង្រឹងទំនាក់ទំនង និងបង្កើនកិច្ចសហប្រតិបត្តិឱ្យកាន់តែរឹងមាំជាមួយសភាកម្ពុជា__ លោកជំទាវ ឃួន សុដារី បានលើកឡើងពីសារៈសំខាន់នៃប្រព័ន្ធពហុភាគីនិយម ដោយផ្អែកលើវិធានច្បាប់ ក្នុងការកសាងសណ្តាប់ធា្នប់អន្តរជាតិ និងតម្លៃនៃសន្តិភាព និងស្ថិរភាព ដែលកម្ពុជាកំពុងមានសព្វថ្ងៃ__ សភាកម្ពុជាបានចូលរួមមតិក្នុងវេទិកាសមាជិកសភាជាស្រ្តីដោយលើកពីសមិទ្ធផលរបស់កម្ពុជា ជាពិសេសការសម្រេចបានកំណើនសេដ្ឋកិច្ច៧%ក្នុងមួយឆ្នាំ ក្នុងរយៈពេល២០ឆ្នាំចុងក្រោយ ៕


ទំព័រមុខ » គណៈកម្មការទី១ » សកម្មភាព » គណៈកម្មការសិទ្ធិមនុស្សរដ្ឋសភា ជំរុញអាជ្ញាធរខេត្តព្រះវិហារការពារថែរក្សាសុខសន្តិភាព ដើម្បីមានឱកាសអភិវឌ្ឍន៍ប្រទេសជាតិ
គណៈកម្មការសិទ្ធិមនុស្សរដ្ឋសភា ជំរុញអាជ្ញាធរខេត្តព្រះវិហារការពារថែរក្សាសុខសន្តិភាព ដើម្បីមានឱកាសអភិវឌ្ឍន៍ប្រទេសជាតិ
រៀបរៀងដោយ ៖​ NA1472 ​ នៅថ្ងៃទី (3/7/2019 2:14:02 AM )

ឯកឧត្តម ប៉ា​ សុជាតិវង្ស ប្រធានគណៈកម្មការសិទ្ធិមនុស្ស ទទួលពាក្យបណ្តឹង អង្កេត និងទំនាក់ទំនងរដ្ឋសភា ព្រឹទ្ធសភា នៃរដ្ឋសភា បានជួបពិភាក្សាការងារជាមួយ ឯកឧត្តម អ៊ុន​ ចាន់ដា អភិបាលនៃគណៈអភិបាលខេត្តព្រះវិហារ និងប្រធានមន្ទីរពាក់ព័ន្ធ នៅក្នុងដំណើរចុះបំពេញ បេសកកម្មសិក្សាស្វែងយល់ការងារ ដែលគណៈកម្មការទទួលបន្ទុកនៅក្នុងខេត្តព្រវិហារ នាព្រឹកថ្ងៃទី០៤​ ខែកុម្ភៈ ឆ្នាំ២០១៩។

នៅក្នុងជំនួបនេះ ឯកឧត្តម ប៉ា សុជាតិវង្ស បានជំរុញដល់អាជ្ញាធរ កងកម្លំាងប្រដាប់អាវុធ ពិសេសប្រជាពលរដ្ឋទំាងអស់ត្រូវគោរពច្បាប់ និងថែរក្សា សុខសន្តិភាព។ ឯកឧត្តមប្រធានគណៈកម្មការបានលើកឡើង ពីសារៈសំខាន់នៃសុខសន្តិភាពថា ជាចលករជំរុញដល់ការអភិវឌ្ឍប្រទេសជាតិ។ ជាក់ស្ដែងសមិទ្ធផលជាច្រេីនដែលកម្ពុជាកំពុងទទួលបាននាពេលនេះ គឺកើតចេញពីសុខសន្តិភាព ដែលទទួលបានមកយ៉ាងលំបាកក្រោមការខិតខំ របស់ប្រមុខដឹកនាំប្រទេសគឺ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី ដែលបានធ្វើឲ្យកម្ពុជាមានការរីកចម្រើនទំាងពុទ្ធចក្រ និងអាណាចក្រ។

ឯកឧត្តមប្រធានគណៈកម្មការ ក៏បានលើកឡើងពីការទទួលបានសិទ្ធិសេរីភាពរបស់ពលរដ្ឋនាពេលបច្ចុប្បន្ន ជាសិទ្ធិដែលបានចែងយ៉ាងច្បាស់នៅក្នុង រដ្ឋធម្មនុញ្ញកម្ពុជា។ ឯកឧត្តមបានលើកឡើងថា​ សិទ្ធិដែលពលរដ្ឋទទួលបាននាពេលបច្ចុប្បន្ននេះ គឺគ្មានទេកាលនៅក្នុងសម័យប៉ុលពត។ ឯកឧត្តម ប៉ា សុជាតិវង្ស​ បានគូសបញ្ជាក់បន្តថា មនុស្សគ្រប់រូបកើតមកមានសិទ្ធិស្មើៗគ្នា តែសិទ្ធិនោះត្រូវបានកំណត់ដោយច្បាប់ជាតិ និងអន្តរជាតិ។ ក្រៅពីសិទ្ធិជាមូលដ្ឋាន មនុស្សមានសិទ្ធិសង្គម សេដ្ឋកិច្ច សិទ្ធិទទួលបានការងារ និងការអប់រំ ជាដើម។ ជារួមសិទ្ធិមនុស្សគឺជាអំណាចការពារ ស្របច្បាប់ ឬកម្មសិទ្ធិរបស់មនុស្សក្នុងការរស់នៅប្រកបកិច្ចការងារដូចមានចែងក្នុងសេចក្តីប្រកាសជាសកលស្តីពីសិទ្ធិមនុស្ស។

ឯកឧត្តម អ៊ុន​ ចាន់ដា បានមានប្រសាសន៍ថា ផ្អែកតាមយុទ្ធសាស្ត្រចតុកោណ និងកម្មវិធីកំណែទម្រង់ស៊ីជម្រៅរបស់រាជរដ្ឋាភិបាល រដ្ឋបាលខេត្តបាន សម្រេចលទ្ធផលការងារប្រចាំឆ្នាំដោយជោគជ័យ ហើយទទួលបានសមិទ្ធផលជាច្រើន។ ឯកឧត្តមអភិបាលខេត្តលើកឡើងថា នៅខេត្តព្រះវិហារ វិស័យសន្តិសុខសណ្តាប់ធ្នាប់សង្គមបានថែរក្សាយ៉ាងល្អ។ នៅប៉ុន្មានឆ្នាំចុងក្រោយនេះ អាជ្ញាធរខេត្តបានដោះស្រាយបញ្ហាអសកម្មផ្សេងៗ ពិសេស បានអនុវត្តច្បាប់យ៉ាងម៉ឺងម៉ាត់ចំពោះជនខិលខូចទាំងឡាយណាដែលបានប្រព្រឹត្តិបទល្មើសផ្សេងៗ។ ខេត្តព្រះវិហារមានក្រុមហ៊ុន៣៤ ទទួលបានដី សម្បទានក្នុងការវិនិយោគ។ ជាមួយគ្នានេះ អាជ្ញាធរតែងតែខិតខំផ្សព្វផ្សាយច្បាប់គោលនយោបាយរបស់រាជរដ្ឋាភិបាលជូនដល់ពលរដ្ឋ ហើយសិទ្ធិ របស់ពលរដ្ឋត្រូវបានការពារ និងគោរពតាមច្បាប់។

ឯកឧត្តម ប៉ា​ សុជាតិវង្ស បានកោតសរសើរ និងវាយតម្លៃខ្ពស់ ចំពោះការខិតខំប្រឹងប្រែងបំពេញភារកិច្ចរបស់ថ្នាក់ដឹកនាំខេត្ត អាជ្ញាធរ មន្ទីរ និងអង្គភាពនានាទាំងអស់ ដែលធ្វើឲ្យសម្រេចបាននូវសមិទ្ធផលជាច្រើនជូនប្រជាពលរដ្ឋក្នុងខេត្តទាំងមូល។ ប្រធានគណៈកម្មការសិទ្ធិមនុស្ស រដ្ឋសភា បានកត់ត្រាចំពោះបញ្ហាប្រឈម និងសំណូមពររបស់ខេត្ត ដោយបានសន្យាថា ពាំនាំជូនរាជរដ្ឋាភិបាលដោះស្រាយតាមរយៈ សម្តេច អគ្គមហាពញាចក្រី ហេង សំរិន ប្រធានរដ្ឋសភា

អត្ថបទ និងរូបភាព ដោយនាយកដ្ឋានព័ត៌មាន